8/15/2022
Today from Hiiraan Online:  _
Wararka Maanta- Axad, Oct 14, 2012
Dibadbaxyo Lagu Taageerayo Ra'iisul Wasaaraha Cusub ee Soomaaliya oo ka dhacay degmooyin ka tirsan Gobolka Gedo
Axad, Oktoobar 14, 2012 (HOL) — Dibadbaxyo ballaaran oo lagu taageerayo ra'iisul wasaaraha cusub ee Dowladda Federaalka Soomaaliya Dr. Cabdi Faarax Shirdoon (Saacid) ayaa siyaabo kala duwan uga dhacay qaar katirsan degmooyinka gobolka Gedo.


Dibadbaxyadan oo ahaa kuwo waaweyn islamarkaasina taageero loogu muujinayay ra'isul wasaaraha uu dhawaan soo magacaabay Madaxweeynaha Soomaaliya ayaa waxa ay ka dhaceen degmooyinka Luuq, Dooloow, Beledxaawo, Ceelwaaq iyo Degmada Garbahaareey, waxaana dadweeynihii ka qeybqaadanayay dibadbaxyada ay ku dhawaaqayeen hal ku dhigyo ay ku muujinayaan taageerada ay u hayaan ra'iisul wasaaraha cusub ee Soomaaliya.

Degmada Garbahaaree ee xarunta gobolka Gedo oo kamid ahayd goobihii ay maanta ka dhaceen dibadbaxyada ayaa la arkayay boqollaal dadweeyne ah oo sito boorar ay ku xardhanaayeen halku dhigyo isugu jiro taageero iyo talo soo jeedin kuwaasoo socod dheer kusoo maray wadooyinka magaaladaasi, waxaana ugu danbeyn ay isugu soo urureen goob fagaare ah halkaasoo ay kula hadleen masuuliyiin katirsan maamulka degmadaasi.

Guddoomiyaha degmada Garbahaareey Iimaan Cadow oo goob fagaare ah kula hadlay dadweeynihii dibadbaxa dhigayay ayaa sheegay in maamul ahaan ay soo dhaweynayaan ra'isul wasaaaraha cusub ee Soomaaliya, wuxuuna kula dardaarmay shacabka gobolka Gedo in ay taageeraan islamarkaasina la shaqeeyaan dowladda Soomaaliya.

Madaxweeynaha Soomaaliya ayaa horaantii todobaadkii aynu soo dhaafnay ra'isul wasaaraha afarta sano ee soo socoto u magacaabay Dr. Cabdi Faarax Shirdoon (Saacid), waxaana la filayaa in ra'isul wasaaraha cusub la horgeeyo baarlamaanka Soomaaliya si uu ugu qaado codka kalsoonida.

Xasan Nuur, Hiiraan Online
[email protected]
Kismaayo, Soomaaliya












Click here
10/14/2012 6:49 AM EST
Axad, Oktoobar 14, 2012 (HOL) — Guddoomiyaha baarlamaanka Soomaaliya, Prof. Maxamed Cismaan Jawaari ayaa ka dalbaday madaxweynaha Soomaaliya, Xasan Sheekh Maxamuud maanta inuu ku horkeeno baarlamaanka ra'iisul wasaaraha cusub ee Soomaaliya si loo ansixiyo.

10/14/2012 6:28 AM EST
Axad, Oktoobar 14, 2012 (HOL) — Dowladda Spain iyo hay'adda dhaqaatiirta aan xuduudda lahayn ee MSF ayaa waxay si wadajir ah u dalbadeen in lasii daayo laba haween ah oo u dhashay dalka Spain, kuwaasoo laga afduubay bishii Oktoobar ee sannadkii hore xeryaha qoxootiga Dhadhaab-Kenya xilli ay howlo caafimaad halkaas ka wadeen.

10/14/2012 6:13 AM EST
Axad, Oktoobar 14, 2012 (HOL) — Xarakada Al-shabaab oo dagaal kula jirta dowladda federaalka Soomaaliya iyo ciidamada caawinaya ee AMISOM iyo kuwa Itoobiya ayaa xilkii ka qaaday guddoomiyahoodii gobolka Banaadir, Sheekh Maxamed Xasan Cumar (Abuu-Cabdiraxmaan) iyadoo xilkaas loo magacaabay mas'uulkii horay looga qaaday xilka gobolka Banaadir.

10/14/2012 4:15 AM EST
Axad, Oktoobar 14, 2012 (HOL) — Xildhibaanada Baarlamaanka Soomaaliya ayaa maanta kulan looga hadlayo xeer-hoosaadyada baarlamaanka ku yeelanaya xarunta golaha shacabka, iyadoo dhawaan guddi loo saaray dib u eegista xeer hoosaadyada baarlamaanka Soomaaliya.

10/14/2012 4:07 AM EST
Axad, Oktoobar 14, 2012 (HOL) — Kooxo Baastoolado ku hubeysan oo aan ilaa imika la garanayn cidda ay ka amarqaataan ayaa xalay toogasho ku dilay mid kamid ah odoyaasha dhaqanka magaalada Kismaayo xilli uu kasoo baxay masaajid uu ku tukaday saladdii Cishaha.

10/14/2012 3:57 AM EST
Axad, Oktoobar 14, 2012 (HOL) — Madaxweynaha Somaliland, Axmed Maxamuud Maxamed (Siilaanyo) ayaa xil wasiir u magacaabay hoggamiyihii jabhadda SSC ee ka dagaalami jirtay deegaanka Buuhoodle, isagoo sidoo kale wasaarad cusub ku daray golaha wasiirrada Somaliland.