2/22/2018
Today from Hiiraan Online:  _
Wararka Maanta- Khamiis, Oct 18, 2012
Shirkadda Xawaaladda Amaana oo deeq loo wakiishay gaarsiisay dad ku dhibaateysan Magaalada Baladweyne iyo Daafaheeda



Khamiis, Oktoobar 18, 2012 (HOL) — Shirkada Xawaaladda Ammaana oo maalmihii ugu dambeeyayba si weyn ugu mashquulsaneyd caawinta dadkii ay dhibaatadu ka soo gaartay  fatahaadii dhawaan ku dhuftay magaalada Baladweyne ayaa deeqo kala duwan gaarsiisay dad  ku dhibaateysan magaalada Baladweyne iyo goobaha ku dhow-dhow.

Kaalmada shirkada Xawaalada Ammaana ay u qaybisay dadka dhibaateysan ayaa ka timid saddex jaaliyadood oo kala ah: jaaliyadda Hiiraan ee Dubai oo ku deeqday lacag dhan ilaa $2000 oo doolar, jaaliyadda Hiiraan ee Bristol UK oo bixisay $5050 doolar iyo jaaliyada Soomaaliyeed ee Denmark oo soo dhiibtay deeq lacageed oo dhan illaa $2380.

Xassan Ibraahim Xalane oo ah mas’uulka shirkada  Ammaana ee magaalada Baladweyne ayaa  HOL u sheegay in deeqdan oo dhowr nooc isugu jirtay la gaarsiiyay Qoysas siweyn ugu baahnaa iyo  Bukaanada Jiifa Isbitaalka magaalada.


"Qoysas gaaraya ilaa 155 qoys oo ku noolaa deegaanno ku dhow-dhow degmada Baladweyne, waxaa loo qeybiyay deeq raashin ah oo ka koobnaa bur, bariis, sokor, iyo saliid, waxaan ku soo xulanay qoysaskaas sida ay u sii kala liiteen, ayuu yiri,’’ Xassan Ibraahim.

Sidoo kale waxaa uu sheegay in ilaa 85 bukaan ah oo jiifa isbitaalka guud ee magaalada Baladweyne la gaarsiiyay deeq ka koobneyd    Timir, Gasac Caano ah, iyo waliba Oomo ay u isticmaalaan nadaafada, iyadoo mid walba oo ka mid ah bukaanadaas sidoo kale la siiyay lacag dhan ilaa $ 20 doolar.

Mas’uulka shirkada Ammaana ee magaalada Baladweyne waxaa uu intaa ku darray in dhamaan tasiilaadka ku baxay qeybinta deeqdan ay soo direen Jaaliyadaha dibada ay bixisay shirkada Ammaana.


Dhamaan marka la eego dadkii ka faa’ideystay gargaar la gaarsiiyay ayaa siweyn uga mahad celiyay kaalmada ay heleem, iyaga oo ku amaanay shirkada Xawaalad Ammaana sida ay mar walba u bar bar taagan tahay dadka jilicsan.





C/raxmaan Diini, Hiiraan Online
[email protected]
Baladweyne, Soomaaliya




Click here
10/18/2012 8:26 AM EST
Khamiis, Oktoobar 18, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah ula wareegay xafiiska shaqada, kaddib munaasabad lagu qabtay Madaxtooyada Soomaaliya, taasoo madaxweyne, Xasan Sheekh Maxamuud uu ka qaybgalay.

10/18/2012 8:06 AM EST
Khamiis, Oktoobar 18, 2012 (HOL) — Xildhibaannada baarlamaanka Soomaaliya ayaa dib u dhigay maanta ansixinta miinaasiyad loogu talogalay inay dowaddu ku shaqeyso bilaha ka haray sannadkan 2012, kaddib doodo adag oo ay xildhibaannadu ka yeesheen miisaaniyaddan.

10/18/2012 7:55 AM EST
Khamiis, Oktoobar 18, 2012 (HOL) — Khubaradii caalamiga ahaa ee ka socotay ururka EPAF ee Baadha xasuuqyadda caalamka ka dhaca, ayaa soo gabogabaysay xabaal-wadareedyado ay muddo bil ah ka baadhayeen koonfurta magaaladda Hargeysa, iyagoo qalfoofkii dadkaasi la laayey isku ururiyeen, isla markaana 38 qof oo ku jiray xabaashaasi qof walba xubnihii lafihiisa isku habeeyey si loo garto cida uu yahay iyo eheladoodda.

10/18/2012 7:53 AM EST
Khamiis, Oktoobar 18, 2012 (HOL) — Madaxweynaha Somaliland Axmed Maxamed Maxamuud (Siilaanyo), ayaa xadhiga ka jaray balaadhinta baahintii Idaacada Radio Hargeysa oo lagu rakibay War-laliye weyn oo dunida laga dhagaysan doono, kaas oo wax ka tari doona baahidda loo qabay dhagaysiga Idaacadda Radio Hargeysa oo labaatankii sanadood ee u dambeeyey aan dhaafin dhagaysigeeddu magaaladda Hargeysa iyo agagaarkeedda.

10/18/2012 6:45 AM EST
Khamiis, Oktoobar 18, 2012 (HOL) — Wafdi ka socda urur goboleedka IGAD ayaa maanta gaaray magaalada Kismaayo ee xarunta gobolka Jubada hoose, halkaasoo ay si diirran ugu soo dhaweeyeen masuuliyiinta ka tirsan dowladda Soomaaliya iyo kuwa Raaskaambooni ee ku sugan magaaladaasi.

10/18/2012 6:43 AM EST
Khamiis, Oktoobar 18, 2012 (HOL) — Dhallinyaro tiradoodu gaarayso 200 oo ka kala yimid degmada Marko iyo deegaanno ku dhow-dhow ayaa markii ugu horreysay loogu qabtay maanta degmada Marko kulan wacyi-gelin ah.

10/18/2012 3:59 AM EST
Khamiis, Oktoobar 18, 2012 (HOL) — Dalbley ku hubeysan bastoolado ayaa saakay si gaadmo ah ugu dilay xaafadda Jiiro-maskiin ee degmada Wadajir guddoomiye waaxeed lagu magacaabo jiray, Burus, iyadoo kooxihii dilkiisa geystay ay goobta ka baxsadeen.

10/18/2012 2:40 AM EST
Khamiis, Oktoobar 18, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inay sii socon doonaan dagaallada ay ciidamada dowladda Soomaaliya kuwa AMISOM kula jiraan Al-shabaab inta kooxdan laga adkaanayo ama dalka oo dhan laga saarayo.

10/18/2012 2:38 AM EST
Khamiis, Oktoobar 18, 2012 (HOL) — Xildhibaannad baarlamaanka Soomaaliya ayaa kulan ay maanta ku yeelanayaan xarunta golaha shacabka kaasoo ay kaga doodayaan miisaaniyadda ay dowladdu ku shaqeynayso saddexda bilood ee soo socota.

10/18/2012 2:37 AM EST
Khamiis, Oktoobar 18, 2012 (HOL) — Xukuumadda Masar ayaa diiday inay dalkeeda galaan Soomaali kasoo carartay dagaallada ka socda dalka Suuriya, kaddib markii ay ka dageen garoonka diyaaradaha ee Masar shalay oo Arbaco ahayd iyadoo wata dal-ku-gal ama fiisooyin sharci ah.