11/29/2022
Today from Hiiraan Online:  _
Wararka Maanta- Sabti, Sept 22, 2012
Ergayga Midowga Afrika ee Somalia oo sheegay inay ciqaabayaan Askarigii AMISOM ka tirsan oo lagu helo inuu Shacab dhibaateeyay

Sabti, September 22, 2012 (HOL) — Ergayga ururka Midowga Afrika ee arrimaha Soomaaliya, dajire Abuubakar Gaoussou Diarra ayaa sheegay inay ciqaabayaan askarigii ka tirsan ciidamada AMISOM ee lagu helo inuu dhibaato u geystay shacabka, isagoo ugu baaqay ciidamada kale ee Soomaaliya ku sugan in iyaguna aysan dhibaateyn shacabka.

Danjire Diarra ayaa intaas ku daray in ciidamada AMISOM ay kula taliyeen inaysan dhibaatooyin u geysan shacabka, sidoo kalena ay yareeyaan dhibaatooyinka kasoo gaara shacabka howlgallada ay kawadaan gudaha Soomaaliya.

"Dhankeena, waxaa baari doonnaa warbixin kasta oo ku saabsan dhibaatooyin ay ciidamada AMISOM u geystaan shacabka, askarigii arrintaas lagu helana waxaan marsiin doonnaa ciqaab adag," ayuu danjire Diarra ku sheegay warsaxaafadeed uu soo saaray.

Sidoo kale, ergaygu wuxuu sheegay in AMISOM ay ku guuleysatay qorshaheeda ah inay yareyso dhibaatooyinka shacabka kasoo gaaraya howgallada ay nabadda kusoo celinayso, kuwaasoo ay qayb ka tahay inay dhisto guddi dabo-gal ku sameeya dhibaatooyinka shacabka loo geysto, guddigaasoo ay aqoosan yihiin golaha ammaanka ee Qaramada Midoobay iyo hay'adaha u dooda xaquuqda aadanaha.

"Waxaan kula talinaynaa ciidamada kale ee ku sugan Koonfurta Soomaaliya inay ku dadaalaan sidii ay u yareyn lahaayeen dhibaatooyin shacabka soo gaara," ayuu yiri ergayga Midowga Afrika ee Soomaaliya.

Danjire Abuubakar Diarra, ayaa muujiyay sida uu uga xun yahay dadka Kismaayo uga barakacaya cabsi ay ka qabaan dagaallo ka dhaca magaaladaas oo xarun u ah gobolka Jubbada Hoose.

"AMISOM waxay diyaar u tahay inay gargaarka bani'aadamnimo gaarsiiso dadka ku nool goobaha ay gacanta ku hayso," ayuu yiri danjire Abuubakar Diarra. Iyadoo ay ciidamada Midowga Afrika hadda gacanta ku hayaan dhul ay horay uga talin jirtay Al-shabaab.

Dajiruhu wuxuu sheegay in cidamada AMISOM ay qabaan tababar ku saabsan sida loo dhowro xuquuqda bani'aadamka, isagoo intaas ku daray inay ku dadaali doonaan in yareeyaan khasaaraha shacabka kasoo gaara goobaha colaadaha.

Ugu dambeyn, wuxuu sheegay in howsha AMISOM ay tahay in la xoojiyo ammaanka shacabka iyo in gargaarka bani'aadmanimo la gaarsiiyo goobaha laga saaray kooxda Al-shabaab ee xiriirka la leh Al-Qaacida.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/22/2012 1:47 PM EST
Sabti, September 22, 2012(HOL): Waxaa goor dhaweyd magaalada Muqdisho ee caasimadda dalka Soomaaliya lagu dilay xildhibaankii ugu horreysay oo ka tirsan Dowladda Soomaaliya, kaasi oo ay toogteen kooxo hubeysan.

9/22/2012 10:50 AM EST
Sabti, september 22, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay isbedelka ka dhacay dalka Soomaaliya ayaa lagu qabtay magaalada Stockholm ee caasimadda dalka Sweden.

9/22/2012 10:41 AM EST
Sabti, September 22, 2012 (HOL) — Wasiirka Arrimaha gudaha Somaliland, Md: Maxamed Nuur Caraale (Duur), ayaa sheegay in doorashadii ka dhacday Soomaaliya ay xukuumadda Raad ku lahayd si ay madaxtinimadda ugu usoo baxdo dad ay wada hadli karaan.

9/22/2012 10:31 AM EST
Sabti, September 22, 2012 (HOL) — Madaxweynaha Somaliland Md: Axmed Maxamed Maxamuud (Siillaanyo), ayaa tacsi u diray fanaankii weynaa ee Faysal Cumar Mushteeg oo shalay aas qaran loogu sameeyey magaaladda Hargeysa.

9/22/2012 10:25 AM EST
Sabti, September 22, 2012 (HOL) — Ciidamo ka socda dalka Jabuuti ee qeybta ka ah howlgalka midowgga Africa AMISOM kuna qalabeysan gadiidka dagaallka ayaa maanta gaaray magaalada Baladweyne ee xarunta gobollka Hiiraan.

9/22/2012 10:25 AM EST
Sabti, September 22, 2012 (HOL) — Madaxweynaha Soomaaliya, Xasan Sheekh Maxamuud ayaa Muqdisho kula kulmay maanta ergayga cusub ee Midowga Yurub ay u soo magcowday Soomaaliya, Michele Cervone D'Urso iyagoo kulankooda kaga hadlay arrimo ay ka mid yihiin dib u qaabeynta hay'adaha dowladda.

9/22/2012 10:21 AM EST
Sabti, September 22, 2012 (HOL) — Waxaa maanta dib xoriyadiisii u helay Bile Maxamuud Qabowsade oo ah siyaasi horay xilal kala duwan uga soo qabtay maamulka Puntland, kadib markii uu mudo 5-bilood ka badan ku jirey xabsiga weyn ee magaalada Boosaaso.

9/22/2012 3:58 AM EST
Sabti, September 22, 2012 (HOL) — Xulka Kubada cagta Soomaaliya ee da’doodu ka yar tahay 17-ka sano ayaa jimcihii shalay xulka dhigooda ee Suudadn ka badiyay, kaddib markii ay dhexmartay ciyaar ciyaar ka tirsanayd is-reeb-reebka cayaaraha dhallinyarada qaarada Afrika taasoo ka dhacay magaalada Khartuum ee dalka Suudaan.

9/22/2012 3:34 AM EST
Sabti, September 22, 2012 (HOL) — Ciidamada dowladda Soomaaliya oo garab ka helaya kuwa AMISOM ayaa gaaray deegaanka Booroow oo 17-km koonfur kaga beegan degmada Jowhar ee xarunta gobolka Shabeellada dhexe, iyadoo gudaha degmadaas laga dareemayo dhaqdhaqaaqyo ciidan oo ay wadaan xoogagga Al-shabaab.

9/22/2012 3:18 AM EST
Sabti, September 22, 2012 (HOL) — Ugu yaraan laba qof oo shacab ah ayaa xalay lagu dilay degmada Boondheere ee gobolka Banaadir, iyadoo ciidamada booliiska ee ku sugan degmadaas ay sheegeen inay qabteen ruuxii dilka labada qof geystay.

9/22/2012 3:17 AM EST
Sabti, September 22, 2012 (HOL) — Todobo qof oo ay ku jiraan afar sarkaal oo ka tirsan ciidamada Kenya ee loo yaqaan GSU (General Service Unit) ayaa ku dhawacantay laba qarax oo ka dhacay magaalada Garissa ee gobolka waqooyi bari Kenya.