10/16/2019
Today from Hiiraan Online:  _
Wararka Maanta- Arbaco, Nov 28, 2012
Hay'adda ICRC oo Gobollada Jubbada Hoose iyo Gedo ka qaybisay gargaar isugu jiray Raashiin iyo Abuurka Beeraha


Arbaco, November 28, 2012 (HOL) — Hay'adda Laa-Qeyrta Cas ee (ICRC) ayaa soo gabgabeysay raashin qaybin ay kawadday gobollada Koonfurta Soomaaliya, iyadoo sheegtay in deeqdaas ay ka faa'iideysteen 170,000 oo qof oo ku nool gobollada Jubbada Hoose iyo Gedo.

ICRC waxay sheegtay in dadka ku nool gobolladaas ay hayso xaalad cunno yaraan ah oo ka dhalatay roobabkii xilliga oo yaraday iyo colaado weli ka jira gobolladaas, waxayna hay'addu sheegtay inay ka walaacsan tahay xaaladda dadka gobolladaas ku nool.

"Dagaallada u dhexeeya dhinacyada hubeysan iyo xaaladda cimilada oo aad u xun ayaa sababtay in dadka Soomaaliyeed aysan helin raashin ku filan. Dad badan ayay colaaduhu guryahooda ka saareen, kuwaasoo xaalado bani'aadamnimo ay soo food-saareen," ayuu yiri Patrick Vial oo ah madaxa hay'adda ICRC ee Soomaaliya.

Sidoo kale, ICRC waxay sheegtay inay sii wadayso dadaallada ay u caawinayso dadka ku nool gobollada Koonfurta Soomaaliya, iyadoo xustay inay siisay dadkii ay caawisay gargaar cunno ah iyo qalabka kale ee ay u baahan yihiin.

"Gargaarka aan bixinayno wuxuu socon doonaa tan iyo bisha Jannaayo ee soo socota, wuxuuna gargaarkan noqon doonaan mid ay dadka la caawinayo ku heli doonaan raashin ay quutaan muddo dheer," ayuu yiri Maxamed Sheekh Cali oo la shaqeeya ICRC.

Hay'addu waxay sidoo kale sheegtay in mashruuc loogu talogalay tababarka dadka kalluumeysatada ah ay ka waddo gobollada, Banaadir, Shabeellada Hoose Jubbada Hoose, kuwaasoo lagu doonayo in dadku ay iyagu soo saartaan raashin ay cunaan ayna isku fillaadaan.

Dhanka kale, ICRC waxay sheegtay in iyadoo kaashanaysa hay'adda bisha cas ee Soomaaliyeed ay miraha abuurka beeraha u qaybisay 15,000 oo beeraley ah, iyadoo xustay in haddii mirahaas la beero ay quudin karaan 90,000 oo qof, iyadoo qoyskii uu ka kooban yahay lix qof.

ICRC ayaa waxay ka howgalaysay Soomaaliya tan iyo sannadkii 1977-kii, iyadoo ka caawisa shacabka Soomaaliyeed helista gargaarka deg-degga ah, sida raashinka, dawooyinka iyo waxyaabaha kale ee deg-degga ah.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/28/2012 12:28 PM EST
Arbaco, November 28, 2012 (HOL) —Madaxweeynaha Jamhuuriyadda Federaalka Soomaaliya Mudane Xasan Sheekh Max’uud iyo wafdigii uu hogaaminayay oo saaka ka ambabaxay Dalka Jabuuti ayaa galabta gaaray magaalada Adisababa ee dalka Itoobiya

11/28/2012 7:55 AM EST
Arbaco, November 28, 2012 (HOL) — Madaxweynaha Dowladda Soomaaliya, Xasan Sheekh Maxamuud iyo wafdi uu hoggaaminayo oo maalmihii lasoo dhaafay safar ku joogay dalka Jabuuti ayaa sheegay in safarka ay ku tageen Jabuuti uu isugu jiro laba qodob oo kala ah: maadcelin iyo inay tusaale ka dhigtaan sida dalkaas yar uu u shaqeynayo.

11/28/2012 6:39 AM EST
Arbaco, November 28, 2012 (HOL) — Guud ahaan gobolada iyo degmooyinka Somaliland waxa si weyn loogu dareeray sidii dadweynuhu ugu codayn lahaayeen musharaxiinta ka sharaxan degmooyinkooda, waxaanay Dadweynuhu saaka arooryadii hore safaf dhaadheer u galeen goobaha laga codaynayo, iyagoo si degan ugu jira sefefka una samraya cadceedda kulul iyo wakhtiga dheer ee ay ku jiraan safafka.

11/28/2012 6:20 AM EST
Arbaco, November 28, 2012 (HOL) — Iska-horimaad sababay khasaare nafeed ayaa maanta oo Arbaco ah ku dhexmaray duleedka degmada Balad-Xaawo ee gobolka Gedo ciidamada dowladda Soomaaliya iyo xoogagga Al-shabaab, iyadoo mas'uuliyiin u hadlay dowladda Soomaaliya ay guulo ka sheegteen dagaalka.

11/28/2012 6:17 AM EST
Arbaco, November 28, 2012 (HOL) — Ergayga xoghayaha guud ee qaramadda midoobay u qaabilsan Soomaaliya Dr: Augustine Mahiga, ayaa ka raali galiyey madaxweynaha iyo shacabka Somaliland warqad ka soo baxday xafiiskiisa oo uu madaxweynaha Somaliland si weyn u qoonsaday kuna tilmaamay mid gef ku ah qaranimadda Somaliland.

11/28/2012 6:00 AM EST
Arbaco, November 28, 2012 (HOL) — Maamulka degmada Dharkeynley ee gobolka Banaadir ayaa sheegay inay ku guuleysteen inay degmadaas ka qaadaan isbaarooyin yaallay, waxayan dowladda ka dalbadeen inay degmadaas geysto ciidammo ka hortaga in isbaarooyinka lasoo celiyo.

11/28/2012 3:24 AM EST
Arbaco, November 28, 2012 (HOL) — Wasiirka Gaashaandhigga Jamhuuriyadda federaalka Soomaaliya Mudane C/xakiin Xaaji Fiqi ayaa kulan la qaatay dhigiisa dalka Jabuuti, C/qaadir Kaamil Maxamed waxayna labadani masuul ka wada hadleen arimo ku saabsan iskaashiga labada dal.

11/28/2012 3:14 AM EST
Arbaco, November 28, 2012 (HOL) — Maamulka Xarakada Al-Shabaab ee degmada Baardheere ayaa sheegay inay saaka gacanta ku dhigeen labo dhalinyaro oo ka yimid dhinaca degmada Mandheera ee dalka Kenya, kuwaasoo ay ku sheegeen inay yihiin basaasiin u adeegaya Kenya.

11/28/2012 2:40 AM EST
Arbaco, November 28, 2012 (HOL) — Qof ku hubeysnaa qoriga AK-47 ayaa fiidnimadii xalay ku toogtay magaalada Baladweyne sadax ruux oo rayid ah, kuwaasoo ka mid ahaa ganacsatada ku dhaqan magaalada.