12/4/2022
Today from Hiiraan Online:  _
Wararka Maanta- Sabti, Sept 22, 2012
Xildhibaankii ugu horreeyay oo goor dhaweyd Muqdisho lagu dilay

Sabti, September 22, 2012(HOL): Waxaa goor dhaweyd magaalada Muqdisho ee caasimadda dalka Soomaaliya lagu dilay xildhibaankii ugu horreysay oo ka tirsan Dowladda Soomaaliya, kaasi oo ay toogteen kooxo hubeysan.

 

Xildhibaanka la toogtay oo lagu mgacaabi jiray Xildhibaan Mustaf Xaaji Maxamed ayaa waxaa lagu toogtay xaafadda Cali Boolaay ee degmada Waaberi, waxaana sida aan wararka ku helnay toogtay afar qofood oo bastoolado ku hubeysan.

 

Xildhibaankan ayay wararku sheegayaan in uu  dhalay mid ka mid ah xaasaska  madaxweynihii hore ee Soomaaliya Shiikh Shariif Shiikh Axmed, wuxuuna noqday xildhibaankii ugu horreysay oo ka tirsan 275-ka mudane ee Baarlamaanka Soomaaliya.

 

Xildhibaannada Baarlamaanka Soomaaliya ayaa bishii hore dhammaadkeedii lagu dhaariyay magaalada Muqdisho, waana xildhibaannadii ugu horreeyay oo aan meteleynin dowlad KMG ah.

 

Dilka Xildhibaankan ayaa wuxuu ku soo beegmayaa iyadoo dorraad qarrax ay dad badan ku dhinteen uu magaalada Muqdisho ka dhacay, kaasi oo ay ku dhinteen wariyayaal, shaqaale ka tirsanaa shaqaalaha dowladda Soomaaliya iyo dad rayid ah.Sidoo kalena shalay subaxdii magaalada Muqdisho lagu dilay Wariye Xasan Yuusuf Absuge.

 

Amni darrada ka billaabatay magaalada Muqdisho ayaa imaanaya iyadoo weli aanu madaxweynaha Soomaaliya soo magacaabin Ra’iisal Wasaare soo dhisa Xukuumada howsha kala wareegta xukuumaddii hore, waxaana muuqda bannaanaasho dhinaca amniga ah.

 

Salaad Iidow Xasan (Xiis), Hiiraan Online

[email protected]

 













Click here
9/22/2012 10:50 AM EST
Sabti, september 22, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay isbedelka ka dhacay dalka Soomaaliya ayaa lagu qabtay magaalada Stockholm ee caasimadda dalka Sweden.

9/22/2012 10:41 AM EST
Sabti, September 22, 2012 (HOL) — Wasiirka Arrimaha gudaha Somaliland, Md: Maxamed Nuur Caraale (Duur), ayaa sheegay in doorashadii ka dhacday Soomaaliya ay xukuumadda Raad ku lahayd si ay madaxtinimadda ugu usoo baxdo dad ay wada hadli karaan.

9/22/2012 10:31 AM EST
Sabti, September 22, 2012 (HOL) — Madaxweynaha Somaliland Md: Axmed Maxamed Maxamuud (Siillaanyo), ayaa tacsi u diray fanaankii weynaa ee Faysal Cumar Mushteeg oo shalay aas qaran loogu sameeyey magaaladda Hargeysa.

9/22/2012 10:25 AM EST
Sabti, September 22, 2012 (HOL) — Ciidamo ka socda dalka Jabuuti ee qeybta ka ah howlgalka midowgga Africa AMISOM kuna qalabeysan gadiidka dagaallka ayaa maanta gaaray magaalada Baladweyne ee xarunta gobollka Hiiraan.

9/22/2012 10:25 AM EST
Sabti, September 22, 2012 (HOL) — Madaxweynaha Soomaaliya, Xasan Sheekh Maxamuud ayaa Muqdisho kula kulmay maanta ergayga cusub ee Midowga Yurub ay u soo magcowday Soomaaliya, Michele Cervone D'Urso iyagoo kulankooda kaga hadlay arrimo ay ka mid yihiin dib u qaabeynta hay'adaha dowladda.

9/22/2012 10:21 AM EST
Sabti, September 22, 2012 (HOL) — Waxaa maanta dib xoriyadiisii u helay Bile Maxamuud Qabowsade oo ah siyaasi horay xilal kala duwan uga soo qabtay maamulka Puntland, kadib markii uu mudo 5-bilood ka badan ku jirey xabsiga weyn ee magaalada Boosaaso.

9/22/2012 10:12 AM EST
Sabti, September 22, 2012 (HOL) — Ergayga ururka Midowga Afrika ee arrimaha Soomaaliya, dajire Abuubakar Gaoussou Diarra ayaa sheegay inay ciqaabayaan askarigii ka tirsan ciidamada AMISOM ee lagu helo inuu dhibaato u geystay shacabka, isagoo ugu baaqay ciidamada kale ee Soomaaliya ku sugan in iyaguna aysan dhibaateyn shacabka.

9/22/2012 3:58 AM EST
Sabti, September 22, 2012 (HOL) — Xulka Kubada cagta Soomaaliya ee da’doodu ka yar tahay 17-ka sano ayaa jimcihii shalay xulka dhigooda ee Suudadn ka badiyay, kaddib markii ay dhexmartay ciyaar ciyaar ka tirsanayd is-reeb-reebka cayaaraha dhallinyarada qaarada Afrika taasoo ka dhacay magaalada Khartuum ee dalka Suudaan.

9/22/2012 3:34 AM EST
Sabti, September 22, 2012 (HOL) — Ciidamada dowladda Soomaaliya oo garab ka helaya kuwa AMISOM ayaa gaaray deegaanka Booroow oo 17-km koonfur kaga beegan degmada Jowhar ee xarunta gobolka Shabeellada dhexe, iyadoo gudaha degmadaas laga dareemayo dhaqdhaqaaqyo ciidan oo ay wadaan xoogagga Al-shabaab.

9/22/2012 3:18 AM EST
Sabti, September 22, 2012 (HOL) — Ugu yaraan laba qof oo shacab ah ayaa xalay lagu dilay degmada Boondheere ee gobolka Banaadir, iyadoo ciidamada booliiska ee ku sugan degmadaas ay sheegeen inay qabteen ruuxii dilka labada qof geystay.

9/22/2012 3:17 AM EST
Sabti, September 22, 2012 (HOL) — Todobo qof oo ay ku jiraan afar sarkaal oo ka tirsan ciidamada Kenya ee loo yaqaan GSU (General Service Unit) ayaa ku dhawacantay laba qarax oo ka dhacay magaalada Garissa ee gobolka waqooyi bari Kenya.