5/16/2022
Today from Hiiraan Online:  _
Wararka Maanta- Sabti, Sept 22, 2012
Qarax khasaare u geystay Ciidamada Kenya iyo dad shacab ah oo ka dhacay Degmada Gaarisa ee Gobolka Waqooyi-bari Kenya

Sabti, September 22, 2012 (HOL) — Todobo qof oo ay ku jiraan afar sarkaal oo ka tirsan ciidamada Kenya ee loo yaqaan GSU (General Service Unit) ayaa ku dhawacantay laba qarax oo ka dhacay magaalada Garissa ee gobolka waqooyi bari Kenya.

Qaraxyadan oo ahaa laba qarax ayaa waxa kii ugu horeeyay lala eegtay gaari lorry ah oo ay wateen saraakiisha xilli ay ku sugnaayeen afaafka hore ee isbitalka guud ee magaalada Garissa.

Qaraxa labaad ayaa isna ka dhacay isla goobta wax yar un kadib marki goobta shilka ka dhacay ay gaaren saraakiil iyo ciidamo katirsan kuwa booliska, waxaana labada qarax ay sababeen dhaawac sedex qof oo rayid ah iyo afar sarkaal oo katirsan ciidamada Kenya.

Halka uu qarax ka dhacay ayaa ahayd afaafka hore ee isbitalka Garissa wadada loo yaqaan "Kismayo Road", waxaana saraakiisha booliska Gaarisa ay qaraxaasi ku eedeeyeen Al-shabaab.

Taliyaha booliska Garissa Philip Tuimur oo warbaahinta la hadlay ayaa sheegay in aysan jirin cid ku dhimatay qaraxa, wuxuuna xusay in ilaa iyo haddan aysan jirin cid loo qabtay qaraxyadaasi.

"Waxaan ku mashquulsannayn baaritaanka qaraxa koobaad marka uu dhacayay kan labaad, nasiib ayaan leenahay hadii aan ka badbaadnay," sidaa waxa yiri taliyaha booliska oo warbaahinta la hadlayay.

Qaraxan ayaa ku soo beegmaya xilli booliska Kenya ay dhawaan gacanta ku dhigeen hub iyo walxaha qarxa oo ay wateen rag la sheegay in ay katirsanaayeen Al-shabaab oo ku sugnaa magaalada Nairobi ee caasimadda dalka Kenya.

Xasan Nuur, Hiiraan Online
[email protected]
Kismaayo, Soomaaliya













Click here
9/22/2012 1:47 PM EST
Sabti, September 22, 2012(HOL): Waxaa goor dhaweyd magaalada Muqdisho ee caasimadda dalka Soomaaliya lagu dilay xildhibaankii ugu horreysay oo ka tirsan Dowladda Soomaaliya, kaasi oo ay toogteen kooxo hubeysan.

9/22/2012 10:50 AM EST
Sabti, september 22, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay isbedelka ka dhacay dalka Soomaaliya ayaa lagu qabtay magaalada Stockholm ee caasimadda dalka Sweden.

9/22/2012 10:41 AM EST
Sabti, September 22, 2012 (HOL) — Wasiirka Arrimaha gudaha Somaliland, Md: Maxamed Nuur Caraale (Duur), ayaa sheegay in doorashadii ka dhacday Soomaaliya ay xukuumadda Raad ku lahayd si ay madaxtinimadda ugu usoo baxdo dad ay wada hadli karaan.

9/22/2012 10:31 AM EST
Sabti, September 22, 2012 (HOL) — Madaxweynaha Somaliland Md: Axmed Maxamed Maxamuud (Siillaanyo), ayaa tacsi u diray fanaankii weynaa ee Faysal Cumar Mushteeg oo shalay aas qaran loogu sameeyey magaaladda Hargeysa.

9/22/2012 10:25 AM EST
Sabti, September 22, 2012 (HOL) — Ciidamo ka socda dalka Jabuuti ee qeybta ka ah howlgalka midowgga Africa AMISOM kuna qalabeysan gadiidka dagaallka ayaa maanta gaaray magaalada Baladweyne ee xarunta gobollka Hiiraan.

9/22/2012 10:25 AM EST
Sabti, September 22, 2012 (HOL) — Madaxweynaha Soomaaliya, Xasan Sheekh Maxamuud ayaa Muqdisho kula kulmay maanta ergayga cusub ee Midowga Yurub ay u soo magcowday Soomaaliya, Michele Cervone D'Urso iyagoo kulankooda kaga hadlay arrimo ay ka mid yihiin dib u qaabeynta hay'adaha dowladda.

9/22/2012 10:21 AM EST
Sabti, September 22, 2012 (HOL) — Waxaa maanta dib xoriyadiisii u helay Bile Maxamuud Qabowsade oo ah siyaasi horay xilal kala duwan uga soo qabtay maamulka Puntland, kadib markii uu mudo 5-bilood ka badan ku jirey xabsiga weyn ee magaalada Boosaaso.

9/22/2012 10:12 AM EST
Sabti, September 22, 2012 (HOL) — Ergayga ururka Midowga Afrika ee arrimaha Soomaaliya, dajire Abuubakar Gaoussou Diarra ayaa sheegay inay ciqaabayaan askarigii ka tirsan ciidamada AMISOM ee lagu helo inuu dhibaato u geystay shacabka, isagoo ugu baaqay ciidamada kale ee Soomaaliya ku sugan in iyaguna aysan dhibaateyn shacabka.

9/22/2012 3:58 AM EST
Sabti, September 22, 2012 (HOL) — Xulka Kubada cagta Soomaaliya ee da’doodu ka yar tahay 17-ka sano ayaa jimcihii shalay xulka dhigooda ee Suudadn ka badiyay, kaddib markii ay dhexmartay ciyaar ciyaar ka tirsanayd is-reeb-reebka cayaaraha dhallinyarada qaarada Afrika taasoo ka dhacay magaalada Khartuum ee dalka Suudaan.

9/22/2012 3:34 AM EST
Sabti, September 22, 2012 (HOL) — Ciidamada dowladda Soomaaliya oo garab ka helaya kuwa AMISOM ayaa gaaray deegaanka Booroow oo 17-km koonfur kaga beegan degmada Jowhar ee xarunta gobolka Shabeellada dhexe, iyadoo gudaha degmadaas laga dareemayo dhaqdhaqaaqyo ciidan oo ay wadaan xoogagga Al-shabaab.

9/22/2012 3:18 AM EST
Sabti, September 22, 2012 (HOL) — Ugu yaraan laba qof oo shacab ah ayaa xalay lagu dilay degmada Boondheere ee gobolka Banaadir, iyadoo ciidamada booliiska ee ku sugan degmadaas ay sheegeen inay qabteen ruuxii dilka labada qof geystay.