3/18/2024
Today from Hiiraan Online:  _
Wararka Maanta- Arbaco, Aug 15, 2012
Xogyayaha Guud ee Qarammada Midoobay oo ka digay dib u dhac ku yimaada Xulista Xidhibaannada Baarlamaanka Cusub
Arbaco, Ogoosto 15, 2012 (HOL) — Xoghayaha guud ee Qaramada Midoobay, Ban Ki-Moon ayaa ka digay Talaadadii shalay inuu dib u dhac ku yimaado xulista xubnaha baarlamaanka KMG ah ee Soomaaliya.

Afhayeenka Ban Ki-Moon ayaa sheegay in golaha ammaanka ee Qaramada Midoobay ay tallaabo ka qaadi doonaan koox walba ama shaqsi kasta oo ka hortimaadda qorshaha lagu xasilinayo Soomaaliya oo aysan muddo 20-sano ku jiray fowdo iyo colaado.

"Xilliga shaqo ee dowladda KMG ah ee ku eedeysan musuqmaasuqa wuxuu ku eg-yahay 20-ka Ogoosto ee sannadkan, waxaana odayaasha beelaha Soomaaliyeed laga doonayaa inay xildhibaannada soo xulaan si ay u doortaan hoggaan cusub," ayaa lagu yiri war kasoo baxay xafiiska Ki-Moon.

Sidoo kale qoraalka ayaa lagu sheegay in toddobaadyadii ugu dambeysay ay jireen doodo siyaasadeed oo u dhexeeyay siyaasiyiinta Soomaalida. Qaramada Midoobay iyo ururka Midowgta Yurub ayaa muujiyay walaacooda ku aaddan in howlaha looga baxayo xilliga KMG ah uu dib u dhac ku imaan karo.

"Dib u dhac ku yimaadda xulista xildhibaannada baarlamaanka cusub ee Soomaaliya waxaa loo arkaa mid khatar ah," ayuu yiri afhayeenka xoghayaha guud oo lagu magacaabo, Martin Nesirky, isagoo sheegay inaan la ogolaan doonin in la jaha-wareejiyo ka bixitaanka xilliga KMG ah.

Ki-Moon ayaa ugu yeeray hoggaamiyeyaasha siyaasadda Soomaalida, odayaasha dhaqanka iyo dhinacyada kale inay ka gudbaan kala fikir-duwanaashaha u dhexeeya  ayna ka shaqeeyaan danaha shacabka Soomaaliyeed.

"Waa in odayaasha dhaqanka waa inay ka fogaadaan wax is-daba-marin. Sidoo kale guddiga farsamo ee xulista baarlamaanka waa inay howshooda u gubtaan si aanay cabsi ku jirin oo hufan," ayuu yiri Ban Ki Moon.

Bisha Ogoosto ee sannadkan ayaa lagu wadaa in Soomaaliya ay ka gudbto KMG-ka oo 12-sano ay ku shaqeynayeen dowladihii soo maray, iyadoo lagu wado in loo dhiso Soomaaliya dowlad joogto ah oo go'aannadeeda u madaxbannaan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/15/2012 3:38 PM EST
Shir aan caadi ahayn ayaa dalalka Islaamka uga furmay dalka Boqortooyada Sacuudiga. Shirkaas ayaa looga hadlayaa dhibaatada ka taagan dalka Suuriya.

8/15/2012 10:49 AM EST
Arbaco, August 15, 2012(HOL): Madaxweynaha Soomaaliya Shiikh Shariif Shiikh Axmed oo maanta ka soo laabtay dalka Boqortooyada Sacuudiga oo uu uga qeybgalay Shirkii waddamada Islaamka ayaa shir jaraa’id oo uu ku qabtay xarunta Madaxtooyada waxaa uu uga warramay hanjabaado loo jeediyay guddiga soo xulaya xubnaha baarlamaanka Soomaaliya, saameynta Xukuumadda Soomaaliya ay leedahay xilligan iyo waxyaabihii looga hadlay shirkii waddamada Islaamka ee uu ka qeybgalay.

8/15/2012 9:39 AM EST
Arbaco, Ogoosto, 15, 2012 (HOL)-Maleeshiyo watay dhawr gaadhi ayaa shalay galab afar qof oo xoolo dhaqato ah ku afduubtey meel u dhexeysa deegaanka Sool-Joogto iyo Buuhoodle, kuwaas oo la sheegay in lala tagay degmadda Buuhoodle oo hadda lagu hayo.

8/15/2012 9:36 AM EST
Danjiraha dawlada Britain u qaablisan arrimaha Soomaaliya Matt Baugh ayaa rajo ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

8/15/2012 7:53 AM EST
Arbaco, Ogoosto 15, 2012 (HOL) — Tifaftirhii laanta Af-Soomaaliga ee BBC-da, Yuusuf Garaad Cumar Axmed ayaa maanta kaga dhawaaqay Muqdisho inuu yahay murashax u taagan xilka madaxnimo ee Soomaaliya, isagoo sheegay in haddii uu ku guuleysto doorashada uu ka shaqeyn doono nabadda iyo dib u heshiisiinta.

8/15/2012 7:20 AM EST
Arbaco, Ogoosto 15, 2012 (HOL) — Wararka aynu ka heleyno deegaanka Hoosingoow ee gobolka jubada Hoose ayaa sheegaya in deegaan lagu magacaabo Waraaq oo qiyaastii 30 KM u jira deegaanka Hoosingoow ay ku dagaalameen laba beelood, kadib markii uu soo dhexgalay muran ku saabsan dhul.

8/15/2012 6:42 AM EST
Arbaco, Ogoosto 15, 2012 (HOL) — Magaalada Baladweyne ee xarunta gobolka Hiiraan ayaa galinkii danbe ee maalintii shalay lagu soo gabagabeeyay tartan kubada cagta ah oo lagu maamuusayay ama loo dhigay bisha barakeysan ee Ramadaan.

8/15/2012 6:23 AM EST
Arbaco, Ogoosto 15, 2012 (HOL) — Maraakiibta dagaal ee ku sugan xeebta magaalada Kismaayo ayaa saaka aroortii markale gantaallo dhowr ah kusoo tuuray magaalada, iyadoona ay arintaasi keentay in dagaalyahannada Al-shabaab ay iyaguna dhankooda ku tuuraan madaafiic taasoo cabsi ku abuurtay dadka ku dhaqan Kismaayo.

8/15/2012 3:56 AM EST
Arbaco, Ogoosto 15, 2012 (HOL) — Kooxo hubeysan ayaa xalay ku dilay degmada Yaaqshiid ee gobolka Banaadir guddoomiyihii Suuq Bacaad oo ah suuqa labaad ee ugu weyn Muqdisho, Siciid Fiidoow iyadoo lagu wado in maydkiisa maanta lagu aaso qubuuraha Jeneraal daa'uud ee isla degmadaas.