6/6/2020
Today from Hiiraan Online:  _
Wararka Maanta- Jimco, May 22, 2020
Mareykanka oo Ruushka dartii uga baxaya heshiis uu saxiixay ku dhowaad labaatan sano ka hor


 

Jimco, May 22, 2020 (HOL) - Madaxweyne Donald J. Trump ayaa mar kale sheegay hadallo adag oo xanaf leh oo ay dhibsan doonaan dalal badan oo uu kamid yahay Ruushka, kadib markii uu qeexay in waddankiisa uu ka bixi doono heshiis horay loo galay oo dhigayay in diyaaradaha aan hubeysneyn ay si xor ah ku gooshi karaan hawada dhinacyada heshiinkaan saxiixay.

Mareykanka ayaa heshiiskaan uu ka baxayo waxaa la saxiixay sanadkii 2002-dii. Waxaana ka qeyb ah Canada, Ruushka , Ingiriiska iyo dalal kale. Iyadoo guud ahaan waddamada ku bahoobay ay gaarayaan 35 dal.

Heshiiskaan ayaa sidoo kale dhigaya in waddamadaasi aysan iska soo weerarin hawada sare .

Madaxweyne Trump  oo la hadlay warbaahinta ayaa qiray in hadda Ruushka ay leeyihiin xiriir wanaagsan, laakiin dhowr jeer uu jebiyay axdiyo lawada galay.

“Waxaan u maleynayaa in aan leenahay  xiriir wanaagsan Ruushka , laakiin dhowr jeer ayuu jebiyay ballamo innoo yaallay, illaa uu dalkaasi si dhab ah ugu hoggaansamayana , innagu waan ka baxaynaa” ayuu Trump u sheegay weriyayaasha .

Weli si dhab ah ugama hadlin dowladaha qeybta ka ah heshiiskaasi hadalka Mareykanka, laakiin afhayeen u hadlay Aqalka cad ayaa sheegay in Washington ay ku diyaarineyso muddo lix bilood ah sidii ay axdigaasi uga bixi laheyd.

Abdiaziz Ahmed Barrow, Hiiraan Online
[email protected]









Click here
5/22/2020 7:55 PM EST
Jimco, May 22, 2020 (HOL) - Madaxweynaha dowlad goboleedka Puntland, Siciid Cabdulaahi Deni ayaa caawo shaqada ka eryay wasiirro iyo ku xigeeno katirsanaa golihiisa wasiiradda, isagoo kuwa kale ku bedelay.

5/22/2020 7:45 PM EST
Jimco, May 22, 2020 (HOL) - Dowladda Soomaaliya ayaa goor dambe oo caawo ah shaacisay inay berito tahay maalinta koowaad ee bisha Shawwaal iyo ciidul Fidri, iyada oo burisay go'aan horey ugasoo baxay caawo fiidkii oo lagu sheegayay in ay beri Soon tahay.

5/22/2020 11:29 AM EST
Jimco, May 22, 2020 (HOL) - Maxkamadda gobolka Benaadir ayaa qabatay dacwad uusoo gudbiyay Ururka Qaranka Suxufiyiinta Soomaaliyeed ee NUSOJ oo ka codsaday in maxkamaddu ay farto Xafiiska Xeer Ilaaliyaha Guud ee Qaranka in uu baaris ku sameeyo dilalka loo geystay in ka badan 50 suxufi oo Soomaaliya lagu dilay.

5/22/2020 7:37 AM EST
Jimco, May 22, 2020 (HOL) - Wakiilka Midowga Afrika ee Soomaaliya Francisco Madeira oo qudbad ka jeediyay kulankii golaha ammaanka ee Qaramada Midoobay ee looga hadlayay arrimaha Soomaaliya ayaa ka hadlay xaaladaha siyaasadeed ee Jubbaland iyo heshiis ay gaareen hogaanka Jubbaland iyo xubno kamid ah garabyada Mucaaradka Jubbaland.

5/22/2020 7:23 AM EST
Jimco, May 22, 2020 (HOL) - Maamulka Suldada Falastiin ayaa si cad u diiday gar-gaar loogu tala-galay ka hortagga Coronavirus oo ay Imaaraadka usoo mariyeen Isra’el Khamiistii shalay, maamulkaas ayaa sheegay in loo baahnaa in deeqdaasi si toos ah loogu soo hagaajiyo madaxda Falastiin, iyadoo aan lasoo marsiin dhinaca Yuhuudda.

5/22/2020 6:42 AM EST
Jimco, May 22, 2020 (HOL) - Dowladda Maraykanka ayaa ugu baaqday madaxweyne Farmaajo inuu sida ugu dhaqsaha badan uguna macquulsan u qabto kulanka Golaha Amniga Qaranka, si looga wada hadlo qorsheynta doorashada soo socota, iskaashiga amniga, iyo waxyaabaha kale ee mudnaanta leh ee qaranka.

5/22/2020 6:02 AM EST
Jimco, May 22, 2020 (HOL) - Wararka ka immaanaya gobolka Gedo ee koonfurta Soomaaliya ayaa waxay sheegayaan in xalay dagaal qaatay muddo ku dhowaad saacad ah uu dhex-maray ciidamada dowladda ee halkaasi jooga iyo Al-shabaab.

5/22/2020 5:28 AM EST
Jimco, May 22, 2020 (HOL) - Golaha ammaanka ee Qaramada midoobe ayaa ka hadlay xaaladda Soomaaliya , iyagoo warbixin ka dhageystay ergayga gaarka ah ee Jimciyadda quruumaha ka dhexeysa u qaabilsan Soomaaliya James Swan iyo safiirka midowga Afrika ee Soomaaliya Danjire Francisco Madera, waxayna ka hadleen labadaba arrimihii ugu dembeeyay Soomaaliya , sida doorashooyinka iyo dagaalladii u dhexeeyay ciidamada dowladda iyo Al-shabaab, si gaar ah kii Jannaale.

5/22/2020 5:06 AM EST
Jimco, May 22, 2020 (HOL) - Waxaa dalka Soomaaliya lagusoo celiyay muwaadiniin Soomaaliyeed oo ku xayirnaa illaa iyo seddex waddan kuwaasi oo uu saameeyay socdaal joojinta uu sababay xanuunka Coronavirus ee caalamka.