3/28/2024
Today from Hiiraan Online:  _
Wararka Maanta- Arbaco, Aug 1 , 2012
Ciidamada Dowladda KMG oo ka hortagay Weerar Ismiidaamin oo Maanta lagu qaaday Xarunta uu ka socday shirka Ansixinta Dastuurka

Arbaco, Ogoosto 01, 2012 (HOL) — Weerarro ismiidaamin ah ayaa lagu qaaday maanta xarunta uu shirka uga socday ergooyinka ansixinta dastuurka, waxaana mas'uuliyiin ka tirsan dowladda ay sheegeen inay ku dhinteen qaraxyadaas labadii qof ee xambaarsanaa, sidoo kalena aysan jirin cid kale oo ay dhimasho kasoo gaaray.

Wasiirka arrimaha gudaha iyo ammaanka Qaranka dowladda KMG ah, Cabdisamad Macallin Maxamuud oo la hadlay saxaafadad ayaa sheegay in ciidamada dowladda KMG ah ay ka hortageen laba qof oo waxyaabaha qarxa isku soo xiray, kuwaasoo doonayay inay isku qarxiyaan shirka, wuxuuna wasiirku sheegay in weerarkaas uu dhaawac kasoo gaaray askari ka tirsan cidamada dowladda Soomaaliya.

"Laban in oo isku soo xiray waxyaabaha qaraxa ayaa damcay inay aag ilaalo xoggan laga hayay kasoo galaan xarunta shirku ka socdo, balse ciidamadii ilaalada ka haysay xarunta oo qabay amar ah inay toogtaan cid walba oo isku dayda inay soo gasho xarunta ayaa waxay ku fureen rasaas, waxaana goobta ku dhintay labadii qof oo keliya," ayuu yiri wasiir u dowlaha wasaaradda dastuurka, Xasan Maxamed Jimcaale oo isaguna saxaafadda la hadlay.

Ergay ka tirsan xubnaha ansixinta dastuurka ayaa u sheegay HOL inay qaraxyo waaaweyn ka dhaceen halka uu shirku ka socdo, iyadoo sidoo kale goobjoogayaal ka dhow halka uu shirku ka socdo ay sheegeen inay arkayeen gaadiidka gargaarka deg-degga ah oo dhaawacyo ka qaadaya xaruntu shirka ka socdo.

Dhowr jeer oo hore ayaa lagu weeraray xarunta uu shirka uga socdo ergooyinka madaaciif, inkastoo aanay wax khasaare ah geysan, waxaase qaraxyada maanta ay noqonayaan kuwii ugu horreeyay ee khasaare geysta oo ku dhaca goobta shirku ka socdo.

Ergooyinka ansixinta dastuurka ayaa weli ku sugan xarunta uu shirku ka socdo, iyagoo sii wata howshooda ay codka ugu qaadayaan dastuurka ee Soomaaliya, waxaana wasaaradda dastuurku ay sheegtay in berri lasoo gabgabeyn doono shirka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/1/2012 6:33 PM EST
Khamiis, August 02, 2012(HOL): Magaalada Gaalkacyo ee Gobolka Mudug ayaa waxaa maanta ka dhacday doorashada madaxweynenimada maamulka Galmudug, taasi oo ay u tartameen labo musharrax oo xilkaas isu soo taagay.

8/1/2012 9:48 AM EST
Arbaco, Ogoosto 01, 2012 (HOL) — Wakiilka xoghayaha guud Qaramada Midoobay ee arrimaha Soomaaliya, danjire Augustine Mahiga ayaa sheegay inay jiraan xubno doonaya in lasoo magacaabo xildhibaanno ay iyagu wataan, isagoo sheegay inaan la aqbali karin arrinaas.

8/1/2012 9:27 AM EST
Arbaco, August 01, 2012 (HOL) - Safaarada Soomaalida ayaa bilowday deeq raashin ah oo la gaarsiinayo dadka saboolka ah ee ku nool xaafada Islii ee Soomaalidu ay ku badantahay.

8/1/2012 8:47 AM EST
Arbaco, Ogoosto 01, 2012 (HOL) — Madaxweynaha DKMG ah ee Soomaaliya, Shariif Sheekh Axmed iyo wafdi uu hoggaaminayo ayaa maanta tagay degmada Balcad ee gobolka Shabeellada dhexe oo 30-km dhinaca waqooyi kaga beegan Muqdisho.

8/1/2012 7:11 AM EST
Arbaco, Ogoosto 01, 2012 (HOL) — Munaasabad siweyn loo soo qaban qaabiyay kana dhacday saldhiga baliiska magaalada Baladweyne ee xarunta gobollka Hiiraan ayaa waxaa ka qeyb-galay guddoomiyaha gobollka Hiiraan, saraakiisha dowladda Itoobiya, iyo taliska ciidamada Jabuuti ee AMISOM.

8/1/2012 7:05 AM EST
Arbaco, Ogoosto 01, 2012 (HOL) — Dhamaan deegaanada Puntland waxaa maanta si weyn looga xusay, 1-da August oo ku beegan sanad guuradii 14-aad ee kasoo wareegtey xiligii dhidibada loo taagay maamul goboleedka Soomaaliyeed ee Puntland sanadkii 1998.

8/1/2012 5:09 AM EST
Arbaco, Ogoosto 01, 2012 (HOL) — Ergada ansixinta dastuurka qabyadaha ee Soomaaliya ayaa ku ansixiyay dastuurka cod aqlabiyad ah iyadoo ay jireen xubno ka diiday ansixinta iyo kuwo ka aamusay.

8/1/2012 4:32 AM EST
Arbaco, Ogoosto 01, 2012 (HOL) — Diyaarado nooca dagaalka oo aan illaa imika la garaneyn cida iska leh ayaa shalay ilaa maanta si weyn ugu dulwareegaya magaalada Kismaayo, iyadoona diyaaradahani ay qalqal ku abuureen shacabaka ku dhaqan magaalada Kismaayo ee xarunta gobolka jubbada hoose.

8/1/2012 4:04 AM EST
Arbaco, Ogoosto 01, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo ciidamada dowladda KMG ah, kuwa Kenya iyo xoogagga Al-shabaab ku dhexmarya deegaanka Faafax-dhuun ee gobolka Gedo.

8/1/2012 3:17 AM EST
Arbaco, Ogoosto 01, 2012 (HOL) — Halkan hoose ka daawo(Live)shirka golaha ansixinta DASTUURKA qabyada ah ee Soomaaliya, iyadoo codeynta oo gacan taag ah ay ka billaabatay xarunta uu shirku ka socdo.