12/1/2022
Today from Hiiraan Online:  _
Wararka Maanta- Isniin, May 6 , 2013
Ciidamada Dowlada Somalia oo saddex Haween ah ku Kufsaday Deegaanka Gubate oo ka Tirsan Gobolka Bakool

Isniin, May 06, 2013 (HOL) — Waxaa dhawaanaha gobolka Bakool ka socday dagaal ay ciidamada dowlada kula jireen xoogaga Al-shabaab, kuwaasoo ay ku qabsadeen tuulooyinka kala ah: Garas-weyne, kulan-jareer, Ceel-garas iyo Gubate, iyagoo deegaannadasa isaga baxayay markii saacado joogaan.

Ciidamada dowaldda ayaa la sheeagy inay deegaannadaas ka geysan jireen dhac iyo burburuin loo geysanayo hantida shirkadaha halkaas ka howgala oo ay ka mid tahay shirkadda Hormuud iyo hantida dadweynaha.

Maalintii shalay ahayd ayaa ciidammo ka tirsan kuwa dowaldda Soomaaliya waxay weerareen tuulo la yiraahdo Gubate oo ay joogeen xoogag ka tirsan  Al-shabaab, waxaana ka dhacay dagaal geystay khasaare khasaare nafeed iyo mid maalmiyadeed; iyadoo lasoo sheegayo in la kufsadey sadex haween ah oo deegaankaas ku noolaa.

Wararku waxay sheegayaan in haweenkaas ay kufsadeen ciidammo ka tirsan kuwa dowladda Somalia ee gobolkaas ku sugan, iyadoo xaaladda caafimaad ee haweenka la kufsadayna ay tahay mid aad khatar u ah.

Haweenkan ayaa la sheegay inay kufsadeen rag aad u fara badan oo ciidan ah sida laga soo xigtay mid ka mid ah ciidamada deegaankaas oo magaciisa lagu sheegay Ma-Nuur Mad-keerow.

“Saddexda haweenka ah xaaladdooda caafimaad aad ayay u xun tahay, way adag tahay sidii lagu soo gaarsiin lahaa goobaha caafimaad, waayo six un ayay u dhiig-baxeen kufsiga kaddib,” ayuu yiri Mad-Keeroow oo warbixin ka bixinayay xaaladda haweenka la kufsaday.

Dhanka kale, ciidamada dowladda waxay maanta tageen deegaan la yiraahdo Bulo-barako oo Baydhabo u jirto 45-km; iyadoo aan Al-shabaab kala kulmin wax iska-caabin ah; iyadoo lasoo sheegayo in ciidammo aad u badan ay ku socdaan deeganno magaalada Baydhabo ka xiga dhinaca Koonfureed.

Hiiraan Online, Baydhabo

 













Click here
5/6/2013 9:37 AM EST
Isniin, May 06, 2013 (HOL) — Guddiga kumeel gaarka ah ee doorashooyinka Puntland ayaa maanta shaaciyey xilliga ay ku egtahay soo gudbinta musharrixiinta ururada siyaasadda uga qayb geli doona doorashooyinka goleyaasha deegaanka ee soo socda.

5/6/2013 9:13 AM EST
Isniin, May 06, 2013 (HOL) — Mas'uuliyiinta maamulka gobollka Hiiraan iyo saraakiisha ciidamada midowgga Africa AMISOM ayaa maanta kulan kula yeeshay magaalada Baladweyne ee xarunta gobollka Hiiraan wafdi ballaaran oo ka socday hay'addaha samafalka QM.

5/6/2013 9:03 AM EST
Isniin, May 06, 2013 (HOL) — Dowladda Qatar ayaa si adag u cambaareysay weerarkii Ismiidaaminta ahaa ee ay Al-shababa kula beegsatay Muqdisho samafalayaal dalkeeda u dhashay, sida lagu sheegay war-saxaafadeed ay baahisay wakaaladda wararka Qatar.

5/6/2013 8:30 AM EST
Isniin, May 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa gaaray magaalada London ee xarunta dalka Britain, halkaasoo uu maalinta berri ah ka furmayo shir loo qabanayo Soomaaliya, si yabooh dhaqaale loogu ururiyo.

5/6/2013 8:13 AM EST
Isniin, May 06, 2013 (HOL) — Ciidamada ammaanka Soomaaliya ayaa dib u xiray jidadka waaweyn ee Muqdisho, maalin kaddib markii uu isgoyska KM-4 ka dhacay weerar ismiidaaminta ah oo sababay dhimasho iyo dhaawac fara badan, kaasoo ay mas’uuliyaddiisa sheegatay Al-shabaab.

5/6/2013 8:08 AM EST
Isniin, May 06, 2013 (HOL) — Waxaa maanta garoonka diyaaradaha ee magaalada Boosaaso laga soo dejiyey sagaal maxbuus oo Soomaali ah, kuwaas oo horay maxkamad ku taalla dalka Seychelles ay ugu xukuntay falal lala xiriira burcad-badeednimo.

5/6/2013 3:23 AM EST
Isniin, May 06, 2013(HOL) :- Dagaalyahanno katirsan xarakada Al-shabaab ayaa xalay saqdii dhexe weerar qorsheeysan ku qaaday deegaanka Dhoobleey ee gobolka J/hoose, iyadoona weerarkaasi uu ahaa mid ay labada dhinac isu adeegsanayeen hubka noocyadiisa kala duwan.

5/6/2013 1:40 AM EST
Isniin, May 06, 2013 (HOL) — Barnaamijkan loo bixiyey FAGAARAHA oo ah mid soo socday bilihii ugu dambeeyey, kana billowday gobolka ay Soomaalidu ku badan tahay ee Minnesota, ayaa lagu jeex-jeexaa mowduucii xiligaasi bulshada dhex-deeda saameyn muuqata ku leh, iyadoo la isku weydiiyo su’aalo badan, si loo curiyo jawaabo caqli-gal ah oo dawo u noqon-kara mushkiladda laga hadlayo, waxaana tododobaadkaan qeybtaan oo ahayd tiisi afraad lagu gorfeeyey nidaamka federalism-ka iyo sida Soomaaliya uu uga dhaqan-geli karo.

5/6/2013 12:28 AM EST
Isniin, May 06, 2013 (HOL) — Ra’iisul wasaaraxa Soomaaliya, Cabdi Faarax Shirdoon (Saacid) ayaa dhaleeceeyay qaraxii ismiidaaminta ahaa ee shalay ka dhacay isgoyska KM-4 ee magaalada Muqdisho, isagoo ku tilmaamay fal argagaxiso oo lagu gumaaday dad shacab ah oo aan waxba galabsan.