3/28/2024
Today from Hiiraan Online:  _
Wararka Maanta- Arbaco, Oct 16, 2013
Ciidamada Amniga Itoobiya oo saddex qof u xiray Qaraxii Maalmo ka hor ka dhacay Magaalada Addis Ababa ee xarunta dalkaas

Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

Qaraxan ayaa ka dhacay xaafadda Bole oo ay si weyn u daggan yihiin dadka Soomaaliyeed ee ku nool Addis Ababa, iyadoo labada qof ee uu qaraxu dilay lagu sheegay inay ahaayeen kuwo guri ay deggenaayeen ku farsameynayay waxyaabaha qarxa.

“Dadka qaraxa ku dhintay waxay ahaayeen Soomaali, kuwaasoo dalka kusoo galay si sharci-darro ah,” ayuu yiri taliyaha booliiska Itoobiya. Qaraxu wuxuu ka dhacay xaafadda Bole oo ku dhow garoonka diyaaradaha Addis Ababa.  

Booliiska Addis Ababa ma sheegin in saddexda qof ee la xiray ay Al-shabaab ka tirsan yihiin iyo in kale, sidoo kalena lama shaacin magacyada iyo dalalka ay u dhasheen dadkan loo xirxiray qaraxii ka dhacay xarunta Itoobiya. Mana jirto koox illaa hadda sheegatay inay mas’uul ka tahay qaraxaas.

Kaddib markii Al-shabaab ay sheegatay weerarkii lagu qaaday xarun ganacsi oo ku taalla magaalada Nairobi ee dalka Kenya, kooxda mucaaradka ah ee dalka Itoobiya waxay ka digaysay in kooxdan ay weerarro la mid ah kuwaas la geysato dalkooda, balse xukuumadda ayaa sheegtay inaysan Al-shabaab ka geysan karin dalkooda weerar argagaxiso.

Horraantii bishan ayaa ra’iisul wasaaraha Itoobiya, Hailemariam Deslaegn oo la hadlay warbaahinta wuxuu sheegay in Itoobiya aysan ciidamadeeda kala baxayn Somalia inta laga xaqiijinayo ammaanka iyo deggenaashaha dalka ay dariska yihiin ee Soomaaliya.

“Ciidamadeenna xoogga iyo kuwa sirdoonka waa kuwo ku filan inay dalka ka difaacaan kuwa doonaya inay dhibaatooyinka ka geystaan. Ciidamadeenuna way sii joogi doonaan Soomaaliya,” ayuu yiri Deslaegn.

Al-shabaab ayaa oo dhawaan ku hanjabtay inay qaraxyo ka geysnayso dalalka ay ciidamad aka joogaan Soomaaliya, ayaa dalalkii ay u goodisay waxaa ka ka mid ahaa dalka Itoobiya oo ay ciidammo ka madax-bannaan  AMISOM kaga sugan yihiin Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/16/2013 2:05 PM EST
Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 8:06 AM EST
Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:51 AM EST
Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

10/16/2013 2:32 AM EST
Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.

10/16/2013 2:12 AM EST
Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.