3/28/2024
Today from Hiiraan Online:  _
Wararka Maanta- Talaado, Oct 23, 2012
Dagaallo ka Dhacay Nawaaxiga Deegaanka Kulbiyow ee Gobolka Jubbada Hoose

Talaado, Oktoobar 23, 2012 (HOL) —Dagaallo la isku adeegsaday hubka noocyadiisa kala duwan iyo madaafiic ayaa xalay saqdii dhexe ka dhacay wadada isku xirta degmada Badhaadhe iyo Deegaanka Kulbiyow ee gobolka Jubada hoose.

Dagaalka oo u dhexeeyay ciidamada dowladda, kuwa Kenya iyo Al-shabaab ayaa ku bilowday kadib markii dagaalyahanno katirsan Al-shabaab ay jidka u galeen kolonyo ciidamada dowladda iyo kuwa Kenya oo kasoo ambabaxay deegaanka Kulbiyow islamarkaasina kusii jeeday degmada Badhaadhe, wuxuuna markii danbe isu badalay dagaal toos ah oo dhexmaray labada dhinac.

Goobjoogayaal ku sugan degmada Badhaadhe ayaa HOL u xaqiijiyay in dagaalka ay qeyb ka ahaayeen diyaarado nooca Helicopterska loo yaqaan oo ay leedahay dowladda Kenya, kuwaasoo duqeymo culus u geystay dagaalyahannadii Al-shabaab ee weerarka soo qaaday.

Ilaa imika ma cadda khasaaraha rasmiga ah ee ka dhashay dagaalkaasi, mana jiraan masuuliyiin katirsan labada dhinac oo faahfaahin ka bixiyay dagaalka nawaaxiga Kulbiyow ku dhexmaray ciidamada huwanta ah iyo Al-shabaab.

Xarakada Al-shabaab ayaa tan iyo intii ay shaacisay in dagaalkooda ay u badaleen mid ku-dhufoo-ka-dhaqaaq ah waxa isa soo tarayay weerarrada dhabagalka ah ee ay la beegsanayaan ciidamada dowladda iyo kuwa AMISOM ee ku sugan qeybo katirsan gobollada dalka Soomaaliya.

Dagaalkani ka dhacay nawaaxiga deegaanka Kulbiyow ayaa kusoo beegmaya xilli maalin kahor ay xoogagga Al-shabaab weerarro madaafiic ah ku qaadeen Degmada Afmadow oo ay gacanta ku hayaan ciidamada dowladda, kuwa Raaskaambooni iyo Militariga Kenya.

Xasan Nuur, Hiiraan Online
[email protected]
Kismayo, Soomaaliya













Click here
10/23/2012 10:36 AM EST
Talaado, October, 23, 2012 (HOL)- Shirkadda Agabka guryaha iyo xafiisyadda ee AL-NUUR, ayaa 480 caruurta agoomaha ah ee ku jira xarunta agoomaha ee magaaladda Hargeysa ugu deeqay dharkii iyo kabihii ay ku ciiddi lahaayeen, iyadoo sanad kasta iska xil saartay inay labadda Ciidood ee islaamka kafaalo qaado ka farxinta caruurtaasi iyo guud ahaan agabkii ay ku ciyaari lahaayeen.

10/23/2012 8:51 AM EST
Talaado, Oktoobar 23, 2012 (HOL) — Maxkamadda darajada koowaad ee Puntland oo ku taalla magaalada Garoowe ee xarunta Puntland ayaa maanta oo Talaado ah xukun dil toogasho ah ku ridday nin u dhashay dalka Yemen oo lagu eedeeyay inuu doonayay inuu hub sharci-darro ah kasoo dajiyay deegaan ka tirsan gobolka Bari.

10/23/2012 8:12 AM EST
Talaado, Oktoobar 23, 2012 (HOL) — Dagaal culus ayaa ciidamada dowlada Somalia iyo xoogag taabacsan Al-shabaab ku dhexmaray maanta duleedka degmada Baydhabo ee xaruta gobolka Bay, kaasoo ay ku dhinteen inta la ogyahay shan ka mid ah dhinacyadii dagaalamay.

10/23/2012 7:50 AM EST
Talaado, Oktoobar 23, 2012 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wafdi uu hoggaaminayo wasiirka arrimaha dibadda ee Talyaaniga, Giulio Terzi.

10/23/2012 7:11 AM EST
Talaado, Oktoobar 23, 2012 (HOL) — Hoggaanka dambi-baarista booliiska Somalia ayaa maanta kusoo bandhigay Muqdisho laba wiil iyo gabar la sheegay inay ka mid ahaayeen Al-shabaab, iyadoo labada wiil la sheegay inay dilal ka geysteen Muqdisho iyo Baydhabo.

10/23/2012 3:32 AM EST
Talaado, Oktoobar 23, 2012 (HOL) — Dowladda Uganda ayaa sheegtay in afar ka mid ah ciidamadeeda ku sugan Soomaaliya ee qaybta ka ah AMISOM lagu dilay dagaal Khamiistii lasoo dhaafay ka dhacay duleedka garoonka diyaaradaha ee Balli-doogle oo 100-km dhinaca galbeed kaga beegan Muqdisho.

10/23/2012 3:19 AM EST
Talaado, Oktoobar 23, 2012 (HOL) — Xarakada Al-shabaab ee Soomaaliya ayaa ku hanjabtay inay qaraxyo ka geysanayso dalka Britain, kuwaasoo ay sheegeen inay jawaab u noqonayaan dagaalka ay kula jirto Islaamka iyo gacan gelintii ay u gacan-gelisay Abuu-Xamsa dowladda Mareykanka.