8/8/2022
Today from Hiiraan Online:  _
Wararka Maanta- Arbaco, Oct 24, 2012
Kooxo hubeysan oo xalay toogasho ku dilay wariyihii Telefishinka Universal uga soo warrami jiray Magaalada Laascaanood

Arbaco, Oktoobar 24, 2012 (HOL) — Kooxo baastoolado ku hubeysan oo aan heybtooda la aqoon ayaa xalay fiidkii toogasho ku dilay Allaha u naxariistee Wariye  Axmed Saakin Faarax oo u shaqeyn jiray TV-ga Universal.

Wararka aynu ka heleyno magaalada Laascaanood ayaa sheegaya in laba nin oo baastoolad ku hubeysan ay wariye Axmed Saakin toogteen xilli uu kasii baxayay gurigiisa.

Goobjooge ku sugan magaalada Laascaanood ayaa HOL u sheegay in niman hubeysan ay wariyaha soo weerareen xilli uu ku sugnaa banaanka kore ee gurigiisa, wuxuuna sheegay in ay dhowr xabadood madaxa kala dhaceen.

Dilka wariyaha kadib ayaa waxa goobta soo gaaray ciidamada ammaanka maamulka Soomaaliland, wallow kooxihii dilka geeystay aan lagu guuleysan in gacanta lagu dhigo.

Allaha u naxariistee Wariye Axmed Saakin Faarax ayaa dhawaan waxa xabsiga u taxaabay ciidamada ammaanka maamulka Somaliland, iyadoona wariyaha loo heystay war uu tabiyay oo ku saabsanaa taageero ay qaar kamid dadka deegaanka u muujiyeen ra’iisul wasaaraha cusub ee Soomaaliya Dr. Cabdi Faarax Shirdoon (Saacid).

Dilalka loo geysanayo saxafiyiinta ayaa mudooyinkii u danbeeyay ahaa kuwa isa soo tarayo, waxaana xusid mudan in aalaaba aan lagu guuleysan in gacanta lagu dhigo kooxaha sida dhuumaaleeysiga ah u dila saxafiyiinta ka howgasha gudaha dalka Soomaaliya.

 Hiiraan Online News Desk













Click here
10/24/2012 10:53 AM EST
Arbaco, October, 24, 2012 (HOL)- wasiiradda wasaaradaha Kalluumaysiga, wasiirka Maaliyadda iyo Taliyaha Xeebaha Somaliland oo safar shaqo ku gaallaa bixiyey gobolladda bariga Somaliland, ayaa ka warbixiyey ujeedadda safarkooda, kuwaas oo sheegay inay wadeen dakhli ururin balaadhan iyo horumarinta deegaanaddaasi sidii wax loola qaban lahaa.

10/24/2012 10:44 AM EST
Arbaco, Oktoobar 24, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay dowladda Soomaaliya ku shaqeynayso saddexda bilood ee sannadkan ka harsan oo ay ku jirto bishan Oktoobar.

10/24/2012 10:33 AM EST
Arbaco, Oktoobar 24, 2012 (HOL) — Kulan looga hadlayay sidii ururrrada bulshada rayidka ah ee Soomaaliyeed ay uga qaybqaadan lahaayeen xaslinta dalka ayaa maanta ku dhexmaray Muqdisho saraakiishii hore ee ciidamada milateriga Soomaaliya ee dajiyay qorshaha xasilinta dalka iyo ururrada bulshada rayidka ah ee Soomaaliya.

10/24/2012 10:12 AM EST
Arbaco, Oktoobar 24, 2012 (HOL) — Ciidamada dowladda Soomaaliya iyo kuwa AMISOM ayaa maanta soo bandhigay hub ay sheegeen inay kasoo heleen kayd ay Al-shabaab ku lahayd gobolka Shabeellada hoose.

10/24/2012 10:04 AM EST
Arbaco, Oktoobar 24, 2012 (HOL) — Taangiga Kaydka shiidaalka warshadda Laydhka ee magaaladda Berbera, ayaa saaka dab aan la garan waxa dhaliyey ka kacay, kaas oo hawada isku shareeray ololka iyo qiiqa, muddo ka dibna lagu guulaystay in la bakhtiiyo dabkaasi.

10/24/2012 10:02 AM EST
Arbaco, Oktoobar 24, 2012 (HOL) — Saraakiisha ciidamada Jabuuti ee qeybta ka ah howlgalka midowgga Africa ee AMISOM ayaa sheegay in ay ka shaqeynayaan nabad-galyada magaalada Baladweyne ee xarunta gobolka Hiiraan.

10/24/2012 4:23 AM EST
Arbaco, Oktoobar 24, 2012 (HOL) —Weerar Bambaano ah ayaa xalay lagu qaaday Saldhigga dhexe ee magaalada Kismaayo, iyadoona kooxaha weerarka fuliyay ay ilaa dhowr bambaano ku tureen gudaha iyo afaafka hore ee saldhigga.

10/24/2012 3:15 AM EST
Arbaco, Oktoobar 24, 2012 (HOL) — AMISOM ayaa sheegtay 72 dagaalyahan oo ka tirsan Al-shabaab ay ku qabteen baaritaanno ay ka sameeyeen degmada Kismaayo ee xarunta gobolka Jubbada Hoose, kuwaasoo ay ku jirtay haweeney hoggaamiye ah.

10/24/2012 3:13 AM EST
Arbaco, Oktoobar 24, 2012 (HOL) — Mudanayaasha baarlaamanka Soomaaliya ayaa maanta mar kale ka doodaya miisaaniyadda ay dowladda Soomaaliya ku shaqeynayso saddexda bilood ee soo socota, taasoo ka doodisteeda dib loo dhigay toddobaadkii hore.