3/28/2024
Today from Hiiraan Online:  _
Wararka Maanta- Isniin, Aug 23, 2021
Kulan Baledweyne ku dhexmaray Ugaas Yuusuf Ugaas Xasan iyo wasiirka arrimaha gudaha Soomaaliya
 

Isniin, Agoosto, 23, 2021 (HOL) - Wasiirka wasaaradda arrimaha gudaha iyo dib u heshiisiinta Xukuumadda Soomaaliya Jenaraal Mukhtaar Xuseen Afrax iyo xubno kale oo ka tirsan wasaaradiisa ayaa kulan galabta galinkii dambe kula qaatay hoyga Ugaas Yuusuf Ugaas Xasan ee magaalada Baledweyne.

Kulanka dhexmaray Ugaas Yuusuf iyo Wasiir Mukhtaar ayaa looga hadlay xal u helida xiisada ka taagan magaalada Baledweyne iyo sidii loo baajin lahaa wax walba oo dhibaato u keeni kara shacabka ku dhaqan magaalada Baledweyne.

Ugaas Yuusuf Ugaas Xasan ayaa la sheegay inuu wasiirka arrimaha gudaha ka dalbaday in dowladda Soomaaliya ay si toos ah usoo faragaliso dhibaatada ka jirta gobolka Hiiraan si looga gudbo wax walba oo caqabad iyo dib u dhac u keeni kara shacabka reer Hiiraan.

Wasiirka arrimaha gudaha Soomaaliya ayaa dhankiisa la sheegay inuu Ugaaska u balan qaaday iney dowladda ka shaqeyn doonto sidii loo dajin lahaa xiisada ka taagan Baledweyne kana shaqeyn doonaan sidii loo qancin lahaa shacabka tabashada qaba.

Warar madax banaan oo lagu kalsoonaan karo ayaa sidoo kale sheegaya in madaxda ugu sareysa dalka ay xiriir lasoo sameeyeen Ugaaska Beesha Xawaadle Ugaas Yuusuf Ugaas Xasan ayna ka wada hadleen hal u helida xaalada ka jirta magaalada Baledweyne ee xarunta gobolka Hiiraan.

Kulankan Ugaas Yuusuf iyo wasiir Mukhtaar ayaa imaanaya xili maanta Ugaaska Beesha Xawaadle uu ku guuleystay dajinta xaalad kacsanaan aheyd oo ilaa xalay ka jirtay magaaalada Baledweyne, kadib markii ciidamo ka tirsan Militariga Soomaaliya iyo kuwa Jenaraal Xuud ay la wareegeen inta badan magaalada Baledweyne.

Jamaal Cali Cabdi, Hiiraan Online
[email protected]












Click here
8/23/2021 2:07 PM EST
Isniin, Agoosto, 23, 2021 (HOL) - Mohamed Awal Saalax oo ahaa fanaan muslim ah, isla markaana caan ku ahaa qasiidooyinka diiniga ah ayaa maanta geeriyooday.

8/23/2021 1:55 PM EST
Isniin, Agoosto, 23, 2021 (HOL) - Go'aan mar dhawayd kasoo baxay Guddida Doorashooyinka Itoobiya Iayaa lagu sheegay in dib loo dhigay doorashadii degaannadii hadhsanaa ee ay Soomaalidu ku jirtay.

8/23/2021 11:03 AM EST
Isniin, Agoosto, 23, 2021 (HOL) - Madaxweynaha Somaliland Muuse Biixi Cabdi, madaxweyne ku xigeenkiisa iyo afhayeenka golaha wakiilada, ayaa madaxtooyada ku qaabilay qaar kamid ah culimada ugu waa wayn gayiga Soomaalida oo kulan diimeed magaalada Hargaysa uga socday 4tii maal mood ee u danbeeyay.

8/23/2021 8:54 AM EST
Isniin, Agoosto, 23, 2021 (HOL) - Dr. Cabdi Nuur Shiikh Maxamed oo kamid ah musharraxiinta madaxweynaha Soomaaliya, ayaa ku eedeeyay dowladda in ay iska dhega tirtay oo ay dhayalsatay cabashada reer Hiiraan ay ka qabaan maamulka Hirshabelle.

8/23/2021 8:41 AM EST
Isniin, Agoosto, 23, 2021 (HOL) - Odayaasha iyo waxgaradka gobolka Hiiraan ayaa sheegay in Ugaaska Beesha Xawaadle Ugaas Yuusuf Ugaas Xasan Ugaas Khaliif iyaga oo kaashanayay iney ku guuleysteen dajinta xaalad kacsanaan aheyd oo ka taagneyd magaalada Baledweyne ee xarunta gobolka Hiiraan.

8/23/2021 7:14 AM EST
Isniin, Agoosto, 23, 2021 (HOL) - Golaha Midowga Musharaxiinta ayaa war-saxaafadeed ay maanta soo saareen waxay kagasoo horjeesteen go’aanadii kasoo baxay shirkii golaha wadatashiga qaranka ee doorashada looga hadlayay.

8/23/2021 5:02 AM EST
Isniin, Agoosto, 23, 2021 (HOL) - Waxaa maanta xaalad deganaasho ah laga dareemaya magaalada Baledweyne ee xarunta gobolka Hiiraan, kadib xaalad kacsanaan ah oo habeenkii xalay ahaa si weyn uga jirtay Baledweyne.

8/23/2021 4:57 AM EST
Isniin, Agoosto, 23, 2021 (HOL) - Maxkamadda ciiddamada qalabka sida ee Soomaaliya, ayaa saakay Cabdirisaaq Maxamed Cabdi Jimcaale oo lagu eedeeyay inuu katirsan yahay Daacish ku xukuntay 15-sano oo xabsi Ciiddan ah.

8/23/2021 3:18 AM EST
Isniin, Agoosto, 23, 2021 (HOL) - Maamulka Gobolka Bari ee Puntland ayaa sheegay in 48 saac ee soo socda ay jiraan roobab xooggan oo dabeeylo wata oo ku wajahan dhulka xeebaha ee Puntland.

8/23/2021 2:12 AM EST
Isniin, Agoosto, 23, 2021 (HOL) - Xildhibaan Cabdullaahi Goodax Barre oo la hadlaayay warbaahinta ayaa sheegay in masuuliyiin uu ugu horeeyo madaxweyne ku xigeenka Hirshabeelle Yuusuf Dabageed iyo siyaasiyiin dhowr ahaa oo dhawaan la tagay Baledweyne ay ku jiraan xaalad go'doon ah.

8/23/2021 1:13 AM EST
Isniin, Agoosto, 23, 2021 (HOL)- Wasiirka arrimaha gudaha Somaliland Maxammed Kaahin Axmed ayaa culimada Somaaliyeed ee ku sugan mu'tamarka ama shirwaynaha culimada Soomaalida, oo Hargaysa ka socda ka codsaday in ay u duceeyaan Soomaaliya.

8/23/2021 1:08 AM EST
Isniin, Agoosto, 23, 2021 (HOL) - Waxaa galinkii hore ee shalay soo gaaray caasimadda degaanka Soomaalida ee Jigjiga wafdi ka kooban xildhibaano ka socday dalka Kenya.