10/15/2019
Today from Hiiraan Online:  _
Wararka Maanta- Talaado, Oct 8 , 2019
Ergeyga Qarramada Midoobey ee Soomaaliya James Swan oo booqday xarunta gobolka Banaadir


 

Talaado, October, 08, 2019 (HOL)-Egeyga gaar ah ee Qarramada Midoobey ee Soomaaliya James Swan ayaa booqday xarunta maamulka gobolka Banaadir halkaa oo uu kulan kula qaatay guddoomiyaha gobolka Banaadir Cumar Maxamuud Filish.

Duqa Muqdisho ayaa kala hadlay Mr Swan arrimo ay ka mid ahaayeen xoojinta amniga Caasimadda iyo taageerada Qaramada midoobay ee Xaqiijinta nabadgalyada.

Sidoo kale waxaa kulanka diiradda lagu saaray dardargelinta arrimaha horumarinta sida Dhismaha Wadooyknka, Kobcinta Dhaqaalaha, Shaqo abuurka dhalinyarada iyo xal u helista arrimaha Barakacayasha Caasimadda.

Mr Swan waxa uu dhankiisa balanqaaday in ay xoojinayaan wadashaqaynta tooska ah ee ay la Leeyihiin Maamulka Gobolka Banaadir Waxa uuna balan qaaday taageerada iyo garab istaagga Gobolka Banaadir.

Kulanka waxaa Gudoomiyaha ku wehliyey xog-hayaha guud ee Maamulka Gobolka Banaadir iyo saraakiil ka tirsan Gobolka.

Wakiilka Qarramada Midoobey ee Soomaaliya James Swan 24-kii July booqday xarunta maamulka gobolka Banaadir, iyadoo daqiiqado kaddib markii uu ka tagay xarunta uu ka dhacay weerar ismiidaamin ah oo uu ku dhintay guddoomiyihii hore ee gobolka Banaadir Eng Cabdiraxmaan Cumar Cismaan Yariisoow iyo xubno ka tirsan maamulka gobolka.

C/raxmaan Diini, Hiiraan Online
[email protected]  
 

 
 
 

 










Click here
10/8/2019 2:18 PM EST
Talaado, October, 08, 2019 (HOL)- Dowlada Jarmalka ayaa ugu deeqday dowlada federaalka Soomaaliya 73-Milyan oo Dollar, lacagtan ayaana lagu taageeri doonaa ama qeyb ka noqoneysa gargaarka calaamiga ah ee Banni’daanimo iyo guud ahaan mashaariicda hormarineed ee ka jira gudaha dalka Soomaaliya.

10/8/2019 2:03 PM EST
Talaado, October, 08, 2019 (HOL)- Guddoomiyaha guddiga Doorashooyinka Madaxa-bannaan ee Soomaaliya Xaliimo Ismaaciil [Xaliimo Yareey] oo maanta shir jaraa’id ku qabtay magaalada Muqdisho ayaa sheegay inta in muddo dheer kaddib ay ku adkaatay in guddigu sii dhax shaqeeyo xafiisyada ku dhax-yaala madaxtooyada Soomaaliya.

10/8/2019 9:00 AM EST
Talaado, October, 08, 2019 (HOL)-Cabdi Ladif Dahir oo ah Joornaliste Soomaaliyeed ayaa loo magacaabay in uu noqdo Wariyaha Wakaalada New York Times uga soo waramaya Bariga Africa, isaga oo fadhiggiisu noqonayo magalada Nairobi ee dalka Kenya.

10/8/2019 8:16 AM EST
Talaado, October, 08, 2019 (HOL)-Madaxweynaha Soomaaliya Maxamed Cabdullaahi Farmaajo oo dhambaal u diray madaxweynaha dalka Jabuuti Ismaaciil Cumar Geelle, ayaa uga tacsiyeeyay geerida ku timid, Alle ha u naxariistee marxuum Sacad Cumar Geelle oo ahaa madaxwyenaha walaalkii

10/8/2019 5:09 AM EST
Talaado, October, 08, 2019 (HOL)-Guddoomiyaha Gobolka Hiiraan Cali Maxamed Caraale iyo Wafdi uu hoggaaminayo ayaa u ambabaxay degmada Jalalaqsi ee Gobolka Hiiraan,halkaas oo laba maalin ka hor uu ka dhacay dagaal sababay khasaaro dhimasho iyo dhaawac ah.

10/8/2019 3:03 AM EST
Talaado, October, 08, 2019 (HOL)- Wararka naga soo gaaraya degmada Buula-burte ee gobolka HIiraan ayaa sheegaya in saakay halkaa ay ka jirto xiisad ka dhalatay xil ka qaadis lagu sameeyay guddoomiyihii iyo Duqii degmada Buula-burte.

10/8/2019 2:51 AM EST
Talaado, October, 08, 2019 (HOL)- Madaxweyne ku-xigeenka Dowlad gobolleedka Jubbaland Maxamuud Siyad Aadan ayaa sheegay in kacdoon shacab uu ka dhalan karo sida uu hadalka u dhigay cadaadiska Dowladda Federaalka ay ku heyso Jubbaland.

10/8/2019 2:22 AM EST
Talaado, October, 08, 2019 (HOL)- Ilhan Omar oo ah Gabar Asalkeedu Somalia yahay oo ka tirsan Aqalka Looga arrimiyo dalka Mareykanka ee[ Congress-ka] ayaa dacwad furiin oo ka dhan ah Seygeeda Axmed Xirsi u gudbisay Maxkamad ku taala gobolka Minnesota ee dalka Mareykanka.

10/8/2019 1:31 AM EST
Talaado, October, 08, 2019 (HOL)-Guddoomiyaha gobolka Alberta ee dalka Canada Jason Kenney oo booqasho ku jooga gobolka Ontario ayaa kulan uu ku taageerayo musharax Cabdul Cabdi ku qabtay magaalada Ottawa ee dalka Kanada.