6/13/2021
Today from Hiiraan Online:  _
Wararka Maanta- Axad, July 15, 2018
Taliyihii dhawaan laga celiyay Kismaayo oo howlihiisa shaqo ka bilaabay gobolka Gedo



Axad, July, 15, 2018 (HOL)- Taliyaha qeybta 43aad ee ciidamada xoogga dalka Soomaaliyeed Cali Maxamed Maxamed Max’uud Bogmadoobe ayaa kormeer ku tagay xeryaha ciidamada xoogga dalka ee degmada Garbahaareey gobolka Gedo.

Taliyaha ayaa hadal u jeediyay cutubyo ka tirsan ciidamada xoogga dalka Soomaaliyeed., isaga oo dhinaca kalana warbixinno ka dhageystay saraakiisha ciidamada.

Taliyaha Guutada 10-aad ee ciidanka xoogaa dalka General Maxamed Cali Cadoow oo warbixin kooban siiyay Taliye Bogmadow ayaa sheegay in ciidamadan ay heegan ugu jiraan la dagaalanka Shabaab.

“Ciidmadan waa guutada 10-aad iyo Ururka 50-aad ee ciidamada xooga dalka waxaa ay u taagan yihiin ilaalinta dadka iyo dalka astaantooduna waa Qaranka Soomaaliyeed daruuf walbo iyago ku shaqeynaayo ayay diyaar u yihiin la dagaalanka Al-shabaab”ayuu yiri Gen. Caddow.

Sareeye Guuto Cali Maxamed Maxamuud Bogmadow ayaa tagay furmaha ciidanka heeganka ku jiray islamarkaan xog wareysanayay xaaladaha ay ku sugan yihin iyo baahiyaha ay qabeen sidoo kale waxaa uu xusay in Dowladda Soomaaliya ay ka go’an tahay ogaashaha iyo daryeelida Ciidanka qaranka, wuxuuna kula dar daarmay in ay ku shaqeeyaan Soomaalinimada.

“Waxaan idinkula dar daarmayaa in aad ka fogaataan qabyaalada islamarakaan aad u diyaar garowdaan si feynta cadowga Soomaaliyeed oo ku dhuumaaleysanaya meelaha ay kaga sugan yihiin gobolada Jubbooyinka iyo Gedo” ayuu yiri Bogmadow.

Dowladda Soomaaliya ayaa ku howlan sidii loo dhisi lahaa dhamaan ciidamada Qalabka Sida ee Soomaaliyeed si ay ula wareegaan marka ay ka baxaan dalka ciidamada Nabad ilaalinta Midowga Africa ee AMISOM.

C/raxmaan Diini, Hiiraan Online
[email protected]












Click here
7/15/2018 3:53 PM EST
Axad, July, 15, 2018 (HOL)-Madaxweynihii hore ee Mareykanka Barack Obama ayaa tagay dalka Kenya, halkaasi oo ay kaga bilaabatay booqasho labo maalin ah, waxaana Aqalka Madaxtooyada Kenya ku soo dhaweeyay Madaxweynaha Kenya Uhuru Kenyatta.

7/15/2018 1:16 PM EST
Axad, July, 15, 2018 (HOL)-Waxaa goor dhaw soo dhamaatay cayaar aad u weyn oo siweyn isha loogu wadda hayay lugtii ugu danbeysa tartanka cayaaraha Kubadda Cagta Aduunka.

7/15/2018 11:09 AM EST
Axad, July, 15, 2018 (HOL)-Shirkan oo ay kasoo qeybgaleen wasiirada wasaaradaha dowlad goboleedyada Puntland, Galmudug, Hirshabeelle, Koonfur Galbeed iyo Jubbaland ayaa ka furmay magaalada Kismaayo ee xarunta KMG ah ee Jubbaland.

7/15/2018 8:33 AM EST
Axad, July, 15, 2018 (HOL)-Wararka ka imanaya degmada Afgooye ee gobolka Shabeellaha Hoose ayaa sheegaya in Al-Shabaab ku dileen dulleedka degmada Nin la sheegay in uu horay uga tirsanaa nabad-sugida Soomaaliya.

7/15/2018 7:09 AM EST
Axad, July, 15, 2018 (HOL)-Xaafaddan oo ay ku noolyihiin 1,100 qoys oo isugu jira qoysaskii kasoo laabtay Dhadhaab iyo qaar kamid ah dadka kusoobarakacay Kismaayo ayaa maanta la geeyay ilaa 60 xabo oo nalalka nooca ku shaqeeya cadceedda ah, kuwaa oo laga hirgelin doono xaafaddaasi.

7/15/2018 5:12 AM EST
Axad, July, 15, 2018 (HOL)-Agaasimaha guud ee Wasaaradda arrimaha gudaha dowlad gobolleedka Hirshabeelle Maxamed Caruush Diiroow oo magaalada Garoowe kulan kula qaatay mas’uuliyiinta maamul gobolledka Puntland gaar ahaan madaxweyne Cabdi Wali Maxamed Cali Gaas.

7/15/2018 1:59 AM EST
Axad, July, 15, 2018 (HOL)-Ra'isal wasaaraha Israel, Benjamin Netanyahu, ayaa sheegay in ciidamada Israel weerarkii ugu cuslaa tan iyo dagaalkii sanadkii 2014-tii ku qaadeen goobo ay mitidiintu ku leeyihiin marinka Qasa.

7/15/2018 1:13 AM EST
Axad, July, 15, 2018 (HOL)–Saraakiisha Booliiska maamulka Koonfur Galbeed ayaa faah faahin dheeraad ah ka bixiyay howlgal qorsheysan oo ay ka fuliyeen deegaanno hoostaga degmada Diinsoor ee gobolka Baay.

7/15/2018 1:01 AM EST
Axad, July, 15, 2018 (HOL)–Wararka naga soo gaaraya gobolka Jubbada Dhexe gaar ahaan degmada Jilib ayaa sheegaya in Al-shabaab meel –fagaro ah ku toogteen Labo ruux oo dhalinarro ah kuwaa oo ay ku eedeeyeen in ay horay u dileen Nin reer Miyi ahaa.

7/15/2018 12:47 AM EST
Axad, July, 15, 2018 (HOL)–Dowladdaha Caalamka iyo Ururro Caalami ah ayaa si kulul u cambaareeyay Qaraxyadii shalay lagu weeraray Kontoroolka laga galo Madaxtooyadda Soomaaliya.

7/15/2018 12:37 AM EST
Axad, July, 15, 2018 (HOL)–Dowladda Soomaaliya ayaa War ka soo saartay weerarkii iyo Qaraxyadii shalay Al-Shabaab ay ku qaadeen Agagaarka Madaxtooyadda Soomaaliya.