12/16/2019
Today from Hiiraan Online:  _
Wararka Maanta- Sabti, Jun 23, 2012
Madaxweynaha Puntland oo ku taliyay in lasoo doorto hoggaamiyeyaal Soomaaliya ka bixin kara dhibaatada ay ku jirto


Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

C/raxmaan Faroole oo wareysi siinayay BBC-da ayaa sheegay inuu ku faxsan yahay go'aannadii kasoo baxay shirkii kusoo dhamaaday Nairobi, wuxuuna sheegay inuu rajo weyn ka qabo in go'aannadaas ay u fuli karaan sidii loogu talogalay.

"Waxaan rajeynayaa in go'aannadii kasoo baxay shirkaas loo fulinayo sida ay yihiin, waxaana aaminsanahay in dadka meesha isugu yimid cid walba ay qaadi karto mas’uuliyadda ay ummadda u hayso," ayuu yiri madaxweyne Faroole.

Madaxweynaha Puntland wuxuu sidoo kale sheegay inay muhiim tahay in laga fiirsado siyaasiyiinta xil-doonka ah maadaama ay muhiim tahay in la helo dad dalka dhibtada uu ku jiro ka bixin kara.

Odayaasha dhaqaanka ee soo xulaya ergada ansixinaysa dastuurka isla markaana soo xulaya xildhibaannada cusub ayuu ugu baaqay inay ka fiirsadaan dadka ay soo xulayaan isagoo ku baaqay inay keeaan madax u dhiganta kuwii xiligii xoriyadda.

"Waa in aysan dadka xil doonka ahi si xun wax ku raadin, waayo meeshu ma ahan meel loo shaqo doonto, xamaalina ma ahan, waxaa la doonayaa dad xilkaas u qaadi kara Soomaaliya," ayuu Faroole mar kale yiri isagoo hadalkiisa daba-dhigay: "Waa in odayaasha dhaqanku ay soo xulaan dad ka saari kara dalka caqabadda uu maanta ku jiro."

Madaxweynaha Puntland ayaa hadalkiisa kusoo beegay iyadoo shalay oo Jimco ahayd lagu soo gabgabeeyay shir ay saxiixayaasha Roadmap-ka uga socday Nairobi muddo saddex maalmood, kaasoo intiisa badan looga hadlay dastuurka dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:19 AM EST
Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 8:01 AM EST
Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 7:04 AM EST
Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:43 AM EST
Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

6/23/2012 3:28 AM EST
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.