9/15/2019
Today from Hiiraan Online:  _
Wararka Maanta- Arbaco, Oct 17, 2012
Rasaas ay Ciidammo ka tirsan kuwa Dowladda Somalia ku fureen Gaari Rakaab Siday oo Sababtay dhimaho iyo mid dhaawac


Arbaco, Oktoobar 17, 2012 (HOL) — Hal qof ayaa ku dhintay laba kalena way ku dhaawacmeen kaddib markii gaari caano siday ay ciidamada dowladda Soomaaliya ku rasaaseeyeen inta u dhexeysa deegaanka Xaawo Cabdi iyo Calamada ee duleedka Muqdisho.

Haweeneyda dhimatay ayaa la sheegay inay ka mid ahayd ganacsatada caanaha geeya magaalada Muqdisho, iyadoo sidoo kalena labada qof ee dhaawacmay la sheegay inay iyaguna ahaayeen laba qof oo ka mid ah ganacsatada caanaha.

"Ciidamada dowladda rasaas ayay ku fureen gaari caano siday oo kasoo baxay deegaan u dhow degmada Afgooye. Haweeney ayaa ku dhimatay laba kalena way ku dhaawacmeen," ayuu yiri goobjooge ku sugnaa halka ay rasaastu ka dhacday.

Gaarigii caanaha soo soo qaaday ayaa dib ugu laabtay deegaankii uu ka yimid isagoo wada maydaka haweeneyda iyo labada qof ee kale, iyadoo ay goobta ka baxsadeen ciidamadii rasaasta furay oo xirnaa direyska milateriga Soomaaliya.

"Darawalka gaariga wuxuu diiday inuu joojiyo isagoo ka baqdin qabay in dhac loo geysto, taasina waxay keentay in rasaasta khasaaraha geysatay lagu furo," ayuu yiri goobjoogaha la hadaly HOL oo sababo ammaan awgeed u qariyay magaciisa.

Ma jiro hadal kasoo baxay dhinaca dowladda Soomaaliya oo ku saabsan dilka iyo dhaawaca ay askar ka tirsan ciidamada dowladda u geysteen dad shacab ah oo ka ganacsada caanaha, iyadoo aysan ahay markii ugu horreysay oo ciidamada dowladdu si bareer ah u toogtaan dad shacab ah.

Jidka isku xira Muqdisho iyo Afgooye oo falkan uu ka dhacay ayaa waxaa xiliyadii ugu dambeeyay kusoo kordhayay isbaarooyin ay ciidamada dowladdu dhigayaan, kuwaasoo ay lacago baad ah uga qaadanayaan gaadiidka dadweynaha ee jidkaas istcimaala.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/17/2012 7:32 AM EST
Arbaco, Oktoobar 17, 2012 (HOL) — Ugu yaraan afar qof oo uu ku jiro sarkaal sare oo ka tirsan booliiska sida milateriga u tababaran ee Kenya ayaa ku dhintay, sagaal kalena way ku dhaawacmeen kaddib iskahorimaad gallinkii dambe xalay oo Arbaco ahayd ku dhexmaray magaalada Mombasa ciidamada Kenya iyo xoogag taabacsan Al-shabaab.

10/17/2012 6:24 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay ra'iisul wasaaraha Soomaaliya, Cabdi Faarax Shir-doon (Saacid) kaddib fadhigii aan caadi ahayn oo xildhibaannada baarlamaanku ay yeesheen kasoo la-horgeeyay ra'iisul wasaaraha cusub.

10/17/2012 6:23 AM EST
Arbaco, Oktoobar 17, 2012 (HOL) — Markab sida shixnado ganacsi iyo dooni ayaa kusoo xirtay dakadda Caalamiga ah ee magaalada Kismaayo xilli dhawaan ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ay gacan ku heynta degmadaasi kala wareegeen Al-shabaab.

10/17/2012 6:22 AM EST
Arbaco, Oktoobar 17, 2012 (HOL) — Ciidamada Nabadsugidda dowladda Soomaaliya ayaa xabsiga dhigay laba wariye oo lagu magacaabo Khadar Max'uud Xareed iyo Jaamac C/laahi Cabdi (Ukun) kuwaasoo ka howlgeli jiray qaar katirsan idaacadaha Muqdisho.

10/17/2012 3:50 AM EST
Arbaco, Oktoobar 17, 2012 (HOL) — Shacabka ku nool magaalada Kismaayo ee xarunta gobolka Jubbada hoose oo horraantii bishan laga qabaday Al-shabaab ayaa qaarkood waxay ka cabanayaan dhac ay sheegeen inay u geystaan ciidamada dowladda Soomaaliya ee qaybta ka ahaa ciidamadii Al-shabaab kala wareegay magaaladaas.

10/17/2012 3:33 AM EST
Arbaco, Oktoobar 17, 2012 (HOL) — Xarakada Al-shabaab oo xiriir la leh Al-Qaacida ayaa sheegtay inaysan joojinayn dagaalka ay kula jirto ciidamada dowladda Somalia iyo kuwa Midowga Afrika ee AMISOM, kuwaasoo bilhiii ugu dambeeyay la wareegay degmooyin ay ka talinaysay Al-shabaab.

10/17/2012 3:27 AM EST
Arbaco, Oktoobar 17, 2012 (HOL) — Madaxwaynaha Puntland, C/raxmaan Maxamed Faroole ayaa sheegay in ciddii doonaysa inay u tartanto madaxtinimada Puntland loo baahan yahay in ay xisbi samaysato oo ay ka qaybgasho tartanka doorashada madaxtinimada.

10/17/2012 2:54 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta kulan ay ku yeelanayaan xarunta golaha shacabka waxay codka kalsoonida ugu qaadayaan ra'iisul wasaaraha Soomaaliya, Cabdi Faarax Shir-doon (Saacid) kaddib marka ay ka dhageystaan warbixin ku saabsan waxqabadkiisa soo socda iyo xukuumadda uu soo dhisayo.

10/17/2012 2:44 AM EST
Arbaco, Oktoobar 17, 2012 (HOL) — Madaxwaynaha Somaliland, Axmed Maxamed Maxamuud (Siilaanyo) ayaa shacabka reer Somaliland iyo ururka siyaasadeed ee Wadani kaga tacsiyeeyay geeriddii ku timid guddoomiye ku xigeenkii saddexaad ee urukaasi oo shalay shil gaari ku geeriyooday.