11/28/2021
Today from Hiiraan Online:  _
Wararka Maanta- Isniin, Aug 2 , 2021
Wasiir Kaahin" Faysalow hadad meel kale u socoto masiibo hanoo sadaaline si yaroo nabada nagaga bax"
 

Isniin, Agoosto, 2, 2021 (HOL) - Wasiirka arrimaha gudaha Somaliland Maxammed Kaahin Axmed, oo u jawabaya guddoomiye Faysal Cali Waraabe, oo la sheegay in uu shacabka Hargaysa ugu baaqay in ay bari isku soo baxaan, ayaa uga digay in uu nabad galyo daro abuuro.

Wasiirka ayaa sheegay in xukuumada Somaliland anay wax faragalin ah ku samayn doonin doorashada shirgudoonka wakiilada,  una dhici doonto hab daah furnaan ah, isla markaana anay jirin wax wayn oo nabada loo dhaawaco.

"Xukuumadu haday doonayso in ay howshaa ku talaabsato, maxay ugu talaabsan wayday golayaasha deegaanka markii la samaynayay, maxay ugu talaabsan wayday maayaradu markay labada xisbi mucaarad kasoo baxayeen ee ay isbahaysanayeen, dowlada Somaliland way karaysay, cid ay isbahaystaana way karaysay" ayuu yidhi.

"Maanta waxa aad iyo aad nasiib daro u ah iyadoo doorashadii golaha wakiiladu dhacayso, oo doorasho kale anay dhacaynine la dooranayo oo kaliya guddoomiyihii golaha, in guddoomiyaha xisbiga UCID uu leeyahay barito qas baa dhacaya, barito dhibaata dhacaysa, tolow isagu xaguu ka galayaa" ayuu hadalkiisa ku daray.

Wasiirka ayaa guddoomiyaha ugu baaqay in aanu umada qas  galin hadii usagu uu meel kale u socdo oo uu qorshayaal kale leeyahay sida uu hadalkiisa u dhigay.

"Nin malaha meel kale u socda ayaa dadka intiisa kale masiibo u saadaaliye, waxaan leenahay Alle masiibo inooma keeno, hadaa adigu meel kale u socotana anaga masiibo hanoo sii saadaline si yaroo nabad galyo ah nagaga bax" ayuu yidhi wasiirku.

Guddoomiyaha xisbiga UCID Faysal Cali Waraabe ayaa la sheegay in uu shacabka Hargaysa ugu baaqay in ay diyaar garoobaan oo wadooyinka istaagaan si hadii Kulmiye ugu guulaysto shirguddoonka ay mudaharaad u sameeyaan.

Abdilahi Abdi Rahman, Hiiraan Online
[email protected]














Click here
8/2/2021 4:56 PM EST
Isniin, Agoosto, 2, 2021 (HOL) - Guddoomiyaha xisbiga UCID Faysal Cali Waraabe, ayaa beeniyay in uu ku baaqay mudaharaad maalinta bari ah, sida uu sheegay wasiirka arrimaha gudaha Somaliland Maxammed Kaahin Axmed, saxafiyiinta qaarkoodna qoreen.

8/2/2021 12:54 PM EST
Isniin, Agoosto, 2, 2021 (HOL) - Wasaaradda waxbarashada iyo tacliinta sare ee maamulka Puntland ayaa ku guul daraystay in ay saxdo imtixaankii shahaadiga ahaa ee fasalada siddeedaad ee dugsiyada dhexe Puntland, xilli maalinta berrito ah ay dib u furmayaan guud ahaan dugsiyada Puntland.

8/2/2021 11:53 AM EST
Isniin, Agoosto, 2, 2021 (HOL) - Waxaa goordhaw si rasmi ah u soo gabagaboobay doorashada Shan ka mid ah kuraasta Xildhibaanada Aqalka sare ee Baarlamaanka Soomaaliya ku matalaya maamulka Koofur Galbeed Soomaaliya.

8/2/2021 11:49 AM EST
Isniin, Agoosto, 2, 2021 (HOL) - Xildhihaan Cabdikariin Meecaad oo xisbiga Waddani uga soo baxay gobolka Sanaag oo horey uga tirsana isbahaysiga xisbiyada mucaaradka Somaliland ee Waddani iyo UCID, ayaa ku biiray isbahaysiga kasoo hor jeeda ee xisbiga Kulmiye iyo garabka UCID.

8/2/2021 11:39 AM EST
Isniin, Agoosto, 2, 2021 (HOL) - Dowlad degaanka Soomaalida Itoobiya ayaa go'aano kasoo saartay sicir bararka maalmahan ka jiray degaanka, sidaan lawada soconay maalmihii aynu soo dhaafnay waxaa degaanka Soomaalida ka jiray sicir bar dhanka maciishada ah, taas oo shay walba uu gaadhay qiimo aysan cidna u dhawaan karin.

8/2/2021 7:54 AM EST
Isniin, Agoosto, 2, 2021 (HOL) - Guddoomiyaha ku meel gaadhka ah ee xisbiga Waddani Cabdiqaadir X. Ismaaciil Jirde, ayaa ku baaqay in aan dhibaato laga dhex abuurin, xildhibaannada golaha wakiilada Somaliland ee cusub iyo musharixiinta u taagan doorashada shirgudoonka.

8/2/2021 7:35 AM EST
Isniin, Agoosto, 2, 2021 (HOL) - Ayaan Adan Cabdullaahi ayaa noqotay haweenaydii Labaad ee kusoo baxda doorashada xildhibaanada aqalka sare ee koonfur galbeed ku matalaya barlamaanka labaad ee aqalka sare.

8/2/2021 6:05 AM EST
Isniin, Agoosto, 2, 2021 (HOL) - Waxaa goordhaw si rasmi ah ay uga bilaawday magaalada Baydhabo doorashada Xildhibaanada Aqalka sare Baarlamaanka Soomaaliya ku matalaya maamulka Koonfur Galbeed.

8/2/2021 1:42 AM EST
Isniin, Agoosto, 2, 2021 (HOL) - Guddoomiyaha maamulka gobolka Hiiraan Cali Jeyte Cismaan iyo Taliyaha guutada 5-aad qeybta 27-aad ee ciidanka Xoogga dalka Maxamuud Xasan Ibraahim Baakaay ayaa si wadajir ah dhaliilo adag ugu jeediyay ciidamada AMISOM ee ku sugan gobolka Hiiraan.

8/2/2021 1:31 AM EST
Isniin, Agoosto, 2, 2021 (HOL) - Waxaa maanta lagu wadaa in magaalada Baydhabo ee xarunta gobolka Baay ay ka bilaabato doorashada Xildhibaanada Aqalka sare ee Baarlamaanka Soomaaliya ku matalaya maamulka Koofur Galbeed.