3/28/2024
Today from Hiiraan Online:  _
Wararka Maanta- Arbaco, Aug 10, 2022
Xukuumada Somaliland oo go'aan kasoo saartay mudaharaadada mucaaradka
 

Arbaco, Ogosto, 10, 2022 (HOL) - Xukuumada Somaliland ayaa fasaxday qabashada mudaharaadada mucaaradka ee qorshaysan Khamiista berri, waxayna go'aamisay in ay ka dhacaan xarumaha xisbiyada mucaaradka ee lixda gobol doorasho.

Wasiirka Arrimaha Guddaha Somaliland Maxamed Kaahin Axmed oo isaga iyo wasiiro kale ay shir ilaa saaka kula jireen guddoomiyaha xisbiga UCID Faysal Cali Waraabe, oo sheegay in uu ka wakiil yahay isbahaysiga mucaaradka, ayaa sheegay in mucaaradka iyo xukuumadu isku raaceen in mudaharaadadu ka dhacaan xarumaha xisbiyada.

Wasiirka ayaa sheegay in xukuumada iyo mucaaradku ku heshiiyeen in mudaharaadku qabsoomo saacadaha u dhexeeya 7:00 subaxnimo ilaa 12:00 duhurnimo, isla markaana ay madaxda mucaaradku masuul ka noqon doonaan wixii dhibaato ah ee ay mudaharaadayaashu gaystaan.

Kaahin sidookale, waxa uu ciidamada booliiska faray in ay ilaaliyaan nabadgalyada muwadiniinta mudaharaadaysa, dhinaca kalena ay talaabo ka qaadaan cidkasta oo ku kacda fal amni daro.

Goobta uu wasiirku ka hadlayay kama muuqaan guddoomiye Faysal Cali Waraabe, oo isagu wasiirka shir kula jira ilaa subixii, lamana garan karo hadii ay mucaaradku si buuxda ugu qanceen heshiiska uu wasiir Kaahin sheegay in ay gaadheen.



Abdilahi Geel-maal, Hiiraan Online
[email protected]












Click here
8/10/2022 6:09 PM EST
Arbaco, Ogosto, 10, 2022 (HOL) - Musharaxa xisbiga mucaaradka Somaliland ee Wadddani Cabdiraxmaan Maxamed Cabdillaahi Cirro, ayaa been abuur ku tilmaamay warka sheegaya in uu ciidamo argagixiso ah Xamar ka keenay.

8/10/2022 5:19 PM EST
Arbaco, Ogosto, 10, 2022 (HOL) - Gudoomiyaha degmada Cadaado ee gobolka Galgaduud ayaa maanta loo doortay Faarax Diriye Warsame, halka ku xigeenkiisa loo doortay Cabdixakin Maxamed Cali.

8/10/2022 5:12 PM EST
Arbaco, Ogosto, 10, 2022 (HOL) - Xukuumada Somaliland ayaa musharaxa madaxweynaha ee xisbiga Waddani ku eedaysay in uu Somaliland keenay ciidamado argagixiso ah oo Xamar ka yimid.

8/10/2022 4:34 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in ay ku mudoharaadayaan goobo ka duwan kuwii ay xukuumadu u cayintay.

8/10/2022 4:03 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in dood badan kadib ay xukuumada kula heshiiyeen in ay berri mudaharaadadooda ku qabsadaan xafiisyadooda ku yaala 6-da gobol doorasho.

8/10/2022 2:49 PM EST
Arbaco, Ogosto, 10, 2022 (HOL) - Taliska Mareykanka ee Afrika ayaa sheegay inuu saddex weerar oo xagga cirka ah ku qaaday kooxda Al-Shabaab, isagoo kaga jawaabayay weerar Alshabaab ay ku qaadeen ciidamo katirsan kuwa xoogga dalka oo ku sugnaa meel u dhow magaalada Beledweyne.

8/10/2022 7:22 AM EST
Arbaco, Ogosto, 10, 2022 (HOL) - Kenya: Goobaha codbixinta ayaa intooda badan haatan si rasmi ah loo xiray, balse cod bixinta ayaa lagu kordhiyay goobo yar yar oo sii furmaandoona illaa dadku ka codeeyaan.

8/10/2022 5:34 AM EST
Arbaco, Ogosto, 10, 2022 (HOL) - Xoogaga hubeysan ee Al-shabaab ayaa fagaare ku yaala degmada Jilib ee gobolka Jubbada dhexe waxa ay ku toogteen lix ruux oo dhamaantood rag ahaa, kuwaas oo ay ku eedeeyeen iney ahayeen jawaasiis u shaqeyneysay dowladdaha Soomaaliya, Kenya iyo Mareykanka.

8/10/2022 5:24 AM EST
Arbaco, Ogosto, 10, 2022 (HOL) - Madaxda xisbiga UCID oo kali ah ayaa saaka kasoo xaadiray kulankii loo balansanaa in hogaanka mucaaradka Somaliland, iyo xukuumadu ku gorfeeyaan nidaamka loo qabanayo mudaharaadada Khamiista.

8/10/2022 3:21 AM EST
Arbaco, Ogosto, 10, 2022 (HOL) - Xildhibaan Ilhaan Cumar ayaa si dirqi ah ugu guuleysatay Talaadadii xalay, tartanka hordhaca ah ee Congress-ka Mareykanka oo ay kula tartamaysay Xubin hore oo ka tirsan golaha deegaanka Minneapolis, Don Samuels.

8/10/2022 3:11 AM EST
Arbaco, Ogosto, 10, 2022 (HOL) - Wararka ka imaanaya tuulada Cadayleey oo ka mid ah tulooyinka hoostaga degmada Afgooye ee gobolka Sh/ hoose ayaa sheegaya in Xalay halkaasi rag hubeysan ay toogasho ka geysteen goob ay ka socotay xaflad aroos ah.

8/10/2022 3:04 AM EST
Arbaco, Ogosto, 10, 2022 (HOL) - Waxaa maalmahan magaalada Jigjiga ku sugnaa Wafdiga Madaxweynaha Koonfur galbeed Soomaaliya Cabdicasiis Laftagareen, iyagoo kulamo kala suwan la qaatay Madaxweyne Mustafe cagjar, iyo qaar kamid ah Odayaal dhaqameedka degaanka Soomaalida.

8/10/2022 2:40 AM EST
Arbaco, Ogosto, 10, 2022 (HOL) - Lamaaha amiga maamulka Puntland ayaa soo bandhigay agab laga sameeyo waxyaabaha qaraxa, kuwaas oo lagu qariyay gaari dhayne ah oo lagu qaybtay Dagmada galdogob ee gobolka Mudug.

8/10/2022 1:50 AM EST
Arbaco, Ogosto, 10, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in xukuumada anay ka wada hadlin goobo gaar ah oo lagu qabanayo mudaharaadka, sida wasiirka isgaadhsiintu sheegay.