5/10/2021
Today from Hiiraan Online:  _
Wararka Maanta- Arbaco, Oct 16, 2013
MADAXWEYNE FAROOLE: " waxan u aragnaa maamulka hadda Xamar jooga inuu yahay maamul wax uruur sanaya oo cararaya"



Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

C/raxmaan Maxamed Faroole ayaa ka digey mashaariicdaas oo sida uu sheegay dhibaato horseedi kara, maadaama nidaamka federaalku aanu weli si dhameystiran dalka uga hirgelin, islamarkaana uusan jirin heshiis laga gaarey qaabka lagu qaybsan doono khayraadka dalka.

"arintaas wax badan baan ka hadalnay qoraalna waan ka samaynay, dadka arintaas ku shuqul leh yey dhibaato inoo keenin...shuruuc baa ka taal dalka cid kasta iyadu meesha ay degen tahay awood u siinaysa shidaal baarista... faragelinta ha layska dhaafo, shirkadahaasna waxan leenahay ka jooga" Madaxweynaha Puntland ayaa sidaas yiri.

Faroole ayaa sidoo kale soo hadal qaaday heshiiskii ay dhowaan dowladda federaalku la gashay hay'adda caalamiga ah ee duulimaadyada rayidka (ICAO ) ee dhigayey in maamulka hawada Soomaaliya lagu wareejiyo dowaladda federaalka.

Hay'adda ICAO ayuu ugu baaqay in ay heshiiskaas ka laabato, maadaama sida uu tilmaamay aan la dhameystirin maamullada dalka, suurtagalna aysan noqon karin xilligan in khayraadka guud ee dalka si siman looga wada faa'iideysto.

" Waxan u aragnaa maamulka hadda Xamar jooga inuu yahay maamul wax uruur sanaaya oo cararaaya, haddii uusan sidaas ahayn wixii lagu heshiiyey ayuu hirgelin lahaa oo maamul ku ahaan lahaa" ayuu yiri.

Madaxweyne Faroole wuxuu ugu dambeyntii ka hadlay doorashooyinka soo wajhan ee Puntland, isagoo sheegay in faragelin badan lagu hayo. Tusaale wuxuu usoo qaatay farriimo ka yimid dowladda federaalka oo dhowaan shirkadda isgaarsiinta Golis ay macaamiisheeda adeegga moobeylka u dirtay.

Farriimahaas ayaa shacabka loogu sheegay in si midnimada guud loo dhowro, qarannimadiina loosoo celiyo ay tahay in meel looga soo wada jeesto cid kasta oo taas caqabad ku noqon karta.

Faroole oo arrinta fariimahan oo muran ka dhex abuurtay Puntland iyo shirkadda Golis ka hadlayey wuxuu yiri: "Waad aragteen fariimo ay soo dirtay Golis...waxan u qaatay anigu inay tahay kacdoonkii loo baxshay Rabiicul Carab oo ay u dhigeen Rabiicul Puntland. Hadalkaasi cidna waxba kama bedelayee yaan lagu hungoobin"

Khudbadda madaxweynaha Puntland oo ahayd mid muddo 30 daqiiqo ah socotey, wuxuu kusoo qaaday arrimo badan oo ay kamid ahaayeen: safarro ay isaga iyo wefdi uu horkacayaa muddo todobaadyo ah dalka dibaddiisa ugu maqnaayeen iyo heshiisyo ay lasoo saxiixdeen dalal dhowr ah.

Maxamed Salaad Xaaji Dirir, Hiiraan Online,
[email protected],
Boosaaso, Puntland.











Click here
10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 8:06 AM EST
Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

10/16/2013 7:52 AM EST
Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:51 AM EST
Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

10/16/2013 2:32 AM EST
Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.

10/16/2013 2:12 AM EST
Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.