3/28/2024
Today from Hiiraan Online:  _
Wararka Maanta- Khamiis, Aug 2 , 2012
Xarakada Al-shabaab oo sheegtay inay dil ugu xukuman yihiin ergooyinkii Ansixiyay dastuurka KMG ah ee Soomaaliya

Khamiis, Ogoosto 02, 2012 (HOL) — Xarakada Al-shabaab oo dagaal kula jirta DKMG ah iyo AMISOM ayaa sheegtay in ergadii ansixisay dastuurka KMG ah ee Soomaaliya ay ugu xukuman yihiin dil toogasho ah, iyadoo taas sabab uga dhigtay inay meel-mariyeen dastuur ay sheegeen inuu diinta Islaamka kasoo horjeedo.

Guddoomiyaha gobolka Banaadir ee Al-shabaab, Sheekh Maxamed Xasan Cumar (Abuu-C/raxmaan) oo la hadlayay warbaahin ku hadasha afka Al-shabaab ayaa ku dhawaaqay inay meel walba ku beegsan doonaan cid walba oo gacan ka geysatay dastuurka KMG ah ee shalay la ansixiyay.

"Cid walba oo ka qaybqaadatay ansixinta dastuurka waxaan caddeynaynaa inay dil noogu xukuman tahay meel walba oo ay joogaanna aan ku beegsan doonno," ayuu yiri Sheekh Abuu-C/raxmaan oo intaas ku daray in dastuurka la ansixiyay uu yahay mid looga horjeedo diinta Islaamka.

Ergooyinkii ansixinta dastuurka ayaa shalay oo Arbaco ahayd waxay cod aqlabiyad ah ku ansixiyeen dastuurka, iyadoo maamullada dalka ka jira ay soo dhaweeyeen ansixinta dastuurka, madaxda dowladda KMG ah ay sheegeen in Somalia ay hadda yeelatay dastuur.

Dhanka kale, afhayeenka Xarakada Al-shabaab, Sheekh C/casiis Abuu-Muscab ayaa sheegay inay iyagu mas'uul ka ahaayeen weerarradii ismiidaaminta ahaa ee shalay laug weeraray xarunta uu ka socday shirka ansixinta dastuurka, wuxuuna xusay in weerarradaas ay fuliyeen laba xubnood oo iyaga ka tirsan.

Ugu dambeyn, Sheekh Abuu-muscab wuxuu sheegay in weerarkaas ay ku dileen askar ka tirsan ciidamada dowladda KMG ah, balse mas'uuliyiinta dowladda ayaa sheegay inay weerarkaas ka hortageen uusan wax khasaare ah u geysan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/2/2012 4:46 PM EST
Khamiis, August 2, 2012 (HOL) - Waxaa maanta xarigga laga jaray labo kamid ah jidadka waaweyn ee magaalada Boosaaso kuwaas oo bilihii u danbeeyey dayactirkooda lagu howlanaa.

8/2/2012 10:00 AM EST
Khamiis, Ogoosto 02, 2012 (HOL)- Dawladda Hoose ee Degmadda Boorame waaxdeeda Fayo dhawrka ayaa hawlgal ay ka sameeyeen bakhaaradda magaaladaasi ku soo ururiyey Badeecado wakhtigii isticmaalkoodu dhacay oo la iibinayey.

8/2/2012 9:12 AM EST
Khamiis, Ogoosto 02, 2012 (HOL) — Dastuurka KMG Soomaaliya oo shalay aqlabiyad lagu ansixiyay ayaa wuxuu dambi ka dhigayaa gudniinka fircooniga ah ee haweenka, iyadoo lagu tilmaamay gudniinkaas inuu la mid yahay jidil loo geysanayo haweenka.

8/2/2012 8:30 AM EST
Khamiis, Ogoosto 02, 2012 (HOL) — Maamulka Somaliland ayaa guul ku tilmaamay ansixinta dastuurka KMG ah ee Soomaaliya oo shalay lagu ansixiyay Muqdisho, iyagoo sheegay inuu fududeyn karo in Soomaaliya ay dhibaatada ka baxdo.

8/2/2012 8:29 AM EST
Khamiis, Ogoosto 02, 2012 (HOL) — Dablay aan la aqoonsan ayaa xalay bambaano ku weeraray guriga maayarka ama guddoomiyaha degmada Laascaanood ee gobolka Sool, Faarax Cabdi Yare.

8/2/2012 7:28 AM EST
Khamiis, Ogoosto 02, 2012 (HOL) — Kooxo hubeysan ayaa baqonimadii maanta ku toogtay degmada Baladweyne ee xarunta gobolka Hiiraan, Inj. Cali Xaaji Shirwac iyadoo kooxaha dilka geystay ay u suurogashay inay ka baxsadeen goobta.

8/2/2012 6:40 AM EST
Khamiis, August 02, 2012 (HOL) - Allaha naxariistee marxuum Cabdi Jeylani Malaaq "Marshaale" ayaa si weyn loogu aasay magaalada Muqdisho ayada oo dad aad u farabadan ka soo qayb-galeen aaskiisa.

8/2/2012 4:29 AM EST
Khamiis, Ogoosto 02, 2012 (HOL) — Taliyaha nabadsugidda gobolka Banaadir, Col. Khaliif Axmed Ereg ayaa saakay ka badbaaday qarax miino oo la doonayay in lagu qaarijiyo, iyadoo saraakiisha dowladdu ay sheegeen inay qaraxaas u qabteen hal qof.

8/2/2012 4:12 AM EST
Khamiis, Ogoosto 02, 2012 (HOL) — Shirkadda isgaarsiinta Hormuud oo ka mid ah shirkadaha isgaarsiinta ee ka howlgala Soomaaliya ayaa waxay shalay ugu deeqday matoor weyn oo dab-dhaliye ah isbitaalka Madiina ee magaalada Muqdisho.

8/2/2012 4:00 AM EST
Khamiis, Ogoosto 02, 2012 (HOL) — Guddoomiyaha degmada Huriwaa, Cumar Jacfaan oo la hadlay saxaafadda ayaa ku eedeeyay ciidamada dowladda KMG ah inay dhac, dil iyo kufsi ka geystaan degmadaas, isagoo ka dalbaday mas'uuliyiinta dowladda inay ka hortagaan falalka ay ciidamadu ka geysanayaan degmadaas.

8/2/2012 4:00 AM EST
Khamiis, Ogoosto 02, 2012 (HOL) — Dowladda Puntland ayaa si weyn u soo dhoweysay ansixinta dastuurka cusub ee dalka oo shalay 01-08-2012 ergooyinkii loo xil saaray ay cod aqlabiyad leh ku meel mariyeen.