3/19/2024
Today from Hiiraan Online:  _
Wararka Maanta- Sabti, May 4 , 2013
Wacyi-gelintii Dr. Cabdirashiid Shire ee ku saabsanayd Cudurrada Beerka ku dhaca oo gaartay dalka Sweden (SAWIRRO)


Sabti, May 4, 2013(HOL)—Waxaa shalay lagu qabtay magaalada Stockholm ee dalka Sweden, gaar ahaan guriga ummadda (Folket hus) ee xaafadda Rinkeby muxaadaro qiimo badnayd oo looga hadlayay cuduurrada iyo dhibaatooyinka ku dhaca beerka, waxaana muxaadaradaas soo jeedinayay Dr. Abdirashiid M. Shire oo ku takhasusay cuduradda faafa kana shaqeeya isbitaalka Mayo Clinic oo ku yaal magaalada Rochester ee gobolka Minnesota (USA), isla markaana mashruuca cilmibaaristiisa ay khusayso cudurrada ku dhaca beerka.

 

Kulanka oo ahaa mid ka duwan shirarka ama kullamada ay qurbo joogtu isugu timaado, kaasoo looga hadlayay dhibaatooyinka iyo caqabadaha keena cudurrada ku dhaca beerka, gaar ahaan kuwa keena kansarka ku dhaca beerka oo ay ugu wacan yihiin labada infekshan ee  ay keenaan hepatitits B virus iyo hepatitis C virus. Waxaa hadalkii soo dhaweynta iyo mid hordhac ah ku furay Bare Sare Faarax Maxamuud Qaasim (Faarax Dacas) iyo Dr. Khalif Bile, wuxayna xuseen in mujtamaca Soomaaliyeed u baahan yihiin wax badan oo aan la soo koobi karin, caafimaadkuna uu yahay muhiimmadda ugu horraysa.

 

Dr. Shire oo aad uga warramay macluumaadka uu xanbaarsan yahay beerka iyo cudurradiisa ayaa sheegay inaysan ku filnayn muxaadaro saacad iyo wax la mid ah la soo jeediyo, laakiin ay muhiimaddu ay tahay in bulshada Soomaaliyeed meel kasta ha joogtee ay ku dadaalaan caafimaadka, oo haddii aan caafimaad jirin aadanuhu halis ku jiro jiritaankiisa.

 


Cudurku wuxuu ka mid yahay cadowyadii soo jireenka ahaa ee dalkeena ku habsaday mid ka mid ah, sidaa darteed waa in aad looga faa’idaystaa laguna dhaqmaa aqoonta iyo waayo aragnimada laga helo nolosha. Dr. Shire wuxuu ku booriyay dadka in fursadahan iyo kuwo la mid ah looga faa’iideysto aqoonta laga helo iyo baraarug cilmiyeed iyo mid caafimaadba la yeesho.

 

Muxaadaradu oo ay ahayd mid qiimi badanayd iyo wacyi gelin ku wajahnayd cudurrada beerka. Dr. Shire wuxuu si gaara ah u adkeeyaty in la iska baaro labada infekshan (caabuq) oo ay keenaan labada virus ee hepatitis B iyo hepatitis C, in dadka uusan ku dhicin hepatitis B ay ka faa’idaysataan talaalkiisa iyo dadka laga helo labada infekshan ay heli karaan daawooyin iyo dhakhaatiir ku takhasustay cudurradaas. Dr. Shire wuxuu si gaar ah u dhiiri geliyay in da’ yarta lagu caawiyo laguna dhiiri geliyo inay wax fiican bartaan si baahida bulshada u qabaan aqoonyahan soomaaliyeed u soo buuxshaan una kabaan.

 

Dr. Shire oo muddooyinkii u dambeeyay qaylo dhaan caafimaad iyo wargelin dheeraad ah ka bixinayay maagoolooyinka Rochester, Minnesota, Saint Paul, San Diego, Virginia, Amsterdam iyo Stockholm, ayaa waxuu aad u iftiimiyay cudurrada beerka iyo dullinka keena, kuwaasoo ah labada virus ee hepatitits B virus iyo hepatitis C virus.

 


Gebagebadii shirku waxa uu noqday mid la isku waydaarsadey su’aalo, jawaabo iyo afkaar qiimo badan, isla markaana waxaa lagu kala qaatay xog iyo xiriir dambe, dadweynihii ka soo qayb galay kulankaas oo runtii aad ugu ammaanay nuxurkii shirka.

 

Dr. Shire wuxuu ahaa bare wax ka dhiga Kulliyaddii Waxbarashada Lafoole, haatanna wuxuu u wareegay dhanka caafimaadka, aqoontiisa dhanka caafimaadka wuxuu ku soo qaatay London School of Hygiene and Tropical Medicine, University of London.



 

 

Yaasiin Karaani

[email protected]

Stockholm, Sweden













Click here
5/4/2013 4:41 PM EST
Sabti, May 04, 2013 (HOL) - Kulan balaaran oo ay soo qabanqaabiyeen Chatham House oo ay ka hadlayeen madaxda hayadaha samafalka ayaa ka dhacay magaalada London maalintii Jimcaha.

5/4/2013 1:30 PM EST
Sabti, May 04, 2013 (HOL) — Ergayga gaarka ah ee ururka Midowag Afrika u qaablisan arrimaha Soomaaliya, danjire Maxamed Saalax Anaadiif ayaa rajo wanaagsan ka muujiyay kulan ay qurbo-joogta Soomaalida kula yeelan doonaan magaalada London ee dalka Britain 09-ka illaa 11-ka bishan May.

5/4/2013 1:01 PM EST
Sabti, May 04, 2013 (HOL) — Xarunta macluumaadka ka hortagga burcad-badeedda Soomaaliyeed oo laga furay maanta magaalada Muqdisho ayaa kulan looga dhawaaqay oo ay ka qeyb-galeen qaybaha bulshada, culimmmada Soomaaliyeed, xildhibaano ka tirsan baaralamaanka, wasiir ku xigeenka wasaaradda warfaafinta iyo isgaarsiinta iyo wakiillo caalami ah waxay kusoo bandhigtay daraasad ay sameysay.

5/4/2013 10:05 AM EST
Sabti, May 04, 2013 (HOL) — Maalinta saxaafadda aduunka ayaa maanta laga xusay magaaladda Hargeysa, kaas oo lagu soo bandhigay tacadiyo badan oo loo geystay wariyeyaasha ka hawlgalla Somaliland.

5/4/2013 10:00 AM EST
Sabti, May 04, 2013 (HOL) — Ciidamada maamulka gobolka Hiiraan oo kaashanaya kuwa midowgga Africa AMISOM ayaa howlgal baaxad leh kawada qeybo ka mid ah xaafaddaha magaalada Baladweyne, iyagoo saacadihii ugu danbeeyay baaritaan xoogan ka sameeyay xaafadda howl-wadaag ee magaalada Baladweyne.

5/4/2013 8:15 AM EST
Axad, May 04, 2013(HOL) :- Munaasibad si heersare ah loo soo agaasimay islamarkaasina lagu xusayay maalinta saxaafadda Aduunka oo ku beegnayd 3-da May ayaa shalay ka dhacday magaalada Kismaayo ee xarunta gobolka J/hoose.

5/4/2013 7:29 AM EST
Sabti, May 04, 2013 (HOL) — Munaasibad lagu xusayey sanadguuradii 11aad ee ka soo wareegtay geeridii ALLE ha u naxariisktee Maxamed Xaaji Ibraahim Cigaal Madaxweynihii laabaad ee Somaliland, ayaa xalay lagu qabtay Hoteel Maansoor ee Magaalada Hargeysa, kaas oo ay ka soo qaybgalleen boqolaal dadweyne oo iskugu jira dhalinyarada iyo ardayda jaamacadaha.

5/4/2013 6:53 AM EST
Sabti, May 04, 2013 (HOL) — Iyadoo bilihii ugu dambeeyay ay sii kordhayeen tirada dhalinyarrada kasoo goosata Al-shabaab ee lagu soo bandhigo magaalada Baladweyne ayaa waxaa arrintaa markii ugu horreysay ka hadlayay guddoomiyaha maamulka gobolka Hiiraan, Cabdi Faarax Laqanyo oo sheegay in maamulka uu guddoomiyaha ka yahay qorshe cad u dajiyeen sida laga yeelayo ragga horay uga tirsanaa Al-shabaab ee isku soo dhiiba maamulka gobolka.

5/4/2013 3:05 AM EST
Axad, 04 May, 2013(HOL) :- Shir ballaaran oo ay kasoo qeybgaleen qaar kamid ah beelaha dega gobolka Gedo islamarkaana ka dhacay magaalada Luuq ee gobolkaasi ayaa waxa looga soo horjeestay shirka maamul u sameynta Jubooyinka eek a socdo Kismaayo.

5/4/2013 2:56 AM EST
Sabti, May 04, 2013 (HOL) — Deeq lacageed oo dhan 132,000 oo dollar-ka Mareykanka ah ayuu masaajidka Abuubakar Sadiiq ee ku yaalla magaalada Minneapolis ee gobolka Minnesota ku wareejiyay hay'adda HARO oo ka mid ah hay'adaha samfalka ee ka hawlgala gudaha Soomaaliya, xafiisyana ku leh magaalooyinka qaar ka mid ah magaalooyinka dalka Maraykanka.

5/4/2013 2:27 AM EST
Sabti, May 04, 2013 (HOL) — Waddooyinka muhiimka ah ee Muqdisho ayaa dib loo furay saakay oo Sabti ah kaddib afar maalmood oo ay u xirnaayeen arrimo la sheegay inay ammaanka la xiriiraan, waxaana jidadkaas dib uga howl-billlaabay gaadiidka dadweynaha.

5/4/2013 2:08 AM EST
Sabti, May 04, 2013 (HOL) — Maamulka dowladda Soomaaliya ee gobolka Bakool ayaa sheegay inay Al-shabaab kala wareegeen degmada Tiyeegloow oo 90-km u jirta degmada Xudur ee gobolka Bakool iyo deegaan ku dhow Xudur oo lagu magacaabo Mooro-gaabeey, kaddib dagaal saacado socday oo xalay ka dhacay deegaannadaas.