2/23/2019
Today from Hiiraan Online:  _
Wararka Maanta- Talaado, Feb 12, 2019
Puntland: Waxaan gacanta ku dhignay koox dooneysay inay ku biirto Daacish



Talaado, Feberaayo, 12, 2019 (HOL)- Ciidanka amniga Puntland ee (PSF) , ayaa howlgal gaar ah oo ay ka fuliyeen deegaanno dhaca Koofurta magaalada Boosaaso waxaa lagu soo qabtay rag dhallinyaro oo la sheegay inay doonayeen inay ku biiran Daacishta ku sugan buuraha Cal-miskaat.

"Waxay hawlgal ka sameeyeen Buuraleyda iyo Toggaga Gaaca, Guban iyo Moqor ee Koonfurta Bari ee magaalada Boosaaso, Intii Howlgalkani socday waxay ciidanka PSF soo qabteen xubno doonayey in ay ku biiraan ururka argagixisada Daacish ee ka dagaalanta Buuraha Cal Miskaat ee gobolka Bari iyo Saad la doonayey in loo gudbiyo kooxdaas". ayaa lagu yiri qoraal lagu baahiyay bogga Facebook ee ciidanka PSF.

Ciidamadda amniga Puntland ma soo bandhigin tirada ragga ay sheegeen iney soo qabteen iyo haddii ay jiraan wax khasaare ah oo ka dhashay intii uu socday howlgalka lagu soo qabnayay.

Ciidanka ayaa sidoo kale ku wargeliyay dadka ku nool deegaannada inay ciidanka u soo sheegaan wixii xog iyo macluumaad ku aaddan dagaalyahannada ku dhuumaaleysanaya deegaannadaas.

Dhulka buuralayda ah ee ku dhow magaalada ugu weyn ganacsiga Puntland ee Boosaaso ayaa waxaa ku sugan dagaalyahanno ka tirsan al-Shabaab iyo Daacish, kuwaas oo weerarro ka fuliya magaalada Boosaaso.

Iman Mohamed Jama, Hiiraan Online
[email protected]





Click here
2/12/2019 12:37 PM EST
Talaado, Feberaayo, 12, 2019 (HOL)-Soomaaliya waxaa ay ka mid tahay dalal ugu badan ee haweenka lagu fuliyo gudniinka Fircooniga, taasoo sababta halis soo food saarta haweenka gudniinka lagu sameeyo oo qaarkood u geeriyooday

2/12/2019 8:17 AM EST
Talaado, Feberaayo, 12, 2019 (HOL)-Wasiirka Maaliyadda Xukuumadda Federaalka Soomaaliya Mudane Cabdiraxmaan Ducaale Beyle ayaa maanta xafiiskiisa kula kulmay Bella Bird oo ah Madaxa Bangiga Aduunka ee qaar ka mid ah Wadamada Bariga Afrika sida, Soomaaliya, Tanzania, Burundi iyo Malawi.

2/12/2019 8:07 AM EST
Talaado, Febraayo 12, 2019 (HOL)- Xukuumadda Somaliland ayaa qaylo dhaan u dirtay hay’adaha gargaarka si biyo loola gaadho toban kun oo qoys oo biyo yaraani soo foodsaartay.

2/12/2019 5:09 AM EST
Talaado, Feberaayo, 12, 2019 (HOL)- Golaha Xukuumadda Puntland ee uu dhowaan soo magacaabay madaxweynaha Puntland,Siciid Cabdullaahi Deni ayaa lagu dhaariyey xarunta madaxtooyadda Puntland ee magaalada Garoowe.

2/12/2019 2:33 AM EST
Talaado, Feberaayo, 12, 2019 (HOL)-Rag hubaysan ayaa toogasho ku dilay nin ganacsade ah oo aad looga yaqaanay magaalada Boosaaso ee xarunta gobolka Bari, sida laga soo xigtay saraakiisha.

2/12/2019 2:29 AM EST
Talaado, Feberaayo, 12, 2019 (HOL)- Madaxweynaha Soomaaliya Maxamed Cabdullaahi Farmaajo oo la kulmay Dhiggiisa Dalka Sudan Cumar Xasan Albashiir ayaa la wadaagay muhiimadda ay siinayso Dowladda Soomaaliya adkeynta iyo xoojinta xiriirka taariikhiga ah ee ka dhaxeeya labada dal.

2/12/2019 1:17 AM EST
Talaado, Feberaayo, 12, 2019 (HOL)- Taliska ciidamada howlgalka midowga Africa AMISOM ayaa magaaalada Muqdisho ku leh shir soconaya muddo Afar cisho ah oo la sheegay in looga arinsanayo qorshaha ka bixitaanka ciidamada midowga Africa ee Soomaaliya.

2/12/2019 12:29 AM EST
Talaado, Feberaayo, 12, 2019 (HOL)- Ilhaan Cumar oo ah gabadh Soomaali ah oo dhawaan ka mid noqotay Aqalka Congresska ee dalka Maraykanka ayaa raali galin ka bixisay Twitter ay qortay oo tilmaamaya in xildhibaannada Maraykanku ay Israa'iil u taageeraan ururrada u ol'oleeya awgeed.

2/12/2019 12:19 AM EST
Talaado, Feberaayo, 12, 2019 (HOL)- Koox ku hubeysan bastoolado ayaa xalay xaafadda Howl-wadaag ee magaalada Beledweyne toogasho ku dilay shaqaale ka tirsanaa waaxda maaliyada gobolka Hiiraan oo lagu magacaabi jiray Cismaan Cali Maadeey [ Cismaan Ganeey]