10/18/2019
Today from Hiiraan Online:  _
Wararka Maanta- Arbaco, Oct 17, 2012
Shacabka ku nool Kismaayo oo sheegay inay dhac kala kulmaan ciidamada dowaldda Soomaaliya xilliyada ay Baarista Sameynayaan


Arbaco, Oktoobar 17, 2012 (HOL) — Shacabka ku nool magaalada Kismaayo ee xarunta gobolka Jubbada hoose oo horraantii bishan laga qabaday Al-shabaab ayaa qaarkood waxay ka cabanayaan dhac ay sheegeen inay u geystaan ciidamada dowladda Soomaaliya ee qaybta ka ahaa ciidamadii Al-shabaab kala wareegay magaaladaas.

Shacabkan ayaa sheegay in ciidamadu ay dhac u geystaan xilliyada ay guryaha baarayaan ayna ka qaataan taleefoonnada gacanta iyo lacagaha ay markaas haystaan, sidoo kalena ay jiraan isbaarooyin la dhigto waddooyinka magaalada.

"Ciidamadu waxay naga qaataan wax walba oo aan haysanno, markii ay soo galaan gurayaha, iyagoo ku andacoonaya inay baaritaanno ku sameynayaan si ammaanka loo xaqiijiyo," ayay dadkan qaarkood u sheegeen BBC-da.

Magaalada Kismaayo oo 500-km dhinaca Koonfureed kaga beegan caasimadda Soomaaliya ee Muqdisho ayaa waxaa shantii sano ee ugu dambeysay ka talinaysay Al-shabaab, iyadoo dadka ku nool magaaladaas ay sheegeen inay qabeen ammaan.

"Dhallinyaro badan ayay ciidamadu qabteen waxayna ku eedeeyaan inay Al-shabaab ka tirsan yihiin. Runtii tani waa dhibaato kale oo aan qabno, waayo dadka dhallinyarada u badan cabsi weyn ayaa haysa," ayay yiraahdeen qaar ka mid ah dadka ku nool Kismaayo.

Sidoo kale, labadii toddobaad ee ciidamada dowladdu ay gacanta ku hayeen Kismaayo waxaa lagu toogtay dhowr qof oo shacab ah, kuwaasoo la sheegay inay qaarkood dileen rag wajiyada qarsaday oo saraakiisha dowladda ay ku eedeeyeen inay ka tirsan yihiin Al-shabaab.

Taliyaha ciidamada dowladda ee gobolada Jubbooyinka, Jen. Ismaaciil Saxardiid oo wax laga weydiiyay eedeymahas loosoo jeedinayo ciidamada dowladda ka hadlay ayaa sheegay inay yihiin kuwo aanay waxba ka jirin oo la been abuuray, wuxuuna ku adkeysay in ciidamada dowladdu aysan dhac u geysan shacabka.

Ma aha markii ugu horreysa oo eedo noocan oo kale loo Ciidamadda dowladda Soomaalida; balse dhowr jeer oo hore ayaa lagu eedeeyay ciidamada dowladda inay dhac ka geysteen deegaanno ay ciidamada dowladdu qabsadeen kuwaasoo ay ka mid yihiin degmooyinka Afgooye iyo Balcad ee ku dhow Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/17/2012 7:32 AM EST
Arbaco, Oktoobar 17, 2012 (HOL) — Ugu yaraan afar qof oo uu ku jiro sarkaal sare oo ka tirsan booliiska sida milateriga u tababaran ee Kenya ayaa ku dhintay, sagaal kalena way ku dhaawacmeen kaddib iskahorimaad gallinkii dambe xalay oo Arbaco ahayd ku dhexmaray magaalada Mombasa ciidamada Kenya iyo xoogag taabacsan Al-shabaab.

10/17/2012 6:57 AM EST
Arbaco, Oktoobar 17, 2012 (HOL) — Hal qof ayaa ku dhintay laba kalena way ku dhaawacmeen kaddib markii gaari caano siday ay ciidamada dowladda Soomaaliya ku rasaaseeyeen inta u dhexeysa deegaanka Xaawo Cabdi iyo Calamada ee duleedka Muqdisho.

10/17/2012 6:24 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay ra'iisul wasaaraha Soomaaliya, Cabdi Faarax Shir-doon (Saacid) kaddib fadhigii aan caadi ahayn oo xildhibaannada baarlamaanku ay yeesheen kasoo la-horgeeyay ra'iisul wasaaraha cusub.

10/17/2012 6:23 AM EST
Arbaco, Oktoobar 17, 2012 (HOL) — Markab sida shixnado ganacsi iyo dooni ayaa kusoo xirtay dakadda Caalamiga ah ee magaalada Kismaayo xilli dhawaan ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ay gacan ku heynta degmadaasi kala wareegeen Al-shabaab.

10/17/2012 6:22 AM EST
Arbaco, Oktoobar 17, 2012 (HOL) — Ciidamada Nabadsugidda dowladda Soomaaliya ayaa xabsiga dhigay laba wariye oo lagu magacaabo Khadar Max'uud Xareed iyo Jaamac C/laahi Cabdi (Ukun) kuwaasoo ka howlgeli jiray qaar katirsan idaacadaha Muqdisho.

10/17/2012 3:33 AM EST
Arbaco, Oktoobar 17, 2012 (HOL) — Xarakada Al-shabaab oo xiriir la leh Al-Qaacida ayaa sheegtay inaysan joojinayn dagaalka ay kula jirto ciidamada dowladda Somalia iyo kuwa Midowga Afrika ee AMISOM, kuwaasoo bilhiii ugu dambeeyay la wareegay degmooyin ay ka talinaysay Al-shabaab.

10/17/2012 3:27 AM EST
Arbaco, Oktoobar 17, 2012 (HOL) — Madaxwaynaha Puntland, C/raxmaan Maxamed Faroole ayaa sheegay in ciddii doonaysa inay u tartanto madaxtinimada Puntland loo baahan yahay in ay xisbi samaysato oo ay ka qaybgasho tartanka doorashada madaxtinimada.

10/17/2012 2:54 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta kulan ay ku yeelanayaan xarunta golaha shacabka waxay codka kalsoonida ugu qaadayaan ra'iisul wasaaraha Soomaaliya, Cabdi Faarax Shir-doon (Saacid) kaddib marka ay ka dhageystaan warbixin ku saabsan waxqabadkiisa soo socda iyo xukuumadda uu soo dhisayo.

10/17/2012 2:44 AM EST
Arbaco, Oktoobar 17, 2012 (HOL) — Madaxwaynaha Somaliland, Axmed Maxamed Maxamuud (Siilaanyo) ayaa shacabka reer Somaliland iyo ururka siyaasadeed ee Wadani kaga tacsiyeeyay geeriddii ku timid guddoomiye ku xigeenkii saddexaad ee urukaasi oo shalay shil gaari ku geeriyooday.