3/29/2024
Today from Hiiraan Online:  _
Wararka Maanta- Isniin, Mar 18, 2013
Raila O. Odinga oo sheegay inuu aqbalayo Go’aanka ay Maxkamadda sare ee Dalka Kenya ka gaarto Dacwaddiisa


Isniin, Maarso 18, 2013 (HOL) — Ra’iisul wasaaraha Kenya, Raila Odinga oo kasoo horjeestay inuu aqbalo natiijada doorashada madaxnimo ee Kenya oo uu ku guulestay ku xigeenkiisii Uhuru Kenyatta ayaa sheegay inuu aqbali doono natiijada dacwad ka dhan ah doorashada oo maalintii Sabtida ahayd uu u gudbiyay maxkamadda sare ee Kenya.

Odinga ayaa ku dacwoonaya in codadka la xaday, isagoo sheegay arrintaas inay caddeymo u hayaan ayna hor-geeyeen maxkamadda, wuxuuna xusay inay ku kalsoon yihiin garsoorayaashu inay dacwaddooda uga jawaabi doonaan si waafaqsan sharciga.

“Doorashooyinku ma ahan kuwo u dhacay si xor iyo xaq ah, inta badan dadkii loo diiwaangeliyay inay codkooda dhiibtaan waa la bedelay, waxaana jira kuwo kale oo loo diiday inay codadkooda bixiyaan, ugu dambeynna waa la musuqmaasuqay codadkii soo baxay,” ayuu yiri Odinga oo warbaahinta Kenya la hadlay.

Sidoo kale, warsaxaafadeed uu soo saaray xisbiga CORD ee uu hoggaamiyo Raila Odinga ayaa lagu sheegay in in la kordhiyay tirada codadkii la dhiibtay, iyagoo xusay in musuqmaasuqa ugu badan uu dhacay markii guddiga doorashada Kenya ay ku laabteen tirinta codadkii doorashada.

“Codadkii la tiriyay waa kuwii laga dhiibtay deegaannada Kikuyu, Juja, Thika, Chuka, Kiambaa iyo Limuru, balse aan la tirin codadkii laga dhiibtay 34 deegaan oo ay ku jiraan; Chesumei, Emngwen iyo Ainamoi,” ayaa lagu yiri warsaxaafadeedka CORD.

Murankan doorashada ayaa waxaa lagu wadaa in maxkamadda sare ay soo afjarto muddo laba toddobaad gudahood ah, ka hor inta aan la dhaarin madaxweynaha cusub ee la doortay Uhuru Kenyatta oo ay dacwadi kaga furan tahay maxkamadda dambiyada caalamiga ah ee ICC.

Guddiga doorashada ee dalka Kenay ayaa horay isaga fogeeyay eedeyn ku saabsan in doorashada la musuqmaasuqay, taasoo uu soo jeediyay xisbiga CORD oo doorashada madaxnimo looga adkaaday, balse lama oga go’aanka maxkamadda halka uu u dhici doono.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/18/2013 5:38 PM EST
Isniin, March 18, 2013(HOL): Kulan aad u ballaaran oo loogu magac daray YAA KA DANBEEYA DILKA HAL-DOORKA SOOMALIYEED ayaa lagu qabtay Minneapolis Convention Center kasoo ay qabanqaabiyeen qaar ka mid ah masaajiddada gobalka Minnesota oo ay ku nool yihiin Soomaali aad u tiro badan.

3/18/2013 3:29 PM EST
Isniin, Maarso 18, 2013 (HOL) — Wariye Maxamed Cali Nuxurkeey oo ka mid ahaa wariyeyaasha ka howgala idaacadda Kulimiye ayaa ku dhintay qaraxii Ismiidaaminta ahaa ee maanta ka dhacay Muqdisho, sidoo kale wuxuu dhaawc kasoo gaaray wariye kale oo ka tirsan idaacadda Mustaqbal oo lagu magacaabo, C/rashiid Nuur Ibraahim.

3/18/2013 3:01 PM EST
Isniin, Maarso 18, 2013 (HOL) — Taliyaha hay’adda nabadsugidda Qaranka ee gobolka banaadir, Khaliif Axmed Ereg oo shir jaraa’id ku qabtay Muqdisho gellinkii dambe ee maanta ayaa sheegay inuusan jirin dhaawac kasoo gaaray qarixii maanta lala beegsaday gaari uu watay, balse ay muraayadihii gaariga ayaa igu soo daatay.

3/18/2013 12:48 PM EST
Isniin, Maarso 18, 2013 (HOL) — Iyadoo bishii labaad ee sannadkan la soo doortay 65 kursi ee uu ka kooban baarlamaanka dalka Jabuuti ayaa waxaa mar kale ku guuleystay inuu baarlamaanka hoggaamiye Idiris Arna’uud Cali, isagoo codad aqlabiyad ah loogu doortay xilkaas.

3/18/2013 12:15 PM EST
Isniin, Maarso 18, 2013 (HOL) — Deeqdan lacageed ee lasoo gaarsiiyay qoyskan dan-yarta ah oo dhawaan uu aqalkoodii ku gubtay Boorame ayaa ayaamahan waxaa lasoo gudboonaaday dhibaato ayaa waxaa maanta lasoo gaarsiiyay lacag dhan 550-doollar, taasoo loo mariyay wariye Khadra Xasan Nuux oo HOL uga soo warranta magaalada Gobolka Awdal.

3/18/2013 12:03 PM EST
Isniin, Maarso 18, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo guddoomiyaha baarlamaanka Soomaaliya, Prof. Maxamed Sheekh Cismaan Jawaari ayaa si adag u cambaareeyay weerrrkii Ismiidaaminta ahaa maanta ka dhacay Muqdisho, kaasoo ay ku dhinteen in ku dhow 10-qof, tiro intaas ka badanna ay ku dhaawacmeen.

3/18/2013 11:27 AM EST
Isniin, Maarso 18, 2013 (HOL) —Waxaa maanta gelinkii danbe garoonka caalamiga ah ee magaalada kismaayo kasoo dagtay diyaarad siday wafdi ka kooban odoyaal iyo siyaasiyiin ka yimid gobolka Gedo, kuwaasoo ka qeybqaadan doona shirka maamul u sameynta gobollada Jubooyinka ee ka socdo degmada Kismaayo.

3/18/2013 8:49 AM EST
Isniin, Maarso 18, 2013 (HOL) — Faahfaahinno dheeraad ah ayaa kasoo baxaya Qarax ismiidaamin ah oo ay mas’uuliyaddiisa sheegatay Xarakada Al-shabaab, waxaana ku dhintay 10-qof oo isugu jiray shacab iyo askar ka tirsan ciidamada dowaldda Soomaaliya.

3/18/2013 7:58 AM EST
Isniin, Maarso 18, 2013 (HOL) — Qorshan dib loogu dhisayo wadada Hilo-kilyo oo muhiim u ah isku socodka magaalada Baladweyne iyo deegaannada ku dhaw dhaw ayaa waxaa iska kaashanaya Uururka Hormarinta Dhalinyarrada gobolka Hiiraan iyo guddi ka kooban qeybaha bulshada.

3/18/2013 6:41 AM EST
Isniin, Maarso 18, 2013 (HOL) — Iyadoo aad mooddo in wali si xowli ah uu ku soconayo saameynta cudurka suban biyoodka ee ka dilaacay magaalada Baladweyne, islamarkaana ay sii kordhayaan tirada dadka ku dhimanaya iyo kuwa uu soo ridanayo, ayaa waxaa arintaa kulan ka yeeshay mas'uuliyiinta maamulka gobollka Hiiraan, saraakiisha Jabuuti, iyo mas'uuliyiinta hay'addaha samafalka ka howlgala gobollka.

3/18/2013 6:37 AM EST
Isniin, Maarso 18, 2013 (HOL) — Weerar ismiidaamin ah oo loo adeegsaday gaari waxyaabaha qaraxa laga soo buuxiyay ayaa ka dhacay goor dhow afka hore ee xerada Ex-fiyoore ee magaalada Muqdisho, kaasoo sababay khasaare badan oo isugu jirta dhimasho iyo dhaawac.

3/18/2013 3:08 AM EST
Isniin, Maarso 18, 2013 (HOL) — Ciidammo uu hoggaaminayo Sheekh Mukhtaar Roobow Cali (Abuu-Mansuur) oo ka mid ah saraakiisha Al-shabaab ayaa xalay gaaray degmada Xudur ee xarunta gobolka Bakool, halkaas oo ay shalay la wareegeen kaddib markii ciidamadii Itoobiya iyo kuwii dowladda ay isagabaxeen degmdaas.

3/18/2013 2:12 AM EST
Isniin, Maarso 18, 2013 (HOL) — Ururka Qaranka Suxufiyiinta Soomaaliyeed ee NUSOJ ayaa warsaxaafadeed uu soo saaray kusoo dhaweeyay sii-daynta wariye C/casiis C/nuur Ibraahim (Koronto) oo maxkamadda sare ay shalay laashay ama diidday dacwooyinkii loo haystay.

3/18/2013 1:46 AM EST
Isniin, Maarso 18, 2013 (HOL) — Olole nadaafadeed ay iska kaashanayaan dowladda Hoose iyo dadweynaha bariga magaalada Laascaanood ayaa lagu nadiifiyay goobo qashin buux-dhaafiyey oo uu ka mid yahay dugsiga hoose iyo dhexe ee Laascaanood, kaasoo burubur soo gaadhay sagaashameeyadii noqday meel qashinka ama xashiiska lagu shubo.

3/18/2013 1:36 AM EST
Isniin, Maarso 18, 2013 (HOL) — Madaxda ugu sarreysa dowladda Somalia iyo golaha wasiirrada ayaa xalay kulan albaabbadu u xiran yihiin ku yeeshay xarunta madaxtooyada Soomaaliya, kaasoo ay uga hadleen cunno-qabteynta hubka ee laga qaaday Soomaaliya iyo sidii dowladdu ay mas’uuliyad isaga saari lahayd in hubkaas uusan gacanta u gelin kooxaha kasoo horjeeda.