3/27/2023
Today from Hiiraan Online:  _
Wararka Maanta- Talaado, Jan 8 , 2013
Danjire Augustine P. Mahiga oo sheegay in Qaramada Midoobay ay hab cusub kula shaqeyn doonto Dowladda Federaalka Soomaaliya

Talaado, Jannaayo 08, 2013 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga oo kulan la qaatay madaxweynaha Soomaaliya, Xasan Sheekh ayaa sheegay in Qaramada Midoobay ay qaab cusub kula shaqeyn doonto dowladda federaalka Soomaaliya.

Danjire Mahiga, ayaa kulanka kaddib wuxuu la hadlay saxaafadda isagoo sheegay in halkan [Muqdisho] uu u yimid sidii uu kulammo ula qaadan lahaa madaxda dowladda uuna ugu sharraxi lahaa habka ay Qaramada Midoobay kula shaqeyn doonto dowladda Soomaaliya.

“Halkaan waxaan u imid inaan la kulmo madaxweynaha iyo ra’iisul wasaaraha si aan ugu sharraxo habka ay Qaramada Midoobay doonayso inay ula shaqeyso dowladda Soomaaliya,” ayuu danjier Mahiga ku sheegay war uu siiyay saxaafadda.

Sidoo kale, danjiruhu wuxuu wariyeyasha u sheegay in Qaramada Midoobay ay dejisay hab cusub oo ay dowladd Soomaaliya kula wadaagayso waayo-aragnimadeeda ayna kordhin doonto taageeradeeda, isagoo caalamka ugu baaqay inay caawiyaan Soomaaliya.

Danjiruhu wuxuu hadalkiisa ku daray in Qaramada Midoobay ay cusboonaysiisay xiriirka kala dhexeeya dowladda Soomaaliya, sidoo kalena ay qayb ka qaadanayso xasilinta gobollada lagala wareegay Al-shabaab iyo dhaqan-celinta dhallinyarada kasoo goosta Al-shabaab.

“Qorshaheennu waa inaan gacan ka geysanno barnaamijyada horumarinta Soomaaliya, waxaana qiraynaa horumarka ay dowladdu gaartay, ammaanka caasimaddana waa mid aad u wanaagsan, taasna waxaa caddeynaya dadka kasoo laabanaya dibadaha,” ayuu hadalkiisa kusoo gabgabeeyay.

Madaxweynaha Soomaaliya, Xasan Sheekh Maxamuud ayaa isagu ka hadlin kulankii uu la qaatay danjire Mahiga, sidoo kalena ma jiro hadal kasoo baxay dowladda Soomaaliya, waxaana kulankan uu noqonayaa kii ugu horreeyay noociisa oo dhexmara madaxda dowladda Soomaaliya iyo danjire Mahiga.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Maxbuus Soomaali ah oo isku dilay xabsi ku yaalla Dalka Talyaaniga
1/8/2013 4:54 PM EST
Talaado, January 08, 2013(HOL): Wiil Soomaali ah oo ku jiray xabsi ku yaalla magaalada Lecce ee dalka Talyaaniga, halkaasi oo loogu xiray in uu ku soo qaato ciqaabta dembi xatooyo ah oo lagu helay ayaa isdaldalay kaddib markii ay xaalad nolol xumo ah ay xabsiga kula soo gudboonaatay.

Wasiirka Difaaca Soomaaliya oo sheegay in Burcadbadeedda ay taageero ka helaan dalal diiddan nabadda Soomaaliya
1/8/2013 12:12 PM EST
Talaado, Jannaayo 08, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in dalal kasoo horjeeda nabad ka dhalata Soomaaliya ay taageeraan burcadbdeedda Soomaaliya, kuwaas oo raadinaya inaysan Soomaaliya weligeed xasilin oo aanay deggenaasho ka dhicin.

Dowladda Soomaaliya iyo Midowga Afrika oo isku afgartay in xilliga Holwgalka Ciidamada AMISOM la kordhiyo
1/8/2013 8:50 AM EST
Talaado, Jannaayo 08, 2013 (HOL) — Kulan ay magaalada Muqdisho ku yeesheen ergayga Midowga Afrika u qaabilsan Soomaaliya iyo madaxda dowladda Soomaaliya ayaa waxaa lagu gaaray go’aan lagu dalbanayo in la kordhiyo xilliga howgalka ciidamada Midowga Afrika ee AMISOM.

Go’aanno kasoo baxay kulammo lagu Qaboojinayay Xiisad u dhexeysay beelo isku khilaafsan deegaan la magaaleeyay
1/8/2013 7:56 AM EST
Talaado, Jannaayo 08, 2013 (HOL) — Kulan cashooyinkii lasoo dhaafay uga socday deegaanka Dan-dan madaxdhaqameed ku kala dhex-jirey beelo isku maan-dhaafay dhul daaqsimeed la magaaleeyay oo lagu magacaabo Xamar-lagu-xidh oo 40-km dhinaca Koonfur-bari kaga beegan Degmada Buuhoodle ayaa ga`aammo lagaga soo saaray.

Golaha Aqoonyahannada Koonfurta Somalia oo Shahaado la magac-baxday Qiimee qofkaaga guddoonsiiyay Ha’yado iyo Shirkado
1/8/2013 7:54 AM EST
Talaado, Jannaayo 08, 2013 (HOL) — Golaha aqoonyahannada Koonfurta Soomaaliya oo mudooyinkii ugu dambeeyay wadday barnaamij la magac baxay [qiimee qofkaaga] ayaa munaasabad uu soo qaban-qaabiyey golaha kana dhacday hoteel Manchester ee magaalada Baydhabo waxaa shahaadooyin lagu guddoonsiiyay shirkado iyo hay’ado wadani ah oo ka jira gobolka Bay.

Guddiga Cadaaladda Somaliland oo is-bedello ku sameeyay Garsoorayaasha Maxkamadaha Gobollada Qaarkood
1/8/2013 6:59 AM EST
Talaado, Jannaayo 08, 2013 (HOL) — Guddiga cadaalladda Somaliland ayaa isku shaan-dheyn ballaaran ku sameeyay guddoomiyeyaasha maxkamaddaha goboladda Somailland qaarkood.

Wasiirka Dib-u-dejinta iyo Wasiir xigeenka Macdanta iyo Biyaha Somaliland oo Maanta Xilalkoodii loo Ansixiyay
1/8/2013 6:52 AM EST
Talaado, Jannaayo 08, 2013 (HOL) — Mudanayaasha golaha Wakiiladda Somaliland, ayaa maanta cod aqlabiyad ah ku ansixiyey wasiirka Dib u jinta Somaliland Mr: Saleebaan Ciise Axmed (Xaglo Toosiye) iyo wasiir ku xigeenka macdanta, Tamarta iyo biyaha Somaliland Mr: Cabdisalaan Maxamed Xasan.

Haweenka ku jira Xeryaha Barakacyaasha Muqdisho oo ka cabanaya Kufsi ay u geystaan Ciidamada Dowladda Soomaaliya
1/8/2013 6:47 AM EST
Talaado, Jannaayo 08, 2013 (HOL) — Iyadoo madaxweynaha Soomaaliya, Xasan Sheekh Maxamuud uu dhawaan sheegay in askarigii kufsi lagu helo uu xukunkiisu noqonayo dil toogasho; ayaa haddana haweenka ku jira xeryaha barakacayaasha ee Muqdisho ku yaalla waxay ka cabanayaan kufsi ay u geystaan ciidamada dowladda Soomaaliya iyo dad xiran dharka ciidamada.

Maamulka Ahlusunna oo sheegay in ay guulo ka gaareen dagaallo ay gobolka Gedo kula galeen Al-shabaab
1/8/2013 5:57 AM EST
Talaado, Jannaayo 08, 2013 (HOL) —Maamulka culumaa’udiinka Ahlusunna Wal-jameeca ee gobolka Gedo ayaa sheegay in dagaalladii ugu danbeeyay ee ka dhacay gobolkaasi ay ku guuleysteen in ay xoogagga Al-shabaab kala wareegaan dhul ballaaran oo ay uga sugnaayeen gobolkaasi.

Dowladda Talyaaniga oo sheegtay inay ka caawinayso Soomaaliya Tababarka Booliiska iyo dhinacyada Wax-soo-saarka
1/8/2013 5:46 AM EST
Talaado, Jannaayo 08, 2013 (HOL) — Dowladda Talyaaniga oo muddo dheer gumeysanaysay gobollada Koonfureed ee Soomaaliya ayaa shaacisay inay ka caawin doonto dowladda cusub ee Soomaaliya tababarka ciidamada iyo wax-soo-saarka.

Ciidamada AMISOM oo lagu wareejiyay Garoonka Diyaaradaha ee Baydhabo oo ay horay u joogeen ciidamada Itoobiya
1/8/2013 1:21 AM EST
Talaado, Jannaayo 08, 2013 (HOL) — Ciidamada AMISOM ee ku sugan magaalada Baydhabo ee xarunta gobolka Bay ayaa lagu wareejiyay garoonka diyaaradaha ee Baydhabo, halkaasoo tan iyo bishii Feberaayo ee sannadkii hore ay gacanta ku hayeen ciidamada Itoobiya ee caawinaya kuwa dowladda Soomaaliya.

Weerar ay ku dhaawacmeen Saraakiil ka tirsan Booliiska dalka Kenya oo xalay ka dhacay Magaalada Gaarisa
1/8/2013 1:20 AM EST
Talaado, Jannaayo 08, 2013 (HOL) — Afar qof oo ay ku jiraan saddex sarkaal oo ka tirsan saraakiisha booliiska Kenya iyo qof rayid ah ayaa ku dhaawacmay bambaano lagu weeraray xalay gaari ay wateen booliiska Kenya oo marayay bartamaha magaalada Gaarisa ee xarunta gobolka Waqooyi-bari-Kenya.