3/28/2024
Today from Hiiraan Online:  _
Wararka Maanta- Arbaco, Oct 24, 2012
Saraakiisha Jabuuti ee qeybta ka ah AMISOM oo sheegay inay ka shaqeynayaan sidii lagu adkeyn lahaa Ammaanka Baladweyne

Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

Col. Cismaan Dubad oo ah taliyaha ciidamada Jabuuti ayaa sheegay in iyaga oo kaashanaya ciidamada maamulka gobollka Hiiraan iyo kuwa dowladda Itoobiya wax badan ka qaban doonaan nabad-galyada oo sida uu hadalka u dhigay xiliganba ah mid hagaagsan.

"Qorshaha howlgalkeena ayaaba ah mid salka ku haya sugida amniga, sidaa daraadeed wax badan ayaa laga qabanayaa nabad-galyada magaalada Baladweyne, horayna waa looga qabtay oo hadda amaanka waxaa la oran karaa waa mid hagaagsan ayuuy yiri,’’ Col Cismaan Dubad.

Waxaa uu intaa ku darray in subax kasta aroor hore laga sameeyo magaalada howlgalo nabad-galyada lagu xaqiijinayo simarkaa meesha looga saaro wax yeelo dadka rayidka ah ka soo gaartay walxaha qaraxa oo ay ku aasaan magaalada kooxaha cadawgga oo uu ula jeedo Al-shabaab.

"Subax kasta ciidamadu waxaa ay ku dhaqaaqaan howlgalo miino baaris ah, mudadaa uu howlgalku socdo waxaa laga yabaa in hakad la galiyo isku socodka dadka, sidaa daraadeed micnuhu ma’aha in magaaladu Bandow ku jirto ayuu yiri,’’ Col Cismaan Dubad.

Waxaa uu ku amaanay ciidamada dowladda Itoobiya ee jooga magaalada Baladweyne sida ay xoogga u saarayaan waxa ka qabashada amniga, isaga oo sheegay in dadka ku dhaqan magaalada Baladweyne sida uu hadalka u dhigay faa’iido badan ku qabaan ciidamada.

Dhawaan ayeey aheyd markii ay kulan ku yeesheen magaalada Baladweyne saraakiisha ciidamada Jabuuti iyo odayaasha dhaqanka beelaha ku dhaqan gobollka Hiiraan, iyaga oo isla soo qaaday wax ka qabashada nabad-galyada.

Jabuuti waxaa hadda ka jooga magaalada Baladweyne boqolaal ciidamo ah oo qeyb ka ah howlgalka midowgga Africa ee AMISOM kuwaasoo fariisimo ku leh hareeraha magaalada.

C/raxmaan Diini, Hiiraan Online
[email protected]
Baladweyne, Soomaaliya













Click here
10/24/2012 10:53 AM EST
Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:33 AM EST
Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 4:23 AM EST
Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhigga.

10/24/2012 3:15 AM EST
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.

10/24/2012 3:03 AM EST
Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye Axmed Saakin Faarax oo u shaqeyn jiray TV-ga Universal.