3/28/2024
Today from Hiiraan Online:  _
Wararka Maanta- Jimco, May 18, 2012
Taliyaha Ciidamada Itoobiya ee Baydhabo ku sugan oo sheegay inay adkeyn doonaan ammaanka degmadaas

Jimco, May 18, 2012 (HOL) — Taliyaha ciidamada Itoobiya ee Baydhabo ku sugan ayaa sheegay inay qaadayaan tallaabooyin ay ku adkeynayaan ammaanka guud ee degmada Baydhabo.

Hadalka taliyahana ayaa imaanaya iyadoo degmada Baydhabo ay safar ku tageen shalay oo Khamiis ah wafdi uu hoggaaminayo guddoomiyaha baarlamaanka Somalia, Shariif Xasan Sheekh Aadan.

"Waxaan qaadaynnaa tallaabooyin aan ku sugayno ammaanka guud ee Baydhabo iy weliba dadaal aan kaga bixinayno gobollada Bay iyo Bakool xoogagga Al-shabaab ee weli ku harsan," ayuu yiri taliyaha cidamada Itoobiya ee gobolka Bay oo lagu soo koobay magaciisa John.

Ciidamada Itoobiya ayaa kaga sugan gobolada Bay iyo Bakool dhowr degmo oo ay ka mid yihiin xarumaha labdaas degmo ee Baydhabo iyo Xudur, iyadoo Al-shabaab ay weerarro joogto ah ku hayaan degmooyinka ay ciidamadaas kaga sugan yihiin labadaas gobol.

Sarkaalka ugu sarreeya ciidamada Itoobiya ayaa sheegay inay tabo cusub oo aan horay loo arag u wajahayaan sugidda ammaanka degmooyinka ay kaga sugan yihiin gobollada Bay iyo Bakool, balse ma uusan sheegin tabahaas noocooda.

Guddoomiyaha baarlamaanka Soomaaliya, Shariif Xasan iyo wafdigiisa ayaa waxay shalay u tageen Baydhabo arrimo la xiriira ammaanka, iyagoo kulammo ay la yeesheen waxgaradka iyo shacabka ku boorriyay in lala shaqeeyo ciidamada DKMG ah iyo kuwa Itoobiya ee gacanta siinaya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/18/2012 11:45 AM EST
Ra’iisul wasaarihii hore ee Sweden ee sagaashameeyadii (90s) dowrka weyn ka ciyaaray soo dhaweyntii qaxootiga Soomaalida ahna Wasiirka Arrimaha Dibada ee Sweden, Honorable Carl Bildt, ayaa Hay’ada lagumagacaabo CANADIAN EYE ON AFRICA

5/18/2012 8:04 AM EST
Jimco, May 18, 2012 (HOL)- sanad guuradii 21aad ee ka soo wareegtay markii somaliland ka go’day soomaaliya inteedda kale 18 May 1991kii, ayaa maanta si weyn looga dabaal degay magaalooyinka waaweyn ee somaliland.

5/18/2012 7:55 AM EST
Jimco, May 18, 2012(HOL): Islaan Bashiir Islaan Cabdulle Islaan Faarax ayaa maanta si heer sara ah loogu soo dhaweeyay Garoonka diyaaradaha Caalamiga ah ee Aadan Cadde ee Magaalada Muqdisho.

5/18/2012 5:00 AM EST
Jimco, May 18, 2012 (HOL) — Maxkamadda Federaalka Itoobiya ayaa sheegtay inay maxkamadeynayso 11-qof oo lagu eedeeyay inay xiriir la leeyihiin Xarakada Al-shabaab oo ka dagaalanta Soomaaliya.

5/18/2012 4:44 AM EST
Jimco, May 18, 2012 (HOL) — Gudoomiyaha Xisbiga DADKA Saciid Ciise Maxamuud oo ka mid ah axsaabta siyaasadeed ee dalka ka jirta ayaa ku dhawaaqay inuu ka mid yahay musharaxinta u taagan doorashada madaxweynaha Soomaaliya, isagoo dhinaca kalena faahfaahin ka bixiyay waxyaabaha u qorsheysan haddii uu doorashadaas ku guuleysto iyo xaaladaha kale ee ka taagan dalka sida dastuurka.

5/18/2012 4:35 AM EST
Jimco, May 18, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dastuurka loo ansixin doono qaab KMG ah inta afti dadweyne looga qaadayo, isagoo intaas ku daray in dhawaan loo gudbin doono dastuurka guddigii loogu talogalay inay ansixiyaan.

5/18/2012 4:18 AM EST
Jimco, May 18, 2012 (HOL) — Dagaal u dhaxeeyay Ciidamada DKMG ah iyo kuwa Al-shabaab ayaa xalay ka dhacay degmada Dharkeenley, iyadoo dagaalka ahaa mid laga maqlayay inta badan magaalada Muqdisho la iskuna adeegsaday hub kala duwan.