8/8/2022
Today from Hiiraan Online:  _
Wararka Maanta- Arbaco, Oct 24, 2012
Wasiirradda Maaliyadda iyo Kalluumaysiga iyo Taliyaha Xeebaha oo ka warbixiyey safar shaqo oo ay ku tageen gobolladda Bariga Somaliland


Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

 

 Wasiirka Kalluumaysiga iyo Khayraadka Badda Cabdilaahi Cismaan Geeljire, ayaa sheegay magaalooyinkaasi ay mareen iyo tuulooyinka ku dherernaa ay dhibaato ka haysato adeegii bulshadda, kuwaas oo loo baahan yahay in laga caawiyo, waxa kale oo uu xusay in mudadii toddobadda cisho ahaa ee ay gobolada Saaxil, Togdheer, Sool iyo sanaag ay mariyeen ay bulshadad ku dhaqan kulamo la yeesheen, isla markana warbixino kala qaateen.

 

Wasiirka Maaliyadda Cabdicasiis Samaale, ayaa isna sheegay deegaanadaasi ay mareen ay iskugu jireen barwaaqo iyo abaaarba, isla markaana gobolka Sanaag loo baahan yahay sidii looga faa’iidaysan lahaa khayraadkiisa,maadaama oo gobolkaasi isku darsaday baddii iyo barrigii, isla markaana gobol barwaaqo yahay.

 


Wasiirku waxa kale, oo uu sheegay in ku tallogalkii dakhliga laga filayey gobolada Bariga mid ka badan oo aanay filayn ka soo xarootay, kaas oo sanadaha dambe lagu darsan doono qorshayaasha dakhli ururinta ee dalka. Waxaanu sheegay guud ahaan dalka oo dhan inuu kordhay ku tallogalkii dakhliga laga rabay wax ka badan soo baxay, taas oo uu sheegay inuu ilaahay u fududeeyey, isla markaana goobihii kastamada ee ay marayeen dakhli korodh badan ku arkayeen.

 

Sidoo kale, waxa uu tilmaamay in sayladda xoolaha ee magaaladda Burco ay ku arkeen boqol kun oo neef oo xoollo ah oo laga iibsanayo, kaas oo saylada ka dhigtay mid camiran, iyadoo intii ay jidka marayeen ay jidka ku dhaafayeen gaadiid faro badan oo xoolo uun sida una socda Berbera.

 

“waxa ay  safarkayaga ay ujeedadiisu ahayd inaanu ogaano xaqiiqada dhabta ah ee deeganadaasi ka jirta khayraadka yaala sidii looga faa’iidaysan karo iyo baahida halkaasi jirta waxa aynu ka qaban karno, sida dakhliga dalku kor ugu kici lahaa nolosha dadkaana aanu u ogaan lahayn, waxaanu soo aragnay deegaano iyo xeebo u baahan in wax laga yagleelo, kuwaasi oo dad yari ay degan yihiin khayraad badana leh”ayuu yidhi wasiirka Maaliyadda Mr:Samaale.

 


Taliyaha Ciidamadda ilaaladda Xeebaha Somaliland Axmed Sh. Cismaan ayaa sheegay in ciidanka ilaalinta xeebaha ay mar walba heegan ku jiraan, isla markaana ay ka hawlgalaan xeeb aad u balaadhan oo loo baahan yahay in mar walba la foojignaaddo, waxaanu sheegay in dhamaan xeebaha oo dhan ay ka hawlgalaan, isla markaana hawl aad u culus hayaan, kuwaas oo inta badan gaadh ka haya doonyaha sharci darada ah ee xeebaha Somaliland ka kalluumaysta iyo budhcad badeedda.

 

Barkhad-Ladiif  M. Cumar, Hiiraan Online 

[email protected]

Hargeysa, Somaliland













Click here
10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:33 AM EST
Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 10:02 AM EST
Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

10/24/2012 4:23 AM EST
Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhigga.

10/24/2012 3:15 AM EST
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.

10/24/2012 3:03 AM EST
Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye Axmed Saakin Faarax oo u shaqeyn jiray TV-ga Universal.