3/28/2024
Today from Hiiraan Online:  _
Wararka Maanta- Khamiis, Aug 2 , 2012
Guriga Guddoomiyaha Degmada Laascaanood oo bam lagu weeraray iyo Barakacayaal baaq u diray Somaliland
Khamiis, Ogoosto 02, 2012 (HOL) — Dablay aan la aqoonsan ayaa xalay bambaano ku weeraray guriga maayarka ama guddoomiyaha degmada Laascaanood ee gobolka Sool, Faarax Cabdi Yare.

Haseyeeshee lama sheegin cid wax ku noqotay marka laga reebay askari ilaalo u ahaa maayarka oo dhaawac fudud ka soo gaadhay, waxaanu maayarkani shaqadda hayey muddo kayar labaatan cisho.

Magaaladda Laascaanood ayaa inta badan waxa ka dhaca dilal qorshaysan oo lagu beegsanayo masuuliyiinta gobolka Sool, ilaa hadana cid loo qabtay falalkaasi ma jiraan, wallow masuuliyiinta ku af gobaadsadaan in baadhitaan wadaan, haseyeeshee cid rasmi ah oo loo soo qabtay ma jiraan.

Dhinaca kale, Barakacayaasha magaaaladda Laascaanood ayaa shalay isku soo bax cabasho ah ka sameeyey magaaladda Laascaanood, kuwaas oo dawladda ka dalbanayey inay hoos u eegto baahiyahoodda, maadaama oo aanay wax shaqo ah hayn, oo ay u baahan yihiin taakuleyn iyo gurmad loo fidiyo.

“Waxa na haysto nolol xumo, bishii Ramadaan  gaajo ayaa na dishay , Somaliland nabad waana ku haysanaa,laakiin noloshii way xun tahay , caruurtii  waa ay macaluuleen, habeenkii waxba looma kariyo”ayuu yidhi mid ka mid ah barakacayaasha oo dawladda baaq u dirayey.

Barakacayaashan ayaa ka cabanayey daryeel la’aan nolosha ka haysta iyo xukuumadda oo aan ka war hayn, iyadoo sheegay in nabad mooyee noloshii kale iyo wax ay ku noolaadaan aanay haysan, sidaa darteed baaq u diray in loo gargaaro.

Barkhad-Ladiif M. Cumar, Hiiraan Online  
[email protected]
Hargeysa, Somaliland












Click here
8/2/2012 4:46 PM EST
Khamiis, August 2, 2012 (HOL) - Waxaa maanta xarigga laga jaray labo kamid ah jidadka waaweyn ee magaalada Boosaaso kuwaas oo bilihii u danbeeyey dayactirkooda lagu howlanaa.

8/2/2012 10:00 AM EST
Khamiis, Ogoosto 02, 2012 (HOL)- Dawladda Hoose ee Degmadda Boorame waaxdeeda Fayo dhawrka ayaa hawlgal ay ka sameeyeen bakhaaradda magaaladaasi ku soo ururiyey Badeecado wakhtigii isticmaalkoodu dhacay oo la iibinayey.

8/2/2012 9:12 AM EST
Khamiis, Ogoosto 02, 2012 (HOL) — Dastuurka KMG Soomaaliya oo shalay aqlabiyad lagu ansixiyay ayaa wuxuu dambi ka dhigayaa gudniinka fircooniga ah ee haweenka, iyadoo lagu tilmaamay gudniinkaas inuu la mid yahay jidil loo geysanayo haweenka.

8/2/2012 8:30 AM EST
Khamiis, Ogoosto 02, 2012 (HOL) — Maamulka Somaliland ayaa guul ku tilmaamay ansixinta dastuurka KMG ah ee Soomaaliya oo shalay lagu ansixiyay Muqdisho, iyagoo sheegay inuu fududeyn karo in Soomaaliya ay dhibaatada ka baxdo.

8/2/2012 7:28 AM EST
Khamiis, Ogoosto 02, 2012 (HOL) — Kooxo hubeysan ayaa baqonimadii maanta ku toogtay degmada Baladweyne ee xarunta gobolka Hiiraan, Inj. Cali Xaaji Shirwac iyadoo kooxaha dilka geystay ay u suurogashay inay ka baxsadeen goobta.

8/2/2012 6:40 AM EST
Khamiis, August 02, 2012 (HOL) - Allaha naxariistee marxuum Cabdi Jeylani Malaaq "Marshaale" ayaa si weyn loogu aasay magaalada Muqdisho ayada oo dad aad u farabadan ka soo qayb-galeen aaskiisa.

8/2/2012 4:29 AM EST
Khamiis, Ogoosto 02, 2012 (HOL) — Taliyaha nabadsugidda gobolka Banaadir, Col. Khaliif Axmed Ereg ayaa saakay ka badbaaday qarax miino oo la doonayay in lagu qaarijiyo, iyadoo saraakiisha dowladdu ay sheegeen inay qaraxaas u qabteen hal qof.

8/2/2012 4:12 AM EST
Khamiis, Ogoosto 02, 2012 (HOL) — Shirkadda isgaarsiinta Hormuud oo ka mid ah shirkadaha isgaarsiinta ee ka howlgala Soomaaliya ayaa waxay shalay ugu deeqday matoor weyn oo dab-dhaliye ah isbitaalka Madiina ee magaalada Muqdisho.

8/2/2012 4:00 AM EST
Khamiis, Ogoosto 02, 2012 (HOL) — Guddoomiyaha degmada Huriwaa, Cumar Jacfaan oo la hadlay saxaafadda ayaa ku eedeeyay ciidamada dowladda KMG ah inay dhac, dil iyo kufsi ka geystaan degmadaas, isagoo ka dalbaday mas'uuliyiinta dowladda inay ka hortagaan falalka ay ciidamadu ka geysanayaan degmadaas.

8/2/2012 4:00 AM EST
Khamiis, Ogoosto 02, 2012 (HOL) — Dowladda Puntland ayaa si weyn u soo dhoweysay ansixinta dastuurka cusub ee dalka oo shalay 01-08-2012 ergooyinkii loo xil saaray ay cod aqlabiyad leh ku meel mariyeen.

8/2/2012 3:51 AM EST
Khamiis, Ogoosto 02, 2012 (HOL) — Xarakada Al-shabaab oo dagaal kula jirta DKMG ah iyo AMISOM ayaa sheegtay in ergadii ansixisay dastuurka KMG ah ee Soomaaliya ay ugu xukuman yihiin dil toogasho ah, iyadoo taas sabab uga dhigtay inay meel-mariyeen dastuur ay sheegeen inuu diinta Islaamka kasoo horjeedo.