3/28/2024
Today from Hiiraan Online:  _
Wararka Maanta- Axad, Apr 4 , 2021
Sheekh Shariif Sheekh Axmed oo fariin u diray Hay'addaha amniga dowladda Soomaaliya
 

Axad, April, 04, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna guddoomiyaha Midowga Musharaxiinta Madaxweynaha Soomaaliyaa ayaa si adag uga hadlay qaraxii ismiidaaminta ahaa ee xalay ka dhacay maqaayad lagu shaah cabo oo ku taala degmada Shangaani ee magaalada Muqdisho.

Sheekh Shariif Sheekh Axmed ayaa ummada Soomaaliyeed la wadaagay murugada iyo tacsida dhalinyaradii xalay ku geeriyootay qaraxa si gaara ahaana ugu tacsiyadeeyay qoysaskii aay ka geeriyoodeen dhalinyaradii lagu dilay qaraxii ismiidaaminta ahaa ee xalay lala beegsaday.

"Waxaan Ummada Soomaaliyeed la wadaagayaa murugada iyo tacsida dhalinyaradii xalay ku geeriyootay qaraxa lagu dilay, anigoo marka hore tacsi u diraya dhamaan qoysaska dhalinyaradaas mustaqbalka u aheyd dalka ee naftii haligihii qariban oo shabaab ka tirsan uu ku qarxiyay degmada Shangaani ee magaalada Muqdisho"ayuu yiri Sheekh Shariif.

Gabagabadii Sheekh Shariif ayaa ugu baaqay Hay'addaha amniga dowladda Soomaaliya iney ka hortagaan weerarada qorsheysan ee ka dhacaya magaalada Muqdisho oo aay iska diidaan in lagu mashquuliyo arrimaha is diidan ee siyaasada, waxaana qaraxii xalay ku geeriyootay inta la xaqiijiyay 6 ruux oo dhalinyaro u badna iyo dhaawaca 4 qof oo kale.

Jamaal Cali Cabdi, Hiiraan Online
[email protected]













Click here
4/4/2021 11:16 AM EST
Axad, April, 04, 2021 (HOL) - Wakiilka QM u qaabilsan Soomaaliya, James Swan, ayaa cambaareeyay weeraradii shalay lagu qaaday fariisimaha Ciidanka Xoogga Dalka Soomaaliyeed ay ku leeyihiin magaalooyinka Bariire iyo Awdheegle ee gobolka Shabeellaha Hoose.

4/4/2021 8:30 AM EST
Axad, April, 04, 2021 (HOL) -Dowladda Itoobiya ayaa sheegtay in ciidamada dalka Eritrea bilaabeen in ay isaga baxaan gobolka Tigrayga kuwaa oo ka bar bar dagaalamayay ciidamada Itoobiya ee dagaalka la galay xoogagga TPF ee lagala wareegay gobolka.

4/4/2021 8:25 AM EST
Axad, April, 4, 2021 (HOL) - DR. Maxamed Cabdi Gaboose ayaa shir jaraa’id oo uu maanta Hargaysa ku qabtay ku shaaciyay in uu ka fadhiistay dhakhtarnimadi iyo siyaasadiba.

4/4/2021 6:52 AM EST
Axad, April, 04, 2021 (HOL) - Ciidamada dowladda Federaalka Soomaaliya ayaa si rasmi ah ula wareegey gacan ku heynta Deegaanada koonfureed ee Dhuusamareeb sida Sinadhaqo iyo labi-dulle oo saldhig u ahaa kooxda Alshabaab.

4/4/2021 6:45 AM EST
Axad, April, 04, 2021 (HOL) - Waxaa goordhaw markale dib u bilaawday shirka u dhaxeeya madaxda dowladda Fedaraalka iyo kuwa maamul goboleedyada iyo gobolka Banaadir oo maalintii shalay ahayd uga furmay Xarunta Afisyooni.

4/4/2021 12:42 AM EST
Axad, April, 04, 2021 (HOL) War Qoraal ah oo ka soo baxay Dowladda Turkiga ayaa lagu sheegay in ay siweyn uga murugeysan yihiin weerarradii ugu danbeeyay ee ka dhacay dalka Soomaaliya, gaar ahaan Qaraxii Ismiidaaminta ahaa ee xalay iyo weerarkii Al-shabaab ay ka geysteen gobolka Shabeellaha Hoose.