Wararka Maanta: Sabti, Jan 25, 2020-Wasaaradda ganacsiga Soomaaliya oo kala dirtay Rugta Ganacsiga ee Gobalka Banaadir

Wasaaradda ganacsiga Soomaaliya oo kala dirtay Rugta Ganacsiga ee Gobalka Banaadir

Sabti, Janaayo, 25, 2020 (HOL) - Wasiirka Ganacsiga iyo warshadaha Soomaaliya, Cabdullaahi Cali Xasan ayaa kala diray dhamaan masuuliyiintii Rugta Ganacsiga ee Gobalka Banaadir, kadib wareegto ka soo baxday xafiiska Wasiirka.

Ciidamada NISA ayaa dhawaan xiray Guddoomiyaha Rugta Ganacsiga Gobalka Banaadir iyo ku xigeenkiisa, oo la sheegay in ay ku yimaadeen magacaabista Al-shabaab.

Balse, guddoomiyaha la xiray ayaa iska fogeeyay inuu haba yaraatee wax lug ah ku leeyahay arrimaha Shabaab.

Halkaan hoose ka aqriso warqada lagu kala diray rugta ganacsiga.

Abdiweli M. Sheikh, Hiiraan Online
[email protected]