8/8/2022
Today from Hiiraan Online:  _
Wararka Maanta- Axad, Oct 14, 2012
Xarakada Al-shabaab oo xilkii ka qaaday Guddoomiyahooda Gobolka Banaadir; iyadoo u magacowday xilkaas Mas'uuliyiin kale
Axad, Oktoobar 14, 2012 (HOL) — Xarakada Al-shabaab oo dagaal kula jirta dowladda federaalka Soomaaliya iyo ciidamada caawinaya ee AMISOM iyo kuwa Itoobiya ayaa xilkii ka qaaday guddoomiyahoodii gobolka Banaadir, Sheekh Maxamed Xasan Cumar (Abuu-Cabdiraxmaan) iyadoo xilkaas loo magacaabay mas'uulkii horay looga qaaday xilka gobolka Banaadir.

Wareegto kasoo baxday xafiiska gobollada iyo siyaasadda ee Al-shabaab ayaa lagu sheegay in guddoomiyaha gobolka Banaadir loo magacaabay Sheekh Cali Maxamed Xuseen oo xilkan laga qaaday sannadkii 2011, markaasoo ay inta badan Muqdisho ay ka talinaysay Al-shabaab.

"Maanta laga billaabo waxaa xilka guddoomiyaha gobolka Banaadir loo magacaabay, Sheekh Clai Maxamed Xuseen (Abuu-Jabal)" ayaa lagu yiri qoraalka kasoo baxay xafiiska siyaasadda iyo gobollada Al-shabaab shalay oo Sabti ahayd.

Qoraalkan ayaa lagu sheegay in sidoo kale isbedel weyn lagu sameeyay maamulka gobolka Banaadir, iyadoo isbedelkan lagu sheegay in lagu dar-dargelinayo howlaha Al-shabaab ee gobolka Banaadir.

Magacaabistan cusub ee maamulka gobolka Banaadir ayaa waxay imaanaysaa xilli Xarakada Al-shabaab ay tan iyo sannadkii hore isaga baxaysay degmooyinkii ay kaga sugnayd gobolka Banaadir, kaddib culus badan oo la saaray Al-shabaab.

Xarakada Al-shabaab ayaa sidoo kale lumisay dhul ballaaran oo ay kaga sunayd gobollada Koonfurta Soomaaliya, kuwaasoo ay ku jirto degmada Kismaayo oo ahayd goobta ay sida aadka ah ugu xoogganaayeen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/14/2012 6:49 AM EST
Axad, Oktoobar 14, 2012 (HOL) — Guddoomiyaha baarlamaanka Soomaaliya, Prof. Maxamed Cismaan Jawaari ayaa ka dalbaday madaxweynaha Soomaaliya, Xasan Sheekh Maxamuud maanta inuu ku horkeeno baarlamaanka ra'iisul wasaaraha cusub ee Soomaaliya si loo ansixiyo.

10/14/2012 6:28 AM EST
Axad, Oktoobar 14, 2012 (HOL) — Dowladda Spain iyo hay'adda dhaqaatiirta aan xuduudda lahayn ee MSF ayaa waxay si wadajir ah u dalbadeen in lasii daayo laba haween ah oo u dhashay dalka Spain, kuwaasoo laga afduubay bishii Oktoobar ee sannadkii hore xeryaha qoxootiga Dhadhaab-Kenya xilli ay howlo caafimaad halkaas ka wadeen.

10/14/2012 6:14 AM EST
Axad, Oktoobar 14, 2012 (HOL) — Dibadbaxyo ballaaran oo lagu taageerayo ra'iisul wasaaraha cusub ee Dowladda Federaalka Soomaaliya Dr. Cabdi Faarax Shirdoon (Saacid) ayaa siyaabo kala duwan uga dhacay qaar katirsan degmooyinka gobolka Gedo.

10/14/2012 4:15 AM EST
Axad, Oktoobar 14, 2012 (HOL) — Xildhibaanada Baarlamaanka Soomaaliya ayaa maanta kulan looga hadlayo xeer-hoosaadyada baarlamaanka ku yeelanaya xarunta golaha shacabka, iyadoo dhawaan guddi loo saaray dib u eegista xeer hoosaadyada baarlamaanka Soomaaliya.

10/14/2012 4:07 AM EST
Axad, Oktoobar 14, 2012 (HOL) — Kooxo Baastoolado ku hubeysan oo aan ilaa imika la garanayn cidda ay ka amarqaataan ayaa xalay toogasho ku dilay mid kamid ah odoyaasha dhaqanka magaalada Kismaayo xilli uu kasoo baxay masaajid uu ku tukaday saladdii Cishaha.

10/14/2012 3:57 AM EST
Axad, Oktoobar 14, 2012 (HOL) — Madaxweynaha Somaliland, Axmed Maxamuud Maxamed (Siilaanyo) ayaa xil wasiir u magacaabay hoggamiyihii jabhadda SSC ee ka dagaalami jirtay deegaanka Buuhoodle, isagoo sidoo kale wasaarad cusub ku daray golaha wasiirrada Somaliland.