9/23/2018
Today from Hiiraan Online:  _
Wararka Maanta- Jimco, May 4 , 2012
Afhayeenka Al-shabaab oo sheegay inay fashiliyeen Shirkii Dhuuso-mareeb oo uu ku sheegay Shirqool ay Itoobiya wadatay


Jimco, May 04, 2012 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo wareysi siiyay idaacadda Andulus oo ku hadasha codka Al-shabaab ayaa sheegay inay ku guuleysteen inay fashiliyaan shir lagu doonayay in dhibaatooyin looga abuuro gobollada dhexe oo muddo sannad ah lasoo qorsheynayay.

Sheekh Cali Dheere wuxuu sheegay in qorshayaas uu ahaa mid ay wadatay dowladda Itoobiya oo ay ciidammo kaga sugan yihiin gobolkaas, isagoo sheegay in mid ka mid ah xoogaggooda uu ku guuleystay inuu fashiliyo shirkaas.

"Waxaan fashilinnay shir ay xildhibaanno iyo xubno kale oo xiriir la leh Itoobiya ku doonayeen inay dhibaatooyin kaga abuuraan gobollada dhexe," ayuu yiri Sheekh Cali Dheere oo intaas ku daray inay qorshe walba oo midkan la mid ah weerar la beegsan doonaan.

Afhayeenku wuxuu sheegay in xubnihii shirkaas waday ay qaarkood halkaas ku dileen qaar kalena iyagoo dhaawacyo kala duwan qaba loo qaaday dalka Itoobiya si loogu soo daweeyo.

"Qorshahan wuxuu ahaa mid ay Itoobiya wadato, waxaana naga go'an qorshe walba oo la doonayo in lagu dhibaateeyo ummaddan muslimka ah inaan sidan oo kale uga hortagno," ayuu afhayeenku hadalkiisa ku daray.

Ugu dambeyn, afhayeenku wuxuu sheegay in weerarkii ka dhacay Dhuusomareeb uu digniin u yahay cid walba oo qorshayaal gurracan wadata, isagoo ugu baaqay inay ogaadaan inaysan jirin goob ay kaga badbaadi karaan Xarakada Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/4/2012 7:48 AM EST
Jimco, May 04, 2012 — COL Cabaas Ibraahim Gurey oo kamid ah saraakiisha hogaamineysa ciidamada dowladda KMG ee howlgalka ka wada gobolka Gedo ayaa sheegay in dhawaan ay qorsheynayaan weerar ballaaran oo ay ku qaadaan magaalada Baardheere ee gobolka Gedo.

5/4/2012 7:47 AM EST
Jimco, May 04, 2012 — Maamulka xarakada Al-shabaab ee magaalada Bu'aale ee gobolka Jubada Dhexe ayaa gobolka ka eryay qaar katirsan odayaal dhaqameedyo caan ka ah gobollada Jubooyinka.

5/4/2012 7:44 AM EST
Jimco, May, 04, 2012 (HOL) -- Wararka laga hellayo degmada Maxaas ee gobollka Hiiraan ayaa sheegaya in ay halkaa isaga baxeen xoogagga Xarrrakada Mujaahidiinta Al-shabaab oo maalintii shalay gudaha u galay degmada.

5/4/2012 7:32 AM EST
Jimco, May 04, 2012 — Waxaa goor dhow garoonka diyaaraha caalamiga ah ee Aadan Cadde ee Muqdishoka duulay wafdi uu hogaaminayo duqa magaalada Muqdisho ahna guddoomiyaha gobolka Banaadir oo ku sii jeeda magaalada Istanbuul ee dalka Turkiga.

5/4/2012 7:16 AM EST
Xaflad ay soo qaban qaabisay kooxda waayaha cusub oo ay kasoo qeyb galeen boqolaal dad ah oo reer Eastleigh ah, isla markaana loogu magac darey (Nabadi waa nolole, Dhalinyarooy Nageeh) taasoo lagu wacyi galinayo dhalinyarada Soomaaliyeed ayaa lagu qabtay xaafada Easliegh ee magaalada Nairobi

5/4/2012 6:47 AM EST
Hay’adda u dooda xuquuqda aadanaha ee Human Rights Watch oo maantay soo bandhigtay warbixinteeda sannadlaha ah ayaa sheegtay in tacadiyo xoog leh ay ciidamada Kenya u gaystaan dadka qaxootiga ah ee Soomaalida ah.

5/4/2012 4:30 AM EST
Jimco, May 04, 2012 (HOL) — Shirka lagu soo xulayo guddiga ansixinaya dastuurka cusub ee Soomaaliya ayaa lagu wadaa in berri oo Sabti ah uu ka furmo magaalaad Muqdisho, sida madaxweyne Sheekh Shariif u sheegay warbaahinta.

5/4/2012 4:09 AM EST
Jimco, May 04, 2012 (HOL) — Madaxweynaha Soomaaliya, Sheekh Shariikh Sheekh Axmed oo shalay booqday xarunta gaadiidka booliiska oo lagu wado inuu ka furmo shirka lagu ansixinayo dastuurka cusub ee Soomaaliya, ayaa sheegay inaysan aqbali karin in dastuurka laga soo horjeesto, laakiin ay ogol yihiin in qodobbadiisa laga doodo.

5/4/2012 3:52 AM EST
Jimco, May 04, 2012 (HOL) — Dawladda hoose ee magaaladda Hargeysa, ayaa tan iyo sidii roobabkii u xidheen biyo mareenaddii ku mashquulsan sidii ay u furi lahaayeen biyo mareenadda ay camuudda iyo khashinku awday.

5/4/2012 3:48 AM EST
Jimco, May 04, 2012 (HOL) — Xoogagga Ahlusunna Waljamaaca ayaa ku toogtay degmada Dhuusomareeb ee gobolka Galguduud laba qof oo ka mid ahaa kuwii loosoo qabtay weerarkii ismiidaaminta ahaa ee Talaadiid lasoo dhaafay ka dhacay xarunta gobolka Galguduud.

5/4/2012 3:35 AM EST
Jimco, May 04, 2012 (HOL) — Madaxweynaha Kenya, Mwai Kibaki ayaa weydiistay beesha caalamka shalay oo Khamiis ahayd in gacan laga siiyo dowladdiisa sidii dib loogu celin lahaa qoxootiga Soomaalida gudaha dalkooda, gaar ahana goobihii laga saaray Al-shabaab.

5/4/2012 3:09 AM EST
Jimco, May 04, 2012 (HOL) — Kooxo hubeysan ayaa xalay weerar ku qaaday guri ay deggenaayeen ciidamada dowladda KMG ah ee Soomaaliya oo ku yaalla degmada Wardhiigley ee gobolka Banaadir, gaar ahaan xaafadda Xamarjadiid.

5/4/2012 2:56 AM EST
Jimco, May 04, 2012 (HOL) — Markii afaraad sannadkan oo keliya ayaa waxaa lagu weeraray xalay madaxtooyada Soomaaliya madaafiic culus, kuwaasoo qaarkood ku dhacay gudaha xarunta madaxtooyada, halka kuwo kalena ay ku dhaceen goobaha ku dhow.