3/29/2024
Today from Hiiraan Online:  _
Wararka Maanta- Sabti, Aug 1 , 2020
Madaxweyne Laftagareen oo xubno kamid ah Golahiisa wasiirrada is-bedal ku sameeyay
 

Sabti, Agoosto 1, 2020 (HOL) - Madaxweynaha maamulka Koonfur galbeed ee Soomaaliya Cabdicasiis Xasan Maxamed “Lafta-gareen” ayaa waxa uu maanta xil ka qaadis ku sameeyay qaar kamid ah xubnaha Golaha wasiirradiisa, isagoo kuwa kalana magacaabay.

Wasiirka haweenka iyo arrimaha qoyska ayaa loo magacaabay Marmo. Fahiima Cumar Cismaan. Halka sidoo kale wasiirka wasaaradda Boostada iyo Is-gaarsiinta loo magacaabay Aways Cusmaan Xasan , waxaa sidoo kale xilka wasiirka wasaaradda Diinta iyo Aw-qaafta loo magacaabay Salaax Sayid Shariif.

Madaxweynaha Koonfur Galbeed ayaa goor hore xilkii ka qaaday wasiirkii wasaaradda warfaafinta ee dowlad goboleedka Koonfur galbeed.

Lama oga waxyaabaha uu salka ku hayo is-bedalka lagu sameeyay qaar kamid ah xubnaha Golaha wasiirrada ee Dowlad Goboleedkaas.


Abdiaziz Ahmed Barrow, Hiiraan Online
[email protected]












Click here
8/1/2020 3:16 PM EST
Sabti, Agoosto 1, 2020 (HOL) - Hay’adda duulista rayidka ah ee waddanka Tanzania (TCAA), ayaa war qoraal ah oo ay soo saartay waxay dalkeeda uga mamnuucday duullimaadyadii diyaaradda Kenya Airways ay dib uga billaabi laheyd.

8/1/2020 11:14 AM EST
Sabti, Agoosto 1, 2020 (HOL) - Duqa cusub ee degmad Baledweyne ayaa maanta booqatay xaafada howlwadaag gaar ahaan laanta baacadaha waxayna agabka biyaha la isaga xiro ay ku wareejisay qoysas ku nool xaafadaasi si ay ula talacaan fatahaad si hordhac ah u saameysay qeybo ma mid ah xaafadasi.

8/1/2020 6:36 AM EST
Sabti, Agoosto 1, 2020 (HOL) - Madaxweynaha maamulka Galmudug Axmed Cabdi Kaariye Qoor qoor ayaa magacaabay xubnaha Galmudug ay ku leedahay guddiga ka shaqeyn doono arrimaha farsamada doorashada dalka ka dhici doonta.

8/1/2020 6:20 AM EST
Sabti, Agoosto 1, 2020 (HOL) - Wareegto kasoo baxday xafiiska wasiirka arrimaha gadaha iyo dowladaha hoose ee maamulka Hirshabeelle ayaa waxaa xilkii looga qaaday duqii degmada Beledweyne Safiyo Xasan Shiikh Cali Jimcaale, waxaana xilkaasi loo magacaaby Nadar Tabaax maalin .

8/1/2020 6:07 AM EST
Sabti, Agoosto 1, 2020 (HOL) - Dowlad goboleedka Puntland ayaa maanta ka digay in dowladda federalku sameysato muddo kororsi xilligan kala guurka ah oo dalku isku diyaarinayo sidii doorashooyin qaran loo qaban qaabin lahaa.

8/1/2020 5:43 AM EST
Sabti, Agoosto 1, 2020 (HOL) - Xisbiga wadajir ayaa sharci darro ku tilmaamay xubnaha golaha adeegga garsoorka Soomaaliya oo ay anixisyeen golaha wasiiradda ee xukuumadii raysal wasaare Kheyre ee uu barlamaanka riday.

8/1/2020 1:51 AM EST
Sabti, Agoosto 1, 2020 (HOL) - Madaxweynihii hore ee Puntland Cabdiweli Gaas ayaa ku eedeeyay nabaddoonada gobolka Mudug inay diideen inay ka qeyb qaataan kulan ku saabsanaa xoojinta amniga Gaalkacyo oo uu ku casuumay madaxweynaha Puntland.