3/29/2024
Today from Hiiraan Online:  _
Wararka Maanta- Talaado, Oct 23, 2012
Dagaal khasaare nafeed geystay oo ciidamada dowladda Soomaaliya iyo Al-shabaab ku dhexmarya duleedka Baydhabo
Talaado, Oktoobar 23, 2012 (HOL) — Dagaal culus ayaa ciidamada dowlada Somalia iyo xoogag taabacsan Al-shabaab ku dhexmaray maanta duleedka degmada Baydhabo ee xaruta gobolka Bay, kaasoo ay ku dhinteen inta la ogyahay shan ka mid ah dhinacyadii dagaalamay.
 
Dagaalkan oo ahaa mid ay labada dhinac isku adeegsadeen hubka fudud iyo midka culus ayaa wuxuu qarxay kaddib markii xoogag taabacsan Al-shabaab ay weerar gaadmo ah ku qaadeen saldhig ay ciidamada dowladda ku sugnaayeen oo dhianca garoonka diyaaradaha ka xiga magaalada Baydhabo.

"Waa jirtaa in xoogag Al-shabaab taabacsan ay maanta soo weerareen saldhig ay ciidamada dowladdu ku lahaayeen duleedka Baydhabo, balse ma sheegi karno hadda khasaaraha ka dhashay dagaalka, waayo howgallo ayaa socda," ayuu yiri sarkaal ka tirsan ciidamada dowaldda Soomaaliya ee Baydhabo ku sugan oo saxaafadda la hadlay.

Goobjoogayaal ku sugan halka uu dagaalku ka dhacay ayaa sheegay inay arkeen maydadka shan ka mid ah dhinacyadii dagaalamay, balse aysan jirin wax khasaare ah oo kasoo gaaray dadka shacabka ah dagaalka.

Isbitaalka Baydhabo ayaa la dhigay dhaawacyo ka mid ah askartii dowladda ee ku dhaawacmay dagaalka, waxaana saldhiggii lagu dagaalamay weli gacanta ku haya ciidamada dowladda Soomaaliya.

Xarakada Al-shabaab ayaa iyadu ka hadlin dagaalka iyo khasaaraha ka dhashay, iyadoo dagaalkan uu qayb ka noqonayo dagaallo ka dhacayay gudaha iyo daafaha magaalada Baydhabo tan iyo bishii Feberaayo ee sannadkan markaasoo Al-shabaab laga qabsaday degmadaas.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/23/2012 10:36 AM EST
Talaado, October, 23, 2012 (HOL)- Shirkadda Agabka guryaha iyo xafiisyadda ee AL-NUUR, ayaa 480 caruurta agoomaha ah ee ku jira xarunta agoomaha ee magaaladda Hargeysa ugu deeqay dharkii iyo kabihii ay ku ciiddi lahaayeen, iyadoo sanad kasta iska xil saartay inay labadda Ciidood ee islaamka kafaalo qaado ka farxinta caruurtaasi iyo guud ahaan agabkii ay ku ciyaari lahaayeen.

10/23/2012 8:51 AM EST
Talaado, Oktoobar 23, 2012 (HOL) — Maxkamadda darajada koowaad ee Puntland oo ku taalla magaalada Garoowe ee xarunta Puntland ayaa maanta oo Talaado ah xukun dil toogasho ah ku ridday nin u dhashay dalka Yemen oo lagu eedeeyay inuu doonayay inuu hub sharci-darro ah kasoo dajiyay deegaan ka tirsan gobolka Bari.

10/23/2012 7:50 AM EST
Talaado, Oktoobar 23, 2012 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wafdi uu hoggaaminayo wasiirka arrimaha dibadda ee Talyaaniga, Giulio Terzi.

10/23/2012 7:11 AM EST
Talaado, Oktoobar 23, 2012 (HOL) — Hoggaanka dambi-baarista booliiska Somalia ayaa maanta kusoo bandhigay Muqdisho laba wiil iyo gabar la sheegay inay ka mid ahaayeen Al-shabaab, iyadoo labada wiil la sheegay inay dilal ka geysteen Muqdisho iyo Baydhabo.

10/23/2012 3:58 AM EST
Talaado, Oktoobar 23, 2012 (HOL) —Dagaallo la isku adeegsaday hubka noocyadiisa kala duwan iyo madaafiic ayaa ka dhacay wadada isku xirta degmada Badhaadhe iyo Deegaanka Kulbiyow ee gobolka Jubada hoose.

10/23/2012 3:32 AM EST
Talaado, Oktoobar 23, 2012 (HOL) — Dowladda Uganda ayaa sheegtay in afar ka mid ah ciidamadeeda ku sugan Soomaaliya ee qaybta ka ah AMISOM lagu dilay dagaal Khamiistii lasoo dhaafay ka dhacay duleedka garoonka diyaaradaha ee Balli-doogle oo 100-km dhinaca galbeed kaga beegan Muqdisho.

10/23/2012 3:19 AM EST
Talaado, Oktoobar 23, 2012 (HOL) — Xarakada Al-shabaab ee Soomaaliya ayaa ku hanjabtay inay qaraxyo ka geysanayso dalka Britain, kuwaasoo ay sheegeen inay jawaab u noqonayaan dagaalka ay kula jirto Islaamka iyo gacan gelintii ay u gacan-gelisay Abuu-Xamsa dowladda Mareykanka.