8/14/2022
Today from Hiiraan Online:  _
Wararka Maanta- Sabti, Sept 22, 2012
Dilal Qorsheysa oo xalay ka dhacay Muqdisho iyo Qarax lala beegsaday mid ka mid ah Gaadiid ay wateen ciidamada AMSIOM

Sabti, September 22, 2012 (HOL) — Ugu yaraan laba qof oo shacab ah ayaa xalay lagu dilay degmada Boondheere ee gobolka Banaadir, iyadoo ciidamada booliiska ee ku sugan degmadaas ay sheegeen inay qabteen ruuxii dilka labada qof geystay.

Taliyaha saldhigga booliiska degmada Boondheere, Col. Bashiir Xasan Xalfooy oo la hadlay warbaahinta saakay ayaa sheegay inay gacanta kusoo dhigeen ruuxii dilka geystay, kaddib baaritaanno ay ciidamada dowladdu isla xalay sameeyeen.

"Laba qof ayaa la dilay, waxaana qofka dilay oo ay ciidamadu qabteen uu ahaa nin hubeysan, mana filayno inuu ka mid ahaa Al-shabaab ee waxaan u haysannaa inuu ahaa mooryaan," ayuu yiri Col. Xalfooy.

Goobjoogayaal ku sugan degmada Boondheere ayaa sheegay in labada qof ee la dilay uu midkood ahaa askari ka tirsan ciidamada dowladda oo aan xilligaas labisnayn, iyadoo dilalkan ay walaac xooggan ku abuureen dadka degmadaas ku nool.

Maalmihii ugu dambeeyay waxaa magaalada Muqdisho ka dhacay Qaraxyo ay rag ismiidaamiyay fuliyeen iyo dilal qorsheysan oo mid ka mid ah lagu dilay wariye ka tirsan kuwa ka howlgala magaalada Muqdisho.

Iyadoo ay falalkan ammaan-darro ka jiraan Muqdisho ayaa maamulka gobolka Banaadir wuxuu sheegay inay wax badan ka qaban doonaan ammaanka, iyagoo ku eedeeyay falalkan ammaanka wax loogu dhimayo inay ka dambeeyaan Al-shabaab weli ku harsan gudaha Muqdisho.

Dhanka kale, gaadiid ay wateen ciidamada AMISOM ayaa gallinkii dambe ee dhalay qarax weyn lagula beegsaday degmada Wardhiigley gaar ahaan agagaarka iskuulka 15 May oo ku dhow madaxtooyada Soomaaliya, iyadoo mid ka mid ah gaadiidkii AMISOM uu burbur xooggan kasoo gaaray qaraxaas.

Taliska AMISOM ayaan weli ka hadlin qaraxa lagu weeraray gaadiidka ay wateen ciidamadooda iyo khasaaraha kasoo gaaray, iyadoo ciidamada AMISOM ay tan iyo shalay ku sugnaayeen halkii qaraxyada lagula beegsaday.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/22/2012 1:47 PM EST
Sabti, September 22, 2012(HOL): Waxaa goor dhaweyd magaalada Muqdisho ee caasimadda dalka Soomaaliya lagu dilay xildhibaankii ugu horreysay oo ka tirsan Dowladda Soomaaliya, kaasi oo ay toogteen kooxo hubeysan.

9/22/2012 10:50 AM EST
Sabti, september 22, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay isbedelka ka dhacay dalka Soomaaliya ayaa lagu qabtay magaalada Stockholm ee caasimadda dalka Sweden.

9/22/2012 10:41 AM EST
Sabti, September 22, 2012 (HOL) — Wasiirka Arrimaha gudaha Somaliland, Md: Maxamed Nuur Caraale (Duur), ayaa sheegay in doorashadii ka dhacday Soomaaliya ay xukuumadda Raad ku lahayd si ay madaxtinimadda ugu usoo baxdo dad ay wada hadli karaan.

9/22/2012 10:31 AM EST
Sabti, September 22, 2012 (HOL) — Madaxweynaha Somaliland Md: Axmed Maxamed Maxamuud (Siillaanyo), ayaa tacsi u diray fanaankii weynaa ee Faysal Cumar Mushteeg oo shalay aas qaran loogu sameeyey magaaladda Hargeysa.

9/22/2012 10:25 AM EST
Sabti, September 22, 2012 (HOL) — Ciidamo ka socda dalka Jabuuti ee qeybta ka ah howlgalka midowgga Africa AMISOM kuna qalabeysan gadiidka dagaallka ayaa maanta gaaray magaalada Baladweyne ee xarunta gobollka Hiiraan.

9/22/2012 10:25 AM EST
Sabti, September 22, 2012 (HOL) — Madaxweynaha Soomaaliya, Xasan Sheekh Maxamuud ayaa Muqdisho kula kulmay maanta ergayga cusub ee Midowga Yurub ay u soo magcowday Soomaaliya, Michele Cervone D'Urso iyagoo kulankooda kaga hadlay arrimo ay ka mid yihiin dib u qaabeynta hay'adaha dowladda.

9/22/2012 10:21 AM EST
Sabti, September 22, 2012 (HOL) — Waxaa maanta dib xoriyadiisii u helay Bile Maxamuud Qabowsade oo ah siyaasi horay xilal kala duwan uga soo qabtay maamulka Puntland, kadib markii uu mudo 5-bilood ka badan ku jirey xabsiga weyn ee magaalada Boosaaso.

9/22/2012 10:12 AM EST
Sabti, September 22, 2012 (HOL) — Ergayga ururka Midowga Afrika ee arrimaha Soomaaliya, dajire Abuubakar Gaoussou Diarra ayaa sheegay inay ciqaabayaan askarigii ka tirsan ciidamada AMISOM ee lagu helo inuu dhibaato u geystay shacabka, isagoo ugu baaqay ciidamada kale ee Soomaaliya ku sugan in iyaguna aysan dhibaateyn shacabka.

9/22/2012 3:58 AM EST
Sabti, September 22, 2012 (HOL) — Xulka Kubada cagta Soomaaliya ee da’doodu ka yar tahay 17-ka sano ayaa jimcihii shalay xulka dhigooda ee Suudadn ka badiyay, kaddib markii ay dhexmartay ciyaar ciyaar ka tirsanayd is-reeb-reebka cayaaraha dhallinyarada qaarada Afrika taasoo ka dhacay magaalada Khartuum ee dalka Suudaan.

9/22/2012 3:34 AM EST
Sabti, September 22, 2012 (HOL) — Ciidamada dowladda Soomaaliya oo garab ka helaya kuwa AMISOM ayaa gaaray deegaanka Booroow oo 17-km koonfur kaga beegan degmada Jowhar ee xarunta gobolka Shabeellada dhexe, iyadoo gudaha degmadaas laga dareemayo dhaqdhaqaaqyo ciidan oo ay wadaan xoogagga Al-shabaab.

9/22/2012 3:17 AM EST
Sabti, September 22, 2012 (HOL) — Todobo qof oo ay ku jiraan afar sarkaal oo ka tirsan ciidamada Kenya ee loo yaqaan GSU (General Service Unit) ayaa ku dhawacantay laba qarax oo ka dhacay magaalada Garissa ee gobolka waqooyi bari Kenya.