3/19/2024
Today from Hiiraan Online:  _
Wararka Maanta- Arbaco, Oct 17, 2012
Guddoomiye ku xigeenkii Saddexaad ee Ururka WADANI oo ku Geeriyooday Shil Gaari oo ka dhacay Magaalada Berbera
Arbaco, Oktoobar 17, 2012 (HOL) — Madaxwaynaha Somaliland, Axmed Maxamed Maxamuud (Siilaanyo) ayaa shacabka reer Somaliland iyo ururka siyaasadeed ee Wadani kaga tacsiyeeyay geeriddii ku timid guddoomiye ku xigeenkii saddexaad ee urukaasi oo shalay shil gaari ku geeriyooday.

Alla ha u naxariistee waxa shil gaadhi ku geeriyooday marxuum, Cabdullaahi Siciid Dheere oo ahaa guddoomiye ku xigeenka saddexaad ee ururka Wadani, xilli ay kusii jeedeen madaarka Berbera oo uu kasoo degayey gudoomiyaha ururkaas oo ay doonayeen inay si weyn usoo dhoweeyaan gudoomiyahooga, haseyeeshee nasiib uma helin oo allaa qadaray inuu jidkaasi Berbra iyo Hargeysa udhexeysa gaadhigu kula qalimay, waxaana halkaasi dhaawacyo kala duwan ka soo gaadhay masuuliyiin kale oo ay ka mid ahaayeen Xildhibaan Cali Xaaji iyo Cabdi Raygal oo ay gaadhi la wada socday, kuwaas oo hadda lagu dawaynayo cisbitaalka Hargeysa.

Sidoo kale, waxa iyana tacsi u diray gudoomiyaha ururka WADANI, xisbiga kulmiye iyo xisbiga UCID, kuwaas oo ka tacsiyadeeyey ururka wadani geeridii gudoomiyahoogii 3aad ku timid.

Alla ha u naxariistee maxruum Cabdilaahi Dheere, ayaa ka mid ahaa ragii aasaasay xisbiga UCID, khilaaf soo kala dhexgalay xisbiga UCID ayaa keentay in garab ka mid ah UCID samaystaan urur siyaasi WADANI, kaas oo uu ka mid ahaa ragii aasaasay,isla markaana hal-bawlayaasha ururka ka mid ahaa, waxaana maanta lagu aasi doonaa magaaladda Hargeysa.

Shirkan uu marxuumku ku geeriyooday ayaa yimid ka dib markii kolonyo gaadiid ah oo uu la socday oo ku sii jeeday magaaladda Berbera si ay usoo dhoweeyaan gudoomiyaha ururkaasi C/raxmaan Cirro oo safar dibadda ah ka soo laabtay,nasiib daro inta aanay gaadhin Magaaladda Berbra ayuu shirkani dhacay.

Sida masuuliyiintii la socday noo sheegeen marxuumka geeriyooday oo dhaawac weyni ka muuqan oo safarkoodi sii wata, ayaa mar dambe si kadis ah u geeriyooday, iyadoo loo malaynayo inuu dhiig ku furmay, taasina soo dadajisay geeridiisa, haseyeshee labaddii masuul ee la socday ayaa iyaguna dhaawac fudud qaba.

Jidka isku xidha Hargeysa iyo Berbera ayaa mid burbursan, kaas oo todobaadkasta dad sahayata, waxaana hore jidkan ugu geeriyooday saraakiil ka tirsan xisbiga KULMIYE mar ay soo dhoweeyeynayeen gudoomiyihagooga, waxaana loo aanayaa inay sabab u tahay shilalka baabuurta ee wadadaasi go’oga wadada, iyo laamida oo ah mid gooladdo badan, isla markaana gaadiidku xawaare sare ku socdaan, waxaana inta badan burburkaasi wadada u sabab ah baabuurta xamuulka u qaada Itoobiya oo adeegsada wadadaasi, taas oo aan iska xejin karin culayska gaadiidkaasi waaweyn, iyo dayactir la’aan haysta wadada.

Barkhad-Ladiif  M. Cumar, Hiiraan Online  
[email protected]
Hargeysa, Somaliland











Click here
10/17/2012 7:32 AM EST
Arbaco, Oktoobar 17, 2012 (HOL) — Ugu yaraan afar qof oo uu ku jiro sarkaal sare oo ka tirsan booliiska sida milateriga u tababaran ee Kenya ayaa ku dhintay, sagaal kalena way ku dhaawacmeen kaddib iskahorimaad gallinkii dambe xalay oo Arbaco ahayd ku dhexmaray magaalada Mombasa ciidamada Kenya iyo xoogag taabacsan Al-shabaab.

10/17/2012 6:57 AM EST
Arbaco, Oktoobar 17, 2012 (HOL) — Hal qof ayaa ku dhintay laba kalena way ku dhaawacmeen kaddib markii gaari caano siday ay ciidamada dowladda Soomaaliya ku rasaaseeyeen inta u dhexeysa deegaanka Xaawo Cabdi iyo Calamada ee duleedka Muqdisho.

10/17/2012 6:24 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay ra'iisul wasaaraha Soomaaliya, Cabdi Faarax Shir-doon (Saacid) kaddib fadhigii aan caadi ahayn oo xildhibaannada baarlamaanku ay yeesheen kasoo la-horgeeyay ra'iisul wasaaraha cusub.

10/17/2012 6:23 AM EST
Arbaco, Oktoobar 17, 2012 (HOL) — Markab sida shixnado ganacsi iyo dooni ayaa kusoo xirtay dakadda Caalamiga ah ee magaalada Kismaayo xilli dhawaan ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ay gacan ku heynta degmadaasi kala wareegeen Al-shabaab.

10/17/2012 6:22 AM EST
Arbaco, Oktoobar 17, 2012 (HOL) — Ciidamada Nabadsugidda dowladda Soomaaliya ayaa xabsiga dhigay laba wariye oo lagu magacaabo Khadar Max'uud Xareed iyo Jaamac C/laahi Cabdi (Ukun) kuwaasoo ka howlgeli jiray qaar katirsan idaacadaha Muqdisho.

10/17/2012 3:50 AM EST
Arbaco, Oktoobar 17, 2012 (HOL) — Shacabka ku nool magaalada Kismaayo ee xarunta gobolka Jubbada hoose oo horraantii bishan laga qabaday Al-shabaab ayaa qaarkood waxay ka cabanayaan dhac ay sheegeen inay u geystaan ciidamada dowladda Soomaaliya ee qaybta ka ahaa ciidamadii Al-shabaab kala wareegay magaaladaas.

10/17/2012 3:33 AM EST
Arbaco, Oktoobar 17, 2012 (HOL) — Xarakada Al-shabaab oo xiriir la leh Al-Qaacida ayaa sheegtay inaysan joojinayn dagaalka ay kula jirto ciidamada dowladda Somalia iyo kuwa Midowga Afrika ee AMISOM, kuwaasoo bilhiii ugu dambeeyay la wareegay degmooyin ay ka talinaysay Al-shabaab.

10/17/2012 3:27 AM EST
Arbaco, Oktoobar 17, 2012 (HOL) — Madaxwaynaha Puntland, C/raxmaan Maxamed Faroole ayaa sheegay in ciddii doonaysa inay u tartanto madaxtinimada Puntland loo baahan yahay in ay xisbi samaysato oo ay ka qaybgasho tartanka doorashada madaxtinimada.

10/17/2012 2:54 AM EST
Arbaco, Oktoobar 17, 2012 (HOL) — Xildhibaannada baarlamaanka Soomaaliya ayaa maanta kulan ay ku yeelanayaan xarunta golaha shacabka waxay codka kalsoonida ugu qaadayaan ra'iisul wasaaraha Soomaaliya, Cabdi Faarax Shir-doon (Saacid) kaddib marka ay ka dhageystaan warbixin ku saabsan waxqabadkiisa soo socda iyo xukuumadda uu soo dhisayo.