3/19/2024
Today from Hiiraan Online:  _
Wararka Maanta- Arbaco, Oct 17, 2012
Iskahorimaad khasaare geystay oo Ciidanka Booliiska Kenya iyo Xoogag Al-shabaab Taabacsan ku dhexmaray Magaalada Mombasa

Arbaco, Oktoobar 17, 2012 (HOL) — Ugu yaraan afar qof oo uu ku jiro sarkaal sare oo ka tirsan booliiska sida milateriga u tababaran ee Kenya ayaa ku dhintay, sagaal kalena way ku dhaawacmeen kaddib iskahorimaad gallinkii dambe xalay oo Arbaco ahayd ku dhexmaray magaalada Mombasa ciidamada Kenya iyo xoogag taabacsan Al-shabaab.

Saddex ka mid ah dadka lagu dilay weerarka ayaa waxay ka mid ahaayeen koox ku sugnaa guri ay ciidamada dowladdu doonayeen inay baaraan, kaasoo la sheegay in ciidamada uu bartilmaameed ku ahaa, balse ciidamada lagu weeraray bambooyinka gacanta.

"Ciidanka booliiska oo doonayay inay baartaan guri laga shakisnaa ayaa waxaa lagu weeraray bambooyin iyo rasaasta ka dhacda qoryaha fudud, waxaa ku dhintay hal sarkaal sagaal kalena waxaa lagu daweynayaa isbitaalka, afar ka mid ah saraakiisha waxay qabaan dhaawacyo halis ah," ayuu yiri taliyaha booliiska Mombasa Aggrey Adoli oo saxaafadda la hadlay markii uu dagaalku dhacay.

Taliyaha booliiska Mombasa wuxuu intaas ku daray in ciidamadu ay toogeen saddex ka mid ah kooxihii weerarka bambaano soo qaaday tiro kalena ay qabqabteen, isagoo intaas ku daray in kooxahan oo Kenyan ah ay xiriir toos ah la leeyihiin Al-shabaab.

"Gurigii tuhunka laga qabay waxaa laga soo helay hub ay ka mid yihiin bastoolad, qori AK-47 ah iyo rasaas fara badan," ayuu yiri Adoli oo sheegay in guriga uu ku yaallo xaafadda Likoni ee magaalo xeebeedda Kenya ee Mombasa.

Sidoo kale, taliyuhu wuxuu sheegay in afar ka mid ah inay socdaan howgallo lagu raadinayo kooxo kale oo xiriir la leh kuwa dagaalka la galay booliiska Kenya, isagoo xusay inay ku rajo weyn yihiin inay qabqabtaan dhammaan rabshaddan ku lugta leh.

Mwagomba Juma oo ah hoggaamiyaha urur dhallinyaro oo deggen Mombasa ayaa sheegay inuu maqlay laba qarax oo waaweyn iyo rasaas fudud oo u muuqatay inay ahayd mid ay laba ciidan isku adeegsanayeen xalay gallinkii dambe.

Deegaankii uu iskahorimaadku ka dhacay ayaa waxaa la dhoobay ciidammo fara badan oo Kenyan ah, kuwaasoo isku dayayay illaa saakay aroortii inay xaaladda dejiyaan, waxaana laga soo sheegayaa Mombasa xoogaa degenaasho ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/17/2012 6:57 AM EST
Arbaco, Oktoobar 17, 2012 (HOL) — Hal qof ayaa ku dhintay laba kalena way ku dhaawacmeen kaddib markii gaari caano siday ay ciidamada dowladda Soomaaliya ku rasaaseeyeen inta u dhexeysa deegaanka Xaawo Cabdi iyo Calamada ee duleedka Muqdisho.

10/17/2012 6:24 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay ra'iisul wasaaraha Soomaaliya, Cabdi Faarax Shir-doon (Saacid) kaddib fadhigii aan caadi ahayn oo xildhibaannada baarlamaanku ay yeesheen kasoo la-horgeeyay ra'iisul wasaaraha cusub.

10/17/2012 6:23 AM EST
Arbaco, Oktoobar 17, 2012 (HOL) — Markab sida shixnado ganacsi iyo dooni ayaa kusoo xirtay dakadda Caalamiga ah ee magaalada Kismaayo xilli dhawaan ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ay gacan ku heynta degmadaasi kala wareegeen Al-shabaab.

10/17/2012 6:22 AM EST
Arbaco, Oktoobar 17, 2012 (HOL) — Ciidamada Nabadsugidda dowladda Soomaaliya ayaa xabsiga dhigay laba wariye oo lagu magacaabo Khadar Max'uud Xareed iyo Jaamac C/laahi Cabdi (Ukun) kuwaasoo ka howlgeli jiray qaar katirsan idaacadaha Muqdisho.

10/17/2012 3:50 AM EST
Arbaco, Oktoobar 17, 2012 (HOL) — Shacabka ku nool magaalada Kismaayo ee xarunta gobolka Jubbada hoose oo horraantii bishan laga qabaday Al-shabaab ayaa qaarkood waxay ka cabanayaan dhac ay sheegeen inay u geystaan ciidamada dowladda Soomaaliya ee qaybta ka ahaa ciidamadii Al-shabaab kala wareegay magaaladaas.

10/17/2012 3:33 AM EST
Arbaco, Oktoobar 17, 2012 (HOL) — Xarakada Al-shabaab oo xiriir la leh Al-Qaacida ayaa sheegtay inaysan joojinayn dagaalka ay kula jirto ciidamada dowladda Somalia iyo kuwa Midowga Afrika ee AMISOM, kuwaasoo bilhiii ugu dambeeyay la wareegay degmooyin ay ka talinaysay Al-shabaab.

10/17/2012 3:27 AM EST
Arbaco, Oktoobar 17, 2012 (HOL) — Madaxwaynaha Puntland, C/raxmaan Maxamed Faroole ayaa sheegay in ciddii doonaysa inay u tartanto madaxtinimada Puntland loo baahan yahay in ay xisbi samaysato oo ay ka qaybgasho tartanka doorashada madaxtinimada.

10/17/2012 2:54 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta kulan ay ku yeelanayaan xarunta golaha shacabka waxay codka kalsoonida ugu qaadayaan ra'iisul wasaaraha Soomaaliya, Cabdi Faarax Shir-doon (Saacid) kaddib marka ay ka dhageystaan warbixin ku saabsan waxqabadkiisa soo socda iyo xukuumadda uu soo dhisayo.

10/17/2012 2:44 AM EST
Arbaco, Oktoobar 17, 2012 (HOL) — Madaxwaynaha Somaliland, Axmed Maxamed Maxamuud (Siilaanyo) ayaa shacabka reer Somaliland iyo ururka siyaasadeed ee Wadani kaga tacsiyeeyay geeriddii ku timid guddoomiye ku xigeenkii saddexaad ee urukaasi oo shalay shil gaari ku geeriyooday.