11/13/2018
Today from Hiiraan Online:  _
Wararka Maanta- Jimco, May 4 , 2012
Dawladda Hoose Hargeysa oo dadka uga digtay Qashinka lasoo raacinayo Daadadka Roobabka, Kuwaasoo Awdaya biyo Mareennadda



Jimco, May 04, 2012 (HOL) — Dawladda hoose ee magaaladda Hargeysa, ayaa tan iyo sidii roobabkii u xidheen biyo mareenaddii ku mashquulsan sidii ay u furi lahaayeen biyo mareenadda ay camuudda iyo khashinku awday.

Shaqaalaha dawladda hoose ee Hargeysa markii ay ku filnaan kari waayeen inay camuudda oo aad u badan ka guraan ayey usoo kiraysteen cagafcagafyo casri ah oo waxyaalihii xidhay miyo mareenadda ka gurayey, iyagoo iska rogooyinka dawladda hoose ay qaadayaan.

"Dadweynaha sharafte leh waxaan ka codsanaynaa haddii aanu dadweynuhu nala shaqayn hawli socon mayso marka waa inay nala shaqayeen"ayuu yidhi, Cabdiraxmaan Cumar Maxamed, kormeerka guud ee Arrimaha bulshadda ee dawladda hoose oo ka hadlayey dhibaatooyinka ay leeyihiin meelahan xidhmay, waxaanu intaas ku daray " meelahan ay biyuhu maraan ee xidhmay dhibaatooyin badan ayey ku keenaysa dadka, marka koowaad waxay u keenaysa caafimaad daro, ta labaad bilicdii magaaladda iyo quruxdeedii ayey wax u dhimaysaa, ta sadexaad biyihii baa ku xidhmaya markaa waa inay dadku dantoodda gartaan oo ay qashinka ay ku darayaan iska ilaaliyaan"ayuu yidhi.


Kormeeraha guud ee arrimaha bulshaddu waxa uu dadka uga digay inay Qashinka soo raaciyaan biyaha kuwaas oo awdaya meelaha ay biyuhu mari lahaayeen oo buuro isku bedelay, taasina ay keenayso inay biyihii socon waayaan.

Si kastaba ha ahaatee, laamaddii cusbayd ee dhoweynta la sameeyey iyo kuwii horaba waxay khatar ugu jiraan inuu daadku jaro ka dib markii loo samayn waayey meelo biyo mareen ah oo daadka ka leexiya inay laamidda jaraan, waxaana laamiyadda qaarkood aad arkaysa iyadoo soo yaraanaya, isla markaana hareerihii ka soo go’ayaan.

Sidoo kale waxa jira ganacsato miyo mareenaddii xaga sare ka awday oo doonaya inay gaadiidku usoo dulmaraan, kuwaas oo khatargalin karta inay biyo mareenadaasi xidhmaan, isla markaana la waayo meel laga guro haddii ay camuuddi awdo.



Barkhad-Ladiif M. Cumar
[email protected]
Hargeysa, Somaliland







Click here
5/4/2012 7:48 AM EST
Jimco, May 04, 2012 — COL Cabaas Ibraahim Gurey oo kamid ah saraakiisha hogaamineysa ciidamada dowladda KMG ee howlgalka ka wada gobolka Gedo ayaa sheegay in dhawaan ay qorsheynayaan weerar ballaaran oo ay ku qaadaan magaalada Baardheere ee gobolka Gedo.

5/4/2012 7:47 AM EST
Jimco, May 04, 2012 — Maamulka xarakada Al-shabaab ee magaalada Bu'aale ee gobolka Jubada Dhexe ayaa gobolka ka eryay qaar katirsan odayaal dhaqameedyo caan ka ah gobollada Jubooyinka.

5/4/2012 7:44 AM EST
Jimco, May, 04, 2012 (HOL) -- Wararka laga hellayo degmada Maxaas ee gobollka Hiiraan ayaa sheegaya in ay halkaa isaga baxeen xoogagga Xarrrakada Mujaahidiinta Al-shabaab oo maalintii shalay gudaha u galay degmada.

5/4/2012 7:32 AM EST
Jimco, May 04, 2012 — Waxaa goor dhow garoonka diyaaraha caalamiga ah ee Aadan Cadde ee Muqdishoka duulay wafdi uu hogaaminayo duqa magaalada Muqdisho ahna guddoomiyaha gobolka Banaadir oo ku sii jeeda magaalada Istanbuul ee dalka Turkiga.

5/4/2012 7:16 AM EST
Xaflad ay soo qaban qaabisay kooxda waayaha cusub oo ay kasoo qeyb galeen boqolaal dad ah oo reer Eastleigh ah, isla markaana loogu magac darey (Nabadi waa nolole, Dhalinyarooy Nageeh) taasoo lagu wacyi galinayo dhalinyarada Soomaaliyeed ayaa lagu qabtay xaafada Easliegh ee magaalada Nairobi

5/4/2012 6:47 AM EST
Hay’adda u dooda xuquuqda aadanaha ee Human Rights Watch oo maantay soo bandhigtay warbixinteeda sannadlaha ah ayaa sheegtay in tacadiyo xoog leh ay ciidamada Kenya u gaystaan dadka qaxootiga ah ee Soomaalida ah.

5/4/2012 4:30 AM EST
Jimco, May 04, 2012 (HOL) — Shirka lagu soo xulayo guddiga ansixinaya dastuurka cusub ee Soomaaliya ayaa lagu wadaa in berri oo Sabti ah uu ka furmo magaalaad Muqdisho, sida madaxweyne Sheekh Shariif u sheegay warbaahinta.

5/4/2012 4:20 AM EST
Jimco, May 04, 2012 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo wareysi siiyay idaacadda Andulus oo ku hadasha codka Al-shabaab ayaa sheegay inay ku guuleysteen inay fashiliyaan shir lagu doonayay in dhibaatooyin looga abuuro gobollada dhexe oo muddo sannad ah lasoo qorsheynayay.

5/4/2012 4:09 AM EST
Jimco, May 04, 2012 (HOL) — Madaxweynaha Soomaaliya, Sheekh Shariikh Sheekh Axmed oo shalay booqday xarunta gaadiidka booliiska oo lagu wado inuu ka furmo shirka lagu ansixinayo dastuurka cusub ee Soomaaliya, ayaa sheegay inaysan aqbali karin in dastuurka laga soo horjeesto, laakiin ay ogol yihiin in qodobbadiisa laga doodo.

5/4/2012 3:48 AM EST
Jimco, May 04, 2012 (HOL) — Xoogagga Ahlusunna Waljamaaca ayaa ku toogtay degmada Dhuusomareeb ee gobolka Galguduud laba qof oo ka mid ahaa kuwii loosoo qabtay weerarkii ismiidaaminta ahaa ee Talaadiid lasoo dhaafay ka dhacay xarunta gobolka Galguduud.

5/4/2012 3:35 AM EST
Jimco, May 04, 2012 (HOL) — Madaxweynaha Kenya, Mwai Kibaki ayaa weydiistay beesha caalamka shalay oo Khamiis ahayd in gacan laga siiyo dowladdiisa sidii dib loogu celin lahaa qoxootiga Soomaalida gudaha dalkooda, gaar ahana goobihii laga saaray Al-shabaab.

5/4/2012 3:09 AM EST
Jimco, May 04, 2012 (HOL) — Kooxo hubeysan ayaa xalay weerar ku qaaday guri ay deggenaayeen ciidamada dowladda KMG ah ee Soomaaliya oo ku yaalla degmada Wardhiigley ee gobolka Banaadir, gaar ahaan xaafadda Xamarjadiid.

5/4/2012 2:56 AM EST
Jimco, May 04, 2012 (HOL) — Markii afaraad sannadkan oo keliya ayaa waxaa lagu weeraray xalay madaxtooyada Soomaaliya madaafiic culus, kuwaasoo qaarkood ku dhacay gudaha xarunta madaxtooyada, halka kuwo kalena ay ku dhaceen goobaha ku dhow.