3/28/2024
Today from Hiiraan Online:  _
Wararka Maanta- Khamiis, Feb 21, 2013
Shacabka Saylac oo Xukuumadda ugu baaqay inay sugto amniga Degmadaas Haddii kale ay iyagu sugan doonaan

Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

Kooxahan la sheegay inay degmadaas dhibaatooyinka ammaan-darro ah ayaa la sheegay inay kufsi u geysteen saddex haween ah oo ka mid ah kuwa degmadaas ku nool xilli ay kusii jeedeen dalka Jabuuti, taasoo aysan jirin cid wax ka qabatay.

Dhallinyaro kasoo jeeda deegaanka oo maanta shir jaraa’id ku qabtay Saylac ayaa ka halay xaaladda ammaan ee degmada iyo guud ahaan deegaannada ku xeeran, waxayna sheegeen inay jiraan koox shufto ah oo rabta inay qal-qal geliyaan ammaanka oo marba meel ku sugan si aan loosoo qaban.

 “Xukuumadda Somaliland waxaan ugu baaqaynaa inay wax ka qabata amni darrada degmada ka taagan, haddii kale innaga ayaa u istaagayna inaan sugno ammaanka deegaankeena,” ayay dhallinyaradan ku sheegeen warkooda.

Dhalinyaradan waxay baaqooda ku sheegeen in ciidanka nabad-gelyadu ay yeeshaan indho-dheeraad ah oo ay gacanta kusoo dhigaan kooxaha yar ee wadda xaalad-abuurka ee haddana ku jira dhuumaalaysiga, haddii kale ay iyagu gacantooda kaga nadiifin doonaan waa siday hadalka u dhigeene.

Si kastaba ha ahaatee; shirkan jaraa’id ee ay dhallinyarada Saylac qabteen ayaa waxay kusoo beegeen xilli ay oday dhaqameedyada gobolada Awdal iyo Selel baaq kulul u jeediyeen xukuumadda Somaliland, kaddib markii wasiirka arrimaha guduhu si bareer ah u sheegay inaysan weli dhammaan xalinta arrintii Saylac.

Khadro Xasan Nuur, Hiiraan Online
[email protected]
Boorame, Somaliland













Click here
2/21/2013 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2/21/2013 12:48 PM EST
Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

2/21/2013 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2/21/2013 9:55 AM EST
Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

2/21/2013 7:25 AM EST
Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

2/21/2013 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2/21/2013 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2/21/2013 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2/21/2013 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2/21/2013 1:18 AM EST
Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.

2/21/2013 12:52 AM EST
Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.