Wararka Maanta: Axad, Mar 3 , 2013-Maxkamadda Rafcaanka Gobolka Banaadir oo lix bilood oo xabsi ah ku ridday Wariye Cabdicasiis Cabdinuur Koronto

Maxkamadda Rafcaanka Gobolka Banaadir oo lix bilood oo xabsi ah ku ridday Wariye Cabdicasiis Cabdinuur Koronto

Axad, Maarso 03, 2013 (HOL) — Maxkamadda Rafcaanka gobolka Banaadir ayaa maanta oo Axad ah ku xukuntay lix bilood oo xabsi ah wariye C/casiis Cabdinuur Ibraahim (Koronto) oo ay horay maxkamada gobolka Banaadir ugu xukuntay hal sano oo xabsi ah, iyadoo sii daysay maxkamaddu gabar sheegtay in la kufsaday oo iyadana horay loogu xukumay hal sano oo xabsi ah.

Wariye C/casiis C/nuur Ibraahim (Koronto)

Garsooraha maxkamadda xukunka ridday, Maxamed Xasan Cali (Wariiri) ayaa sheegay in xabsiga wariyaha ee halka sano ah ay ka dhigeen lix bilood kaddib markii ay wariyaha ku cadaatay eedeymihii loosoo jeediyay, balse wuxuu sheegay in gabadha loo waayay markhaatiyaal eedeymihii markii hore lagu xukumay.

Xukunkan ayaa waxaa kasoo horjeestay garyaqaankii u doodayay wariye C/casiis Koronto oo lagu magacaabo, Maxamed Maxamuud Faarax, wuxuuna xukunkan ku tilmaamay mid cadaaladda sal ku lahayn, isagoo xusay inay u gudbin doonaan kiiskan maxkamadda sare ee dalka; si go’aan kama dambeys ay uga gaarto.

Ururka suxufiyiinta Qaranka Soomaaliyeed ee NUSOJ ayaa cambaareeyay xariga maxkamadda iyadoo xoghayaha guud ee ururka, Cumar Faaruuq uu ku tilmaamay xukun ku saleysan howsha uu wariyuhu bulshada u yahay, isagoo sheegay in xukunkaas uu aad uga naxiyay.

Sidoo kale, Faaruuq wuxuu ugu baaqay maxkamadda sare ee dalka inay si cadaalad ah u eegto kiiskan, ayna ku saleyso shaciga dalka u yaalla, ayna wax ka weydiiso arrintan dadka xog-ogaalka u ah.

Ra’iisul wasaaraha Soomaaliya, Cabdi Faarax Shir-doon (Saacid) ayaa isagu soo dhaweeyay go’aanka maxkamadda, wuxuuna ku tilmaamay inuu caddeyn u yahay madaxbannaanida hay’adaha sharciga ee dalka.

“Waan ku faraxsanahay inaan arko go’aanka maxkamadda rafcaanka ay ka gaartay xukunka wariyaha oo markii hore ahaa 12-bilood, Laakiinse kuma faraxsani in wariyaha oo xiro howshiisa. Waa in la xushmeeyo xorriyadda iyo madaxbannaanida saxaafadda ee dastuurkeennu uu qabo,” ayuu yiri Saacid.

Dhanka kale, Luul Cali Xasan oo ahayd gabadhii sheegtay inay kufsadeen ciidamada dowladda ee maxkamaddu ay sii daysay ayaa sheegtay inay ku faraxsan tahay sii daynteeda, waxayse xustay in xariga wariyaha ay aad uga walwalsan tahay.

Maxamed Xaaji Xuseen, Hiiraan Online
[email protected]
Muqdisho, Soomaaliya

Maayarka Degmada Saylac oo sheegay in Xidhibaanada golaha Deegaanka ee Saylac laga diiday Is-casilaaddoodii

3/3/2013 1:03 PM EST

Axad, Maarso 03, 2013 (HOL) — Maayarka golaha deegaanka magaalada Saylac Xuseen Iidle Barkhadle ayaa sheegay maanta in golaha deegaanku Saylac uu cod aqlabiyad ah ku hakiyay ama ku diiday inay xildhibaanadii is-casilay ka aqbalaan is-casilaadooda. Arrintaas oo uu sheegay maayarku inay filayaan inay wax iska bedelaan.

Wasiirka Arrimaha Gudaha ee Somaliland oo Xilkii ka Qaaday Madaxii Guddiga Doorashooyinka ee Gobolka Selel

3/3/2013 12:38 PM EST

Axad, Maarso 03, 2013 (HOL) — Wasiirka arrimaha gudaha, Somaliland Maxamed Nuur Carraale (Duur) ayaa xoghayaha dowladda hoose ee Saylac u magacaabay, Bashiir Cilmi Waabari xoghayihii komiishanka doorashada ee gobolka gobolka Salal oo hore u qaadacay natiijada doorashada ee Saylac, taasoo dhalisay khilaaf aad u xoog badan isla markaana sababtay in xildhibaannadii beesha Ciise uga soo baxay ay dhammaantood is-wada-casilaan.

Guddoomiyihii hore ee Gobolka Bay oo Xaflad ka dhacday Degmada Baydhabo ku wareejiyay xilkii Maamulka Gobolka

3/3/2013 11:32 AM EST

Axad, Maarso 03, 2013 (HOL) — Gudoomiyihii hore ee gobolka Bay, C/fitaax Ibraahim Maxamed (Geeseey) ayaa maanta xilkii ku wareejiyay Cabdi Aadan Hesoow oo ah guddoomiyaha cusub ee dowladda Somalia ay u magacowday guddoomiyaha gobolka Bay.

Ra’iisul Wasaaraha Somalia oo khudbad uu ka warbixiyay wixii Xukuumadda u qabsoomay ka jeediyay Baarlamaaaka (SAWIRRO)

3/3/2013 9:10 AM EST

Axad, Maarso 03, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta khudbad uu kaga warbixinayay waxyaabihii u qabsoomay muddada 100-ka maalmood ah ee ay xukuumaddiisu shaqeynayso ka horjeediyay kulankii maanta ee baarlamaanka Soomaaliya.

Maamulka Ximin iyo Xeeb oo howshii ka joojiyay Idaacad Madax-bannaan oo ka howlgasha Cadaado iyo NUSOJ oo cambaareysya

3/3/2013 8:02 AM EST

Axad, Maarso 03, 2013 (HOL) — Maamulka Ximan iyo Xeeb ayaa shalay oo Sabti ahayd albaabbada isugu dhuftay Radio Al-Ixsaan oo ka mid ah idaacadaha madaxabannaan ee ka howgala degmada Cadaado ee gobolka Galguduud, iyadoo xarigaas uu si adag u cambaareeyay ururka suxufiyiinta Qaranka Soomaaliyeed ee NUSOJ.

Golaha Deegaanka Gabileey oo Mushaarkii u Kordhiyay Shaqaalaha Dowladda Hoose iyo Xildhibaannadii Golaha Deegaanka

3/3/2013 7:38 AM EST

Axad, Maarso 03, 2013 (HOL) — Golaha Deegaanka degmadda Gabiley, ayaa ansaxsaday miisaaniyad sanadeedkii ay ku shaqayn doonaan sanadkan 2013-ka, taas oo ay ka muuqato mushahar kordhin loo sameeyey shaqaalaha dawladda hoose iyo xidlhibaanadda golaha deegaanka Gabiley.

Cutubyo ka tirsan Ciidamada AMISOM ee ka socda dalka Jabuuti oo markii ugu Horreysay gaaray Gobolka Galguduud

3/3/2013 7:15 AM EST

Axad, Maarso 03, 2013 (HOL) — Cutubyo ka tirsan ciidamada Jabuuti ee howlgalka midowgga Africa AMISOM oo ay weliyaan ciidamo ka tirsan maamulka gobollka Hiiraan oo saakay ka ababaxay magaalada Baladweyne ayaa gaaray deegaanno ka tirsan gobollka Galguduud bartamaha Soomaaliya.

Xarakada Al-shabaab oo lacago shilin Somali ah ku gubtay Deegaanka Halgan oo ka tirsan Gobolka Hiiraan

3/3/2013 7:08 AM EST

Axad, Maarso 03, 2013 (HOL) — Sida ay u xaqiijiyeen HOL dadka deegaannka Halgan xarakada Al-shabaab ayaa galinkii danbe ee maalintii shalay meel fagaaro ah ku gubay lacag shil Soomaali ah oo lagu sheegay cadadkeeda ilaa 25 milyan.

Dalka Kenya oo lasoo gabagabeeyay ola-olihii doorashada iyo Soomaalida oo isha ku haysa (WARBIXIN)

3/3/2013 3:26 AM EST

Axad, March 03, 2013 (HOL) - Dadweynaha dalka Kenya ayaa maalinta isniinta ah u dareeri doona gooba codbixinta si ay u soo doortaan madaxweynahoodii afraad.

Biyo la’aan aad u daran oo laga soo sheegayo Tuulooyin hoostaga Magaalada Baydhabo ee Gobolka Bay (SAWIRRO)

3/3/2013 1:36 AM EST

Axad, Maarso 03, 2013 (HOL) — Deegaanno ka tirsan degmada Baydhabo ee xarunta gobolka Bay ayaa waxaa laga soo sheegayaa inay ka jirto biyo la’aan xooggan, kuwaasoo saameyn ku yeeshay dadka iyo duunyada ku nool deegaannadaas.

Kulanka Baarlamaanka Somalia ee Maanta oo lagu wado in Ra’iisul wasaaraha Soomaaliya uu khudbad ka jeediyo

3/3/2013 1:08 AM EST

Axad, Maarso 03, 2013 (HOL) — Ra’iisul wasaare Cabdi Faarax Shir-doon (Saacid) ayaa lagu wadaa in khudbad uu kaga warramayo howlaha u qabsoomay xukuumadda uu ka jeediyo maanta fadhiga baarlamaanka uu ku yeelanayo xaruntiisa Muqdisho.

Somali News

Kenya police warn of election day attacks by Somali militants, criminals in police uniform -AP

3/3/2013 2:09 PM EST

NAIROBI, Kenya (AP) — Five years after more than 1,000 people were killed in election-related violence, Kenyans on Monday will begin casting votes in a nationwide election seen as the country’s most important — and complicated — in its 50-year history.

Somalia: Court Clears Woman Convicted in Rape Case -AP

3/3/2013 9:01 AM EST

A Somali appeals court on Sunday dropped charges against a woman who alleged she was raped by government security forces and had been convicted of defaming the government.

Somalia court reduces journalist's sentence -Aljazeera

3/3/2013 8:13 AM EST

Appeals court clears alleged rape victim, but orders sentence of journalist who interviewed her be reduced.

Bay Region faces water shortage following low rainfall season -HOL

3/3/2013 7:55 AM EST

Residents of several villages and towns in Bay region of Somalia have little water to survive following low rainfall season.

Britain downplays Kenya election fears -Daily Nation

3/3/2013 4:08 AM EST

The British government has downplayed fears ahead of Monday's Kenya elections by advising its citizens touring or living in the country to still go ahead with their normal duties during poll.

Abstracts, ID copies not accepted in voting -Capital FM

3/3/2013 4:04 AM EST

The Independent Electoral and Boundaries Commission (IEBC) has cautioned voters that police abstracts and photo copies of identification documents will not be accepted during Monday’s voting exercise.

Kenya beefs up security ahead of polls -Xinhua

3/3/2013 3:57 AM EST

The Kenya government on Saturday said that it has beefed security ahead of the March 4 general elections, the first exercise since the East African nation's new constitution was approved in August 2010.

U.N. Security Council sets stage for lifting Somalia arms embargo -Reuters

3/3/2013 3:46 AM EST

The U.N. Security Council is considering lifting an arms embargo on Somalia's government for one year so it can beef up its army to combat Islamist fighters, according to a draft resolution that is due to be voted on by the divided council on Wednesday.