3/29/2024
Today from Hiiraan Online:  _
Wararka Maanta- Isniin, Oct 1 , 2012
Hay'adda Nabadsugidda Gobolka Banaadir oo sheegtay in hadda la isku halleyn karo Ammaanka Magaalada Muqdisho
Isniin, Oktoobar 01, 2012 (HOL) — Taliyaha hay'adda nabadsugidda gobolka Banaadir, Col. Axmed Ereg ayaa sheegay in ammaanka Muqdisho ay adkeeyeen kadidb markii ay howlgallo isdaba-joog ah ka sameeyeen degmooyinka gobolka Banaadir.

Col. Ereg oo maanta saxaafadda kula hadlay Muqdisho ayaa sheegay in afar ruux oo ka tirsan Al-shabaab ay qabteen xalay iyagoo dagaalamaya, isagoo sheegay in la marsiin doono sharciga, wuxuuna hadalkiisa raaciyay in ammaanka Muqdisho la isku halleyn karo xilligan.

"Ammaanka Muqdisho waa mid la isku halleyn karo xilligan, waayo howlo badan ayay ciidamadu sameeyeen kuwaasoo lagu soo qabqabtay xubno badan oo Al-shabaab ka tirsan," ayuu Col. Ereg oo sheegay in xubnahaas lasoo taagi doono maxkamad.

Taliyuhu wuxuu soo bandhigay afar wiil oo dhalinyaro ah kuwaasoo uu sheegay in lagu soo qabtay xalay howgal ay ciidamadu sameeyeen, isagoo xusay in la qabtay iyagoo dagaalamaya ayna caddaan tahay inay ka tirsan yihiin Al-shabaab.

Hadalka Col. Ereg ayaa imaanaya iyadoo bishii hore ay qaraxyo iyo dilal qorsheysan ay ka dhaceen Muqdisho, kuwaasoo ay naftooda ku waayeen in ku dhow 50-qof oo ay ku jireen suxufiyiin ka howgalayay warbaahinta Muqdisho qaarkeed.

Qaraxyadii ka dhacay Muqdisho ayaa waxaa midkooda lagu weeraray hoteel uu deggenaa madaxweynaha cusub ee Soomaaliya, Xasan Sheekh Maxamuud kaasoo ay ku dhinteen sagaal qof oo ay ku jireen ciidamada AMISOM, gaar ahaan kuwa ka socda dalka Uganda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/1/2012 10:31 AM EST
Isniin, October, 01, 2012 (HOL)- Alla ha u naxariistee waxa xalay dalka Norway ku geeriyooday abwaankii caanka ahaa Maxamed Xaashi Dhaamac Gaariye oo billihii u dambeeyey ku xanuunsanayey dalkaasi.

10/1/2012 8:31 AM EST
Isniin, Oktoobar 01, 2012 (HOL) — Ciidamada dowladda Federaalka Soomaaliya, kuwa Raaskaambooni iyo Militariga Kenya oo isgarabsanaya ayaa goordhawayd gudaha u galay magaalada Kismaayo iyadoona ay ciidamadu magaalada kasoo galeen dhowr jiho.

10/1/2012 8:21 AM EST
Isniin, Oktoobar 01, 2012 (HOL) — Kooxo bastoolado ku hubeysan ayaa goor-dhaw ku toogtay magaalada Baladweyne ee xarunta gobolka Hiiraan nabadoon caan ka ahaa Baladweyne.

10/1/2012 6:53 AM EST
Isniin, Oktoobar 01, 2012 (HOL) — Ciidamada dowladda KMG iyo kuwa Kenya ayaa maalintii sedexaad ku sugan daafaha magaalada Kismaayo, iyadoona ay arintaasi keentay in dhaqdhaqaaqii ganacsi ee magaalada Kismaayo iyo deegaanada ku xeeran uu hakad galo.

10/1/2012 6:49 AM EST
Isniin, Oktoobar 01, 2012 (HOL) — Kaddib markii ay ciidamada dowladda Itoobiya iyo AMISOM ee ka socda dalka Jabuuti ka baxeen saldhigyadii ay ka daganaayeen magaalada Baladweyne, waxaa arintaa ka hadllay mas’uuliyiinta maamulka gobolka Hiiraan.

10/1/2012 4:17 AM EST
Isniin, Oktoobar 01, 2012 (HOL) — Afhayeenka baarlamaanka Soomaaliya, Maxamed Sheekh Cismaan Jawaari ayaa sheegay in ajnadaha ugu horreeya ee baarlamaanku uu ka doodi doono uu yahay dastuurka cusub ee Soomaaliya, isagoo sheegay inay dib u eegis ay ku sameyn doonaan qodobbada dastuurka oo dhan.

10/1/2012 3:36 AM EST
Isniin, Oktoobar 01, 2012 (HOL) — Kooxo hubeysan ayaa xalay ku dilay magaalada Gaarisa oo ah xarunta gobolka Waqooyi-bari ee dalka Kenya laba askari oo ka tirsan ciidamada ammaanka Kenya, iyagoo ay u suurogashay inay ka baxsadaan goobta markii ay dilka askarta fuliyeen.

10/1/2012 3:12 AM EST
Isniin, Oktoobar 01, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo xildhibaanno ah ayaa u dhoofay magaalada Baydhabo ee gobolka Bay halkaasoo ay maanta kulammo kula yeelanayana maamulka gobolka, kan degmada iyo saraakiisha ciidamada dowladda Soomaaliya, kuwa Itoobiya iyo AMISOM ee ka socda dalalka Uganda iyo Burundi.