9/25/2018
Today from Hiiraan Online:  _
Wararka Maanta- Arbaco, July 11, 2018
Al-shabaab oo ku hanjabtay in ay ka hortagi doonto danaha Itoobiya ee Dekeddaha Soomaaliya


 

Arbaco, July, 11. 2018 (HOL) – Al-shabaab oo markii ugu horeysay ka hadashay heshiiskii ay dhawaan gaareen hogaamiyayaasha Soomaaliya iyo Itoobiya ee ku saabsanaa maalgashiga dekeddaha ayaa sheegtay in ay ka hortagi doonaan wax ay ku tilmaameen sida ay hadalka u dhigeen damaca Itoobiya.

Sarkaal ka tirsan Al-shabaab oo lagu magacaabo Mahad Kaarateey oo warbaahinta la hadlay ayaa sheegay in aysan aqabali doonin in Itoobiya ay isticmaalaan dekeddaha Soomaaliya, gaar ahaan dekedda Hobyo.

Waxaa uu sheegay in dadka Soomaaliyeed ay qarniyo ka hor la dagaalamayeen Itoobiya, si ay uga hortagaan damaceeda guracan ee ahaa inay qabsato dhulka Soomaaliyeed.

Waxaa uu sidoo kale sheegay in heshiiska dekedaha lagu siiyay Itoobiya iyo hadalkii ka soo yeeray Abiy Ahmed ee ahaa in Soomaaliya iyo Itoobiya la mideyn doono uu yahay qorshe deggan oo ay qasab tahay in hoggaamiyeyaasha Itoobiya ay hirgeliyaan xoog ama xeelad midey doonaan haku keenaan.

Waxaa uu sheegay in Itoobiya ay in muddo si hoose ugu howlaneyd qorshaha la wareegitaanka Dekedaha, isla markaana ay jirto waddo laga soo bixiyay gudaha Itoobiya, lana doonayo in la soo geliyo Dekeda Hobyo oo uu xusay inay ka mid tahay dekedaha lagu wareejiyay Itoobiya, balse ay Mujaadihiinta ka hortageen oo lagu joojiyay nawaaxiga Caabud-Wwaaq, sida uu yiri.

Mahad Karateey ayaa sheegay in madaxda Soomaalida ee Baasaboorada shisheeye wata ay leeyihiin halistooda, una soo shaqo tagay sidii ay dhulka iyo badda Soomaaliyeed uga iibsan lahaayeen Itoobiya iyo Kenya sida uu hadalka u dhigay.

Ugu dambeyn waxaa uu sheegay in haddii aysan dadka Soomaaliyeed baraarugun Caasimadda Itoobiya laga dhigi doono Muqdisho, sida caasimadda Yuhuudda looga dhigay Qudus, waxaana uu tilmaamay in aanay marnaba aqbali doonin in taako ka mid ah dhulka Soomaaliya lagu wareejiyo Itoobiya.

C/raxmaan Diini, Hiiraan Online
[email protected]

 

 







Click here
7/11/2018 12:40 PM EST
Arbaco, July, 11. 2018 (HOL)–Guddoomiyaha Golaha Shacabka ee Baarlamaanka Federaalka ah ee Soomaaliya Maxamed Mursal Sheekh Cabdiraxmaan ayaa ku dhawaaqay in la soo xiray kalfadhigii 3aad ee Baarlamaanka.

7/11/2018 10:23 AM EST
Arbaco, July, 11. 2018 (HOL) – Weftigii uu hogaaminayey madaxweyne ku xigeenka Somaliland C/raxmaan Saylici ayaa ka soo saaray go’aanna lagu xoojinayo amniga,islamarkaana deegaanka laga dhigayo meel nab doon.

7/11/2018 9:34 AM EST
Arbaco, July, 11. 2018 (HOL)–Wareegto kasoo baxday gudiga dhulka Jubbaland ayaa guud ahaan guryaha aan sharciyeysnayn ee magaalada Kismaayo looga mamnuucay helitaanka adeegyada ay kamidka yihiin korontada, biyaha iyo Internetka.

7/11/2018 8:16 AM EST
Arbaco, July, 11. 2018 (HOL)–Madaxweynaha Soomaaliya Maxamed C/llaahi Farmaajo oo ka qeyb galay caleema saarka Madaxweynaha dalka Turkiga iyo shirka Madasha Iskaashiga Afrika iyo Shiinaha oo ka dhacay magaalada Jabuuti, ayaa maanta dalka dib ugu soo laabtay.

7/11/2018 7:57 AM EST
Arbaco, July, 11. 2018 (HOL)–Wasiirka Arrimaha Dibadda iyo Iskaashiga Caalamiga ee Soomaaliya Axmed Ciise Cawad ayaa Khudbad ka jeediyay shirka Sideedaad ee Madasha Iskaashiga Shiinaha iyo Carabta ee lagu qabtay Aqalka Shacabka ee caasimadda Beijing ee dalka Shiinaha.

7/11/2018 2:29 AM EST
Arbaco, July, 11. 2018 (HOL)-Xildhbaaannada ka tirsan Baarlamaanka Soomaaliya, laakiin ka soo jeeda Koonfur Galbeed ayaa sheegay in kulamada ugu soo horeeya ee Golaha Shacabka horgeyn doonaan cabasho ka dhan ah tacadiyada ka jirta Waddada isku xirta Muqdisho iyo Baydhabo.

7/11/2018 1:43 AM EST
Arbaco, July, 11. 2018 (HOL)-Ciidamada Booliiska Soomaaliya ayaa ku raadjooga darawalkii watay gaari yar oo kuwa raaxada ah oo Labo Carruur ah ku dilay subaxnimadii hore ee saakay degmada Waabari ee gobolka Banaadir.

7/11/2018 12:39 AM EST
Arbaco, July, 11. 2018 (HOL)-Dalka Jabuuti waxaa lagu soo gaba gabeeyay shirkii looga hadlayay arrimaha barakacayaasha, qaxootiga iyo muhaajiriinta ee maalmahan dambe saameynta xoogga leh ku yeeshay dalalka Bariga Afrika.

7/11/2018 12:25 AM EST
Arbaco, July, 11. 2018 (HOL)-Wasiirka Gaashaandhigga Soomaaliya Xasan Cali Maxamed iyo mas’uuliyiinta kale ayaa saldhigga howlgalka ciidamada Midowga Yurub ee tabbabarada siiya ciidamada xoogga dalka waxaa ay kula kulmeen Taliyaha cusub ee howlgalka Brigadier Gen. Matteo Spreafico iyo Gen. Pietro Addis oo xilkaas baneeyay, ayagoo kala hadlay dar-dargelinta howlaha dib loogu dhisayo ciidanka xoogga dalka oo ay wadaan Midowga Yurub.