8/3/2021
Today from Hiiraan Online:  _
Wararka Maanta- Arbaco, Jun 27, 2012
Guddoomiyaha Jaaliyadda Soomaaliyeed ee dalka Holland oo Muqdisho kula kulmay Dhallinyarada Soomaaliyeed



Arbaco, June 27, 2012 (HOL) — Guddoomiyaha jaaliyadda Soomaalida ee dalka Holland ahna guddoomiyaha xisbiga mideynta dhallinyarada Soomaaliyeed, Maxamed Abuukar Sheekh Xasan (M. Deeq) oo dhawaan soo gaaray Muqdisho ayaa degmada Dharkeynley ee Muqisho kula kulmay boqolaal dhallinyaro Soomaaliyeed ah.

Guddoomiyaha xisbiga mideynta dhallinyarada Soomaaliyeed ee SYUP ayaa sheegay in dalka ay ka sameynayaan xarumo ay dhallinyaradu isugu yimaadeen, isagoo hadal dheer oo uu u jeediyay dhallinyarada ku xusay in dhallinyradu yihiin awooda kaliya ee sameyn karta waxa ku haminayaan.

"Dhallinyaradu waa kuwa iyagoo aan hub wadan awoodii ka tuuray dowlado xoogag waaweyn oo ka jiray dalalka Carabta qaarkood, waxaana hubaa haddii aad isku-xir sameysaan inaad gaari doontiin yoolkiina," ayuu yiri guddoomiyaha xisbiga SYUP.

Maxamed Deeq oo arrimo badan ka hadlay ayaa wuxuu ka hadlay ololaha ay dalka Holland ka wadaan dhallinyarada Soomaaliyeed ee halkaasi ku nool, isagoona xusay in magaalada Muqdisho ay kusoo jeedaan 820-dhallinyaro ah, kuwaasoo doonaya inay bisha dambe Muqdisho ka billaabi doonaan olole nadaafadeed oo ay kusoo celinayaan bilicda caasimadda.

"Soomaaliya way kasoo daashay shirar dib u heshiisiin, Roadmap-kana waa mid aan la yaabannahay ," ayuu yiri, isagoo xusay in Soomaaliya aanay suuro-gal ka ahayn nidaam dowli ah inuu ka dhasho maadaama aanay jirin dal iyo dad la maamulo.

Wuxuu hadalkiisa ku daray: "Annaga uma aragno in Soomaaliya inta dalku sidaan yahay in la raadsho madaxtinimo." isagoo tilmaamay in loo baahan yahay in marka hore dalka lagu sameeyo dib-u-dhis, lana horumariyo aqoonta shacabka si iyagu ay u doortaan ciddii xukumi lahayd.

Dhinaca kale; mas'uulkan ayaa waxaa su'aallo weydiiyay suxufiyiintii kulankaas ka qaybgalay iyo dhallihyaradii uu la hadlayay, waxaana su'aalaha intooda badan ay ku saabsanaayeen waxyaabaha uu xisbigu kusoo kordhin karo dhalliyarada, isagoo si wanaagsan uga jawaabay su'aalahaas.






Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/27/2012 8:40 AM EST
Arbaco, June 27, 2012 (HOL) — Wararka ka imaanaya degmada Baydhabo ayaa waxay sheegayaan in ciidamada Itoobiya iyo kuwa DKMG ee ku sugan degmadaas ay toogasho ku dileen saddex dagaalyahan oo ka tirsan Xarakada Al-shabaab.


6/27/2012 7:46 AM EST
Arbaco, June 27, 2012 (HOL) — Xaflad si weyn loo soo agaasimay oo lagu xusayey maalintii calankii ugu horeeyey ee soomaali yeelato laga taagay magaaladda Hargeysa ee 26 june, 1960, ayaa xalay si weyn dabaaldeg loogu sameeyey xarunta madaxtooyadda Somaliland ee magaaladda Hargeysa.

6/27/2012 7:43 AM EST
Arbaco, June 27, 2012 (HOL) — Madaxweynaha Jabuuti, Ismaaciil Cumar Geelle oo ka hadlayay munaasabad maanta loo qabtay 35-sano guuradii kasoo wareegtay markii Jabuuti ay xorriyadeeda ka qaadatay gumeystihii Faransiiska ayaa sheegay inay wax walba ku garab-istaagayaan shacabka Soomaaliyeed iyo dowladdooda.

6/27/2012 6:34 AM EST
Arbaco, June 27, 2012 (HOL) — Ugu yaraan 43-qof oo la rumeysan yahay inay kala ahaayeen Soomaaliya iyo Itoobiya ayaa laga helay maydadkooda gaari booyad ah oo ay doonayeen inay kaga tallaabaan xuduudda dalka Tanzania.

6/27/2012 6:04 AM EST
Arbaco, June 27, 2012 (HOL) — Kulan magaalada Beledweyne ku dhaxmaray mas’uuliyiinta maamulka gobolka Hiiraan iyo saraakiisha ciidamada dowlada Itoobiya ee gacanta militari siinaya maamulka gobollka, ayaa si gaar ah diirada loogu saaray xaalada nabad-galyo ee magaalada Beledweyne.

6/27/2012 4:36 AM EST
Arbaco, June 27, 2012 (HOL) — Warsaxaafadeed kasoo baxay Al-shabaab ayaa lagu sheegay in weerar gaadmo ah oo ka dhacay deegaanka Haluqa oo ku dhow xadka ay wadaagaan Soomaaliya iyo Kenya ay ku dileen askar badan oo Kenya ah kuwo kalena ay ku dhaawacmeen.

6/27/2012 4:17 AM EST
Arbaco, June 27, 2012 (HOL) — Madaxweynaha dalka Burundi, Pierre Nkurunziza ayaa sheegay in ciidamada dalkiisa ee ku sugan Soomaaliya ay halkaas isaga soo bixi doonaan markii ay dhameeyaan howsha nabadda lagu raadinayo, sidoo kalena ay fasaxdo dowladda Soomaaliya oo ay caawinayaan.

6/27/2012 4:02 AM EST
Arbaco, June 27, 2012 (HOL) — Taliyaha Booliska Somaliland Jen. Cabdilaahi Fadal Iimaan ayaa sheegay inay gacanta kusoo dhigeen ninkii ka dambeeyey toogashadii guddoomiyaha maxkamadda gobolka Hargeysa ee dhowaanta lagu toogtay bariga magaaladda Hargeysa.

6/27/2012 3:59 AM EST
Arbaco, June 27, 2012 (HOL) — Madaxweynayaasha Soomaaliya, Sheekh Shariif Sheekh Axmed iyo Somaliland, Axmed Maxamed Maxamuud (Siilaanyo) ayaa lagu wadaa inay maalmaha soo socda ku kulmaan magaalada Dubai ee isu-tagga Imaaraadka Carabta.

6/27/2012 3:56 AM EST
Arbaco, June 27, 2012 (HOL) — Guddoomiyaha jaaliyadda Soomaaliyeed ee dalka Talyaaniga, Cusman Maxamed Gacal ayaa ku dhawaaqay inuu yahay murashax u taagan ka qaybgala doorshooyinka madaxweyne ee Soomaaliya ee dhacaya bisha Ogoosto sannadkan.