11/14/2018
Today from Hiiraan Online:  _
Wararka Maanta- Jimco, May 4 , 2012
Human Rights Watch oo soo bandhigtay tacadiyada ay ciidamada Kenya ku hayaan qaxootiga Soomaalida


Jimco, May 04, 2012 (HOL) - Hay’adda u dooda xuquuqda aadanaha ee Human Rights Watch oo maantay soo bandhigtay warbixinteeda sannadlaha ah ayaa sheegtay in tacadiyo xoog leh ay ciidamada Kenya u gaystaan dadka qaxootiga ah ee Soomaalida ah.

Human Rights Watch ayaa sheegtay in xadgudubyada ugu badan ay ka dhacaan xuduuda ay wadagaan Soomaaliya iyo Kenya, iyadoo ciidamada Kenya ay tacadiyo u gaystaan dadka Soomaalida ah iyagoo ka jawaabaya weerarada uga yimaada kooxaha maleeshiyaadka ah.

Mid kamid ah kiisaska ay Human Rights Watch soo bandhigtay ayaa ka sheekaynaysa gabar Soomaaliya oo uu kufsaday askari Kenyaati ah, taasoo ka dhacday xerada qaxootiga ee Dhadhaab xilli ay ciidamada Kenya hawlgal ka fulinayeen halkaas bishii December ee sannadkii 2011ka.

Human Rights Watch ayaa warbixinteeda kaga hadashay in ciidamada Kenya ay dadka qaxootiga ah kula kacaan falal isugu jira kufsi,dhac iyo waliba jirdil.

Waxaana ay hay’adu sheegtay in dawladda Kenya ay u saartay guddi baaritaan ku sameeya tacadiyada lagu eedaynayo ciidankooda.

Human Rights Watch oo maanta warbixintan ku soo bandhigtay magaalada Nairobi  ayaa ka digtay sii socoshada gabood fallada ka dhanka ah xuquuqda bini’aadamka iyo tacadiyada ay ciidamada Kenya u gaystaan dadka qaxootiga ah, gaar ahaanna xilliyada ay socdaan hawlgallada lagu baadi goobayo kooxaha looga shakisanyahay inay  fuliyaan weerarada ka dhanka ciidamada ammaanka ee Kenya.

Dawlada Kenya wali wax jawaab ah kama bixin eedaymaha loo soo jeediyay ciidankeeda, balse warbixin noocaan oo kale oo sannadkii hore ay Human Rights Watch soo bandhigtay ayay dawladu sheegtay inay baaritaan ku samayn doonto askarta sameeya ficillo ka dhan ah xuquuqda aadanaha.

Axmed Cabdisamad, Hiiraan Online
[email protected]
Nairobi , Kenya






Click here
5/4/2012 7:48 AM EST
Jimco, May 04, 2012 — COL Cabaas Ibraahim Gurey oo kamid ah saraakiisha hogaamineysa ciidamada dowladda KMG ee howlgalka ka wada gobolka Gedo ayaa sheegay in dhawaan ay qorsheynayaan weerar ballaaran oo ay ku qaadaan magaalada Baardheere ee gobolka Gedo.

5/4/2012 7:47 AM EST
Jimco, May 04, 2012 — Maamulka xarakada Al-shabaab ee magaalada Bu'aale ee gobolka Jubada Dhexe ayaa gobolka ka eryay qaar katirsan odayaal dhaqameedyo caan ka ah gobollada Jubooyinka.

5/4/2012 7:44 AM EST
Jimco, May, 04, 2012 (HOL) -- Wararka laga hellayo degmada Maxaas ee gobollka Hiiraan ayaa sheegaya in ay halkaa isaga baxeen xoogagga Xarrrakada Mujaahidiinta Al-shabaab oo maalintii shalay gudaha u galay degmada.

5/4/2012 7:32 AM EST
Jimco, May 04, 2012 — Waxaa goor dhow garoonka diyaaraha caalamiga ah ee Aadan Cadde ee Muqdishoka duulay wafdi uu hogaaminayo duqa magaalada Muqdisho ahna guddoomiyaha gobolka Banaadir oo ku sii jeeda magaalada Istanbuul ee dalka Turkiga.

5/4/2012 7:16 AM EST
Xaflad ay soo qaban qaabisay kooxda waayaha cusub oo ay kasoo qeyb galeen boqolaal dad ah oo reer Eastleigh ah, isla markaana loogu magac darey (Nabadi waa nolole, Dhalinyarooy Nageeh) taasoo lagu wacyi galinayo dhalinyarada Soomaaliyeed ayaa lagu qabtay xaafada Easliegh ee magaalada Nairobi

5/4/2012 4:30 AM EST
Jimco, May 04, 2012 (HOL) — Shirka lagu soo xulayo guddiga ansixinaya dastuurka cusub ee Soomaaliya ayaa lagu wadaa in berri oo Sabti ah uu ka furmo magaalaad Muqdisho, sida madaxweyne Sheekh Shariif u sheegay warbaahinta.

5/4/2012 4:20 AM EST
Jimco, May 04, 2012 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo wareysi siiyay idaacadda Andulus oo ku hadasha codka Al-shabaab ayaa sheegay inay ku guuleysteen inay fashiliyaan shir lagu doonayay in dhibaatooyin looga abuuro gobollada dhexe oo muddo sannad ah lasoo qorsheynayay.

5/4/2012 4:09 AM EST
Jimco, May 04, 2012 (HOL) — Madaxweynaha Soomaaliya, Sheekh Shariikh Sheekh Axmed oo shalay booqday xarunta gaadiidka booliiska oo lagu wado inuu ka furmo shirka lagu ansixinayo dastuurka cusub ee Soomaaliya, ayaa sheegay inaysan aqbali karin in dastuurka laga soo horjeesto, laakiin ay ogol yihiin in qodobbadiisa laga doodo.

5/4/2012 3:52 AM EST
Jimco, May 04, 2012 (HOL) — Dawladda hoose ee magaaladda Hargeysa, ayaa tan iyo sidii roobabkii u xidheen biyo mareenaddii ku mashquulsan sidii ay u furi lahaayeen biyo mareenadda ay camuudda iyo khashinku awday.

5/4/2012 3:48 AM EST
Jimco, May 04, 2012 (HOL) — Xoogagga Ahlusunna Waljamaaca ayaa ku toogtay degmada Dhuusomareeb ee gobolka Galguduud laba qof oo ka mid ahaa kuwii loosoo qabtay weerarkii ismiidaaminta ahaa ee Talaadiid lasoo dhaafay ka dhacay xarunta gobolka Galguduud.

5/4/2012 3:35 AM EST
Jimco, May 04, 2012 (HOL) — Madaxweynaha Kenya, Mwai Kibaki ayaa weydiistay beesha caalamka shalay oo Khamiis ahayd in gacan laga siiyo dowladdiisa sidii dib loogu celin lahaa qoxootiga Soomaalida gudaha dalkooda, gaar ahana goobihii laga saaray Al-shabaab.

5/4/2012 3:09 AM EST
Jimco, May 04, 2012 (HOL) — Kooxo hubeysan ayaa xalay weerar ku qaaday guri ay deggenaayeen ciidamada dowladda KMG ah ee Soomaaliya oo ku yaalla degmada Wardhiigley ee gobolka Banaadir, gaar ahaan xaafadda Xamarjadiid.

5/4/2012 2:56 AM EST
Jimco, May 04, 2012 (HOL) — Markii afaraad sannadkan oo keliya ayaa waxaa lagu weeraray xalay madaxtooyada Soomaaliya madaafiic culus, kuwaasoo qaarkood ku dhacay gudaha xarunta madaxtooyada, halka kuwo kalena ay ku dhaceen goobaha ku dhow.