11/27/2022
Today from Hiiraan Online:  _
Wararka Maanta- Khamiis, Feb 14, 2013
Xildhibaan ka tirsan Baarlamaanka Federaalka Soomaaliya oo ku geeriyooday Isbitaal ku yaalla Magaalada Muqdisho

Khamiis, Feberaayo 14, 2013 (HOL) — Xildhibaan Sheekh Nuur Cali Aadan oo ka mid ah mudanayaasha baarlamaanka Soomaaliya ayaa xanuun kusoo booday awgiis ugu geeriyooday xalay isbiaal ku yaalla magaalada Muqdisho.

Ehellada marxuumka ayaa saxaafadda u sheegay in xildhibaanku uu si lama filaan ah ugu geeriyooday xanuun soo booddo ah, iyadoo lagu wado in lagu aaso maanta magaalada Muqdisho.

“Marxuumku wuxuu ka mid ahaa xildhibaannada baarlamaanka Soomaaliya, wuxuuna horay u soo noqday wasirika owqaafta iyo arrimaha diinta,” ayay u sheegeen warbaahinta qaar ka mid ah ehellada marxuumka.

Xildhibaankan ayaa noqonaya kii labaad oo ka geeriyooda baarlamaanka cusub ee Soomaaliya, iyadoo horay loo dilay mid ka mid ah xildhibaannada, kaasoo sodog u ahaa madaxweynihii hore ee Soomaaliya, Sheekh Shariif Sheekh Axmed.

Geerida marxuumka ayaan waxay imaanaysaa iyadoo xildhibaannadu ay ku jiraan fasax-sannadeedkoodii, waxaana booskan uu noqonayaa mid bannaan oo laga sugayo guddoonka baarlamaanka inay buuxiyaan.

Xildhibaannada baarlamaanka Soomaaliya ayaa waxaas oo xulay ergooyin si gaar ah loogu saaray, iyagoo kuraasta ugu fadhiya qaab 4.5 ah, balse waxaa laga sugayaa inay ka shaqeeyaan sidii afarta sano ee soo socota ay shacabku u soo dooran lahaayeen xildhibaannada matalaya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/14/2013 12:35 PM EST
Khamiis, Feberaayo 14, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo ayaa maanta kulan kula yeeshay xarunta dalka Itoobiya ee Addis Ababa, guddoonka baarlamaanka dalkaas.

2/14/2013 11:36 AM EST
Khamiis, Feberaayo 14, 2013 (HOL) — Ardayda wax ka barta Jaamacadda Nugaal faraceeda magaalada Laascaanood ayaa safar wajiyo badan kusoo maray deegaanno ka tirsan gobolka Sool, Sanaag iyo deegaanka Cayn.

2/14/2013 11:19 AM EST
Khamiis, Feberaayo 14, 2013 (HOL) — Mas’uuliyiin ka tirsan dowladda Soomaaliya ayaa maanta ka qeyb-galay aas balaaran oo degmada Guri-ceel ee gobollka Galguduud loogu sameeyay guddoomiyihii gollaha fulinta Ahlu Sunna Waljameeca Sheekh Max’ed Yuusuf Xeefoow oo maalintii shalay Muqdisho ku geeriyooday.

2/14/2013 7:00 AM EST
Khamiis, Feberaayo 14, 2013 (HOL) — Ciidamada dowladda Soomaaliya iyo kuwa AMISOM ayaa saakay la wareegay deegaanno hor leh oo ka tirsan gobolka Shabeellada Hoose, iyadoo saraakiisha dowladdu ay sheegeen inay la kulmeen iska-caabino aan xoog badnayn.

2/14/2013 6:59 AM EST
Khamiis, Feberaayo 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa safar shaqo kaga maqnaa dalka dibiiisa, ayaa maanta dalka dib ugu soo laabtay, kana hadlay kulamaddii uu la yeeshay dawladda Ingiriiska.

2/14/2013 2:45 AM EST
Khamiis, Feberaayo 14, 2013 (HOL) —Kooxo baastoolado ku hubeysan oo aan heybtooda la aqoon ayaa xalay fiidkii xaafadda Farjanno ee magaalada Kismaayo ku dilay nin ganacsade ah oo si weyn looga yaqaano magaalada Kismaayo.

2/14/2013 1:08 AM EST
Khamiis, Feberaayo 14, 2013 (HOL) — Kooxo hubeysan oo Koonfur Afrikaan ah ayaa ku dilay shalay gallinkii dambe duleedka magaalada Cape Town ee dalka Koonfur Afrika ganacsade Soomaaliyeed oo lagu magacaabi jiray, Xuseen Cali Jimcaale.

2/14/2013 12:27 AM EST
Khamiis, Feberaayo 14, 2013 (HOL) —Al-shabaab ayaa ka hadashay geeridii ku timid guddoomiyihii golaha fulinta ee ururka Ahlusunna Waljamaaca, Sheekh Maxamed Yuusuf Xeefoow, iyagoo sheegay inuu ka mid ahaa dadka dhibaatada ku hayay shacabka muslimka ah ee Soomaaliyeed.