3/28/2024
Today from Hiiraan Online:  _
Wararka Maanta- Axad, Apr 4 , 2021
Wararkii ugu dambeyay Shirka Madaxda Fedaraalka, kuwa dowlad goboleedyada iyo gobolka Banaadir oo maalintii labaad galay
 

Axad, April, 04, 2021 (HOL) - Waxaa goordhaw markale dib u bilaawday shirka u dhaxeeya madaxda dowladda Fedaraalka iyo kuwa maamul goboleedyada iyo gobolka Banaadir oo maalintii shalay ahayd uga furmay Xarunta Afisyooni.

Shirkaan oo aay soo qabanqaabisay Beesha Caalamka, waxaa diirada lagu saaraya doorashada dalka ka dhaceysa taasoo aay isku fahmi la'yihiin madaxda Soomaaliyeed.

Madaxweyne Maxamed Cabdullaahi Farmaajo, Raysal wasaare Maxamed Xuseen rooble iyo dhamaan madaxda dowlad goboleedyada dalka iyo guddoomiyaha gobolka Banaadir ayaa ka qeyb galaya shirka ka socda Teendhada Afisyooni.

Shirka maanta ayaa lagu wadaa in dhinacyada isku afgartaan ajandaha shirkooda, waxaana la filayaa in maanta war murtiyeed kasoo saaraan shirka soo socda xiliga la qabanaayo iyo maalmaha uu socon doono waa hadii aay madaxdu isku afgartaane.

Madaxda Soomaalida ah ee maalintii labaad shirka uga socdo Teendhada Afisyooni ayaa waxay cadaadis xoogan kala kulmayaan Beesha Caalamka oo dadaal xoogan ugu jirta sidii aay isku fahmi lahayeen doorashana aay uga dhici laheyd dalka Soomaaliya.

Jamaal Cali Cabdi, Hiiraan Online
[email protected]













Click here
4/4/2021 11:16 AM EST
Axad, April, 04, 2021 (HOL) - Wakiilka QM u qaabilsan Soomaaliya, James Swan, ayaa cambaareeyay weeraradii shalay lagu qaaday fariisimaha Ciidanka Xoogga Dalka Soomaaliyeed ay ku leeyihiin magaalooyinka Bariire iyo Awdheegle ee gobolka Shabeellaha Hoose.

4/4/2021 8:30 AM EST
Axad, April, 04, 2021 (HOL) -Dowladda Itoobiya ayaa sheegtay in ciidamada dalka Eritrea bilaabeen in ay isaga baxaan gobolka Tigrayga kuwaa oo ka bar bar dagaalamayay ciidamada Itoobiya ee dagaalka la galay xoogagga TPF ee lagala wareegay gobolka.

4/4/2021 8:25 AM EST
Axad, April, 4, 2021 (HOL) - DR. Maxamed Cabdi Gaboose ayaa shir jaraa’id oo uu maanta Hargaysa ku qabtay ku shaaciyay in uu ka fadhiistay dhakhtarnimadi iyo siyaasadiba.

4/4/2021 6:52 AM EST
Axad, April, 04, 2021 (HOL) - Ciidamada dowladda Federaalka Soomaaliya ayaa si rasmi ah ula wareegey gacan ku heynta Deegaanada koonfureed ee Dhuusamareeb sida Sinadhaqo iyo labi-dulle oo saldhig u ahaa kooxda Alshabaab.

4/4/2021 2:38 AM EST
Axad, April, 04, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna guddoomiyaha Midowga Musharaxiinta Madaxweynaha Soomaaliyaa ayaa si adag uga hadlay qaraxii ismiidaaminta ahaa ee xalay ka dhacay maqaayad lagu shaah cabo oo ku taala degmada Shangaani ee magaalada Muqdisho.

4/4/2021 12:42 AM EST
Axad, April, 04, 2021 (HOL) War Qoraal ah oo ka soo baxay Dowladda Turkiga ayaa lagu sheegay in ay siweyn uga murugeysan yihiin weerarradii ugu danbeeyay ee ka dhacay dalka Soomaaliya, gaar ahaan Qaraxii Ismiidaaminta ahaa ee xalay iyo weerarkii Al-shabaab ay ka geysteen gobolka Shabeellaha Hoose.