3/29/2024
Today from Hiiraan Online:  _
Wararka Maanta- Jimco, Sept 28, 2012
Webiga Shabeelle oo ku fatahay xaafado ka tirsan Beledweyne kaddib Markii ay xalay ka da'een degmadaas Roobab Mahiigaan ah

Jicmo, September 28, 2012 (HOL) — Xaafadaha magaalada Baladweyne ayaa waxaa ku fatahay webiga Shabeelle, kaddib markii xalay uu magaaladaas ka da'een roobab xooggan oo geystay khasaare dhimasho oo soo gaartay dad iyo xoolo nool.

Inta badan magaalada Baladweyne ayaa waxaa buuxiyay biyo, iyadoo goobaha ugu badan ee ay biyuhu galeen ay ka mid yihiin bartamaha magaalada oo ay ku yaalleen xarumaha ganacsiga, waxaana jira khasaare xooggan oo soo gaartay ganacsatada iyo dadka shacabka ah ee magaaladaas ku dhaqan.

"Biyo badan ayaa buuxiyay magaalada, qiyaastii 70% magaalada waxaa ku jira biyo, xaafadaha qaarkood caruurta waa lagala bixi la'yahay," ayuu yiri wariyaha HOL ee Baladweyne, C/raxmaan Diini oo ku sheegay fatahaaddan inay ka dhalatay kaddib markii ay isbiirsadeen roobabkii xalay iyo webiga oo buuxay celinna waayay biyaha.

Sidoo kale, Diini wuxuu sheegay inuu daadadka ay dileen hal qof oo ahaa oday iyo kumannaan neef oo xoolo nool ah, isagoo sheegay in illaa iyo hadda ay xaaladdu tahay mid cakiran iyadoo xaafadaha qaarkood lagu xayiran yahay.

"Xaafadaha ay fatahaaddu saameynta xooggan ku yeelatay ayaa waxaa ka mid ah: Xaawo-taako, Buundo-weyn, ku-tiimbo iyo kuwo kale. Roobabku waxay ahaayeen kuwo xooggan oo socday sideed saacadood oo xiriir ah," ayuu yiri wariyaha HOL ee Baladweyne.

Maamulka gobolka Hiiraan ayaan weli ka hadlin fatahaadda webiga iyo biyaha buuxiyay qaybo ka mid ah magaalada Baladweyne, waxaana fatahaaddan ay noqonaysaa tii ugu darnayd ee ka dhacda xarunta gobolka Hiiraan sannadihii ugu dambeeyay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/28/2012 4:58 PM EST
Jimco, September 28, 2012 (HOL) - Xoogagga Al-shabaab ayaa caawa gabi ahaanba isaga huleelay magaalada Kismaayo, kadib markii ciidamada dowladda KMG iyo kuwa Kenya ay dhowr jiho kasoo weerareen magaalada.

9/28/2012 3:39 PM EST
Jimco, September, 28, 2012 (HOL) – Xaalad adag ayaa soo food saartay dadka ku dhaqan magaalada Baladweyne ee xarunta gobollka Hiiraan kadib markii uu xalay ku fatahay inta badan xaafaddaha magaalada wabiga Shabeelle.

9/28/2012 11:21 AM EST
Jimco, 28, 2012 (HOL) - Xaaladda Magaalada Kismaayo ayaa ah mid kacsan iyadoona ciidamada huwanta ah iyo kuwa Al-shabaab ay isku horfadhiyaan halka loo yaqaan Madaxtooyada oo ku taal afaafka hore ee laga soo galo magaalada Kismaayo.

9/28/2012 4:13 AM EST
Jicmo, September 28, 2012 (HOL) — Wariye ka faalooda barnaamiyada ciyaaraha oo maydkiisa oo qoorta ka go'an laga helay shalay degmada Huriwaa ayaa maanta lagu aasay deegaanka KM-13 ee duleedka Muqdisho, waxaana wariyahan uu noqonayaa wariyihii shanaad oo toddobaadkan lagu dilo Muqdisho.

9/28/2012 4:01 AM EST
Jicmo, September 28, 2012 (HOL) — Dagaal fool ka fool ah ayaa lagu soo waramayaa in uu ka bilowday duleedka magaalada Kismaayo, dagaalkaas oo ay isaga soo horjeedaa ciidamada dowladda KMG oo kaashanaya kuwa Kenya oo saaka maraakiib uga soo dagay dhanka xeebta Cceeldhiig ee magaalada Kismaayo iyo xoogagga Al-shabaab.

9/28/2012 3:56 AM EST
Jicmo, September 28, 2012 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur Tarsan ayaa sheegay in isbaarooyin lacago looga qaado dadka shacabka ah ay yaallaan qaar ka mid ah waddooyinka Muqdisho, isagoo ugu baaqay ciidamada dolwadda inay isbaarooyinkaas wax ka qabtaan.

9/28/2012 3:34 AM EST
Jicmo, September 28, 2012 (HOL) — Ciidamada booliiska Soomaaliyeed ayaa xalay baaritaanno saf-ballaaran ka sameeyay saddex degmo oo ka tirsan kuwa gobolka Banaadir, kuwaasoo ay kusoo qabqabteen dad fara badan oo lala xiriirinayo ammaan-darradii maalmihii lasoo dhaafay ka dhacayay Muqdisho.

9/28/2012 3:15 AM EST
Jicmo, September 28, 2012 (HOL) — Afhayeen milateriga Kenya, Col. Cyrus Oguna ayaa warbaahinta u sheegay in ciidamada Kenya ee qaybta ka ah AMISOM iyo kuwa dowladda Soomaaliya ay la wareegeen gacan ku haynta xaafado ka tirsan degmada Kismaayo ee gobolka Jubbada hoose.